JOHAN 19:28 - AMÜSÜH HÜM CL Bible (BSI)

²⁸ Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!”

JOHAN 19:28 Iomraidhean Croise

MUNGSHIKHÜN 22:15

I sühmüh ju phühkheam nangde kunga lah, I mulo khühlüh kheah dakkihchoh; nünü I ashebe asungthulung ching bahjihdo.

MUNGSHIKHÜN 69:21

Arünü I tsühyungbe müzüm, tüsho ayungpü asanke jih.

LUKNÜ ATHRÜTKHI THIYUSHEAK-ATSÜ HUHTANYU 12:50

Tüshe I baptipü lah, tüsho ju muhoyikia I küdükhüh lümthsünükhi la!

LUKNÜ ATHRÜTKHI THIYUSHEAK-ATSÜ HUHTANYU 18:31

Judüki apinü thürükheak mahne ju bemuwuh tüsho arü ki tha, “Kheahang, isa Jirusalem lim wutuchoh, tüsho Mihtsürü Tsührü dünkheak wukihrübonü athrütkhi alala adünjibah.

LUKNÜ ATHRÜTKHI THIYUSHEAK-ATSÜ HUHTANYU 22:37

Tümütüsho ha thrüta lakhi ju I kheak dünjibah de inü nüsa ki thachoh: ‘Tüsho api ju athsümünimrü lung kheyuk.’ Tümüde I dünkheaknü thrüta lakhibo adünjipü lah.”

LUKNÜ ATHRÜTKHI THIYUSHEAK-ATSÜ HUHTANYU 9:31

api müretahkhi ching akhiuk tüsho Jirusalem ching dünjipü api chamachihpü dünkheak asuk.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 17:4

Inü alomi ching nü müretahdo. Nünü I kilim rhimopü jihkhi rhimo bando.

JOHAN 18:4

Jumonü Jisunü api kheak dünjipü alala mükheahbah mikhuhlim yü tüsho arü ki tha, “Nüsanü she yimcho?”

JOHAN 19:24

Jumonü arünü arü bolung thaachih, “Isanü ha müruknaknü, tüshe ju shepü yo thsübanü azan thsanü,” junangde thaa lakhi amüsühyu dünji: “Arünü I khimmihbo arü bolung chama lu, tüsho I khimmih thsungkheak arünü azan thsü.” Jumonü bonungrübonü harü rhimo.

JOHAN 19:30

Jumonü küyimki Jisunü asan ke leangkhikheanü, apinü tha, “ Ha bando!” Tüsho aku mükhümbah sheabah.

JOHAN 19:36

Tümüde amüsühyu dünjipü thsüde harü rhimokheah, “Api robo khülang she müyihshak.”

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

YUNIRÜBO RHIMO 13:29

Tüsho küyimki api dünkheak thrütkhi alala arünü abankhea, sangdung kheaknü api yihkhi, tüsho kiuyuk ching yapshih.