JOHAN 19:17 - AMÜSÜH HÜM CL Bible (BSI)

¹⁷ Tüsho apinü sangkim hanbah Ibri yunü Golgotha de ajikhi kuro dangpung ching yü,

JOHAN 19:17 Iomraidhean Croise

THRÜNTAN 22:6

Jumonü Abrahamnü taka kingaünbe sang lu tüsho atsührü Isak dubuh kheak shuhkihjih; tüsho apinü akhah ching mo le nukjip lu, tüsho ane rukhüh yü.

1 KIULONG THSÜRÜ 21:13

Mihtsürü amütsü mahne azah tüsho Naboth mikhuh bin; tüsho mihtsürü amütsübonü Naboth azhihde mihtsürü mikinü tha, “Nabothnü Thrünpuh tüsho kiulongthsüpuh athrudo.” Jumonü arünü api kiuto aleanglim bekhit, tüsho api rusahabah.

LEVI 24:14

Athruajibuh ju binkheampung chingnü bekhitang, tüsho apinü athruajikhi sorü abannü amülim ah dükhi amütsan arü khah aku kheak nimbah, tüsho boto alalanü api lungnü rusahang.

MATHI 10:38

Tüsho shepünü nihbuh sangkim hanbah I dunglim müyannü I jingyanrü thsüpü müthülün.

MATHI 16:24

Judüki Jisunü api jingyanrübo ki tha, “Khürünü I dunglim arünesho api küdah thsüde danyukang tüsho nihbuh sangkim shuhbah I yanang.

MATHI 27:37

Tüsho api azhihkhi yu thrüta api kumung zojih: Ha jihudarü kiulongthsüpuh jisu.

MARK 10:21

Judüki Jisunü api kheahbah muzho, tüsho tha. “Nü khülangnü maban: Nü limro ching yübah nü lakhi alala yinang tüsho zhochihrü kilim jihang, tüsho yinmi ching nü rahpung labah; tüsho arang, I yanang.”

MARK 15:26

Tüsho api amülim jihkhi akumung thrüta zo: JIHUDARÜ KIULONGTHSÜPUH.

MARK 15:32

Israel kiulongthsüpuh, Khrista kheakü sangkim chingnü akiang, junangde isanü angübah tüsho akin labah.” Tüsho api lung yümkih-a bahrünü she api mükhemükim thsü.

MARK 8:34

Judüki Jisunü boto le jingyanrübo api kilim jibah tha, “Shepünü I dunglim arüpü künlanü, api küdah thsüde danyukbah nihbuh sangkim shuhang, tüsho I yanang.

LUKNÜ ATHRÜTKHI THIYUSHEAK-ATSÜ HUHTANYU 14:27

Tüsho shepünü nihbuh sangkim hanbah I dunglim marübanü I jingyanrü müthsükhuk.

LUKNÜ ATHRÜTKHI THIYUSHEAK-ATSÜ HUHTANYU 23:26

Kheakü arünü api bede ayüchoki, lomi chingnü arüde alakhi mihtsürü khülang Serenerü Simon tholo tüsho Jisu dunglim hanbah atsahpü api kheak sangkim yihkihjih.

LUKNÜ ATHRÜTKHI THIYUSHEAK-ATSÜ HUHTANYU 23:33

Tüsho küyimki arübo Kalvari de ajikhi dangpung ching arükhea, ju ching arünü athsümünimrü mahne ju khülang akhah tsülim tüsho püpü ju huzulim thsübah api yümkih.

LUKNÜ ATHRÜTKHI THIYUSHEAK-ATSÜ HUHTANYU 23:38

Tüsho api kumung Greek, Latin, tüsho Ibri yunü thrüta zo: Ha jihudarü kiulongthsüpuh.

LUKNÜ ATHRÜTKHI THIYUSHEAK-ATSÜ HUHTANYU 9:23

Judüki apinü arü alala ki tha, “Khürünü I dunglim arünesho api küdah thsüde danyukbah nimung aban nihbuh sangkim shuh-a hanang, tüsho I dunglim yanang.

JOHAN 19:13

Küyimki ju thakhi Pilatnü asokhea, apinü Jisu bede akhiukbah Ibri yunü Gabbatha de ajikhi dangpung Lung-khimkhi mahkhap binkiu ching bin.

JOHAN 5:2

Jirusalem ching Namfimihnu Chipiripit thüninde, Ibri yunü Bethesda de ajikhi, yünshim 5 lakhi kedükim khülang lah.

YUNIRÜBO RHIMO 7:58

Jushu arünü api kiuto ching bekhit tüsho arupü tankih. Tüsho thiyumütsan thsürübonü arü khimmihbo athrününgtsüngbuh Saul jing ki zojih.