JOHAN 19:11 - AMÜSÜH HÜM CL Bible (BSI)

¹¹ Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

JOHAN 19:11 Iomraidhean Croise

1 KIUTHSÜYUKHEAN 29:11

O Atungpuhnü ato, wu-sühmüh, müretahkhi, akukkhi, tüsho wüntremüretah; tümüde yinmi ching lakhi tüsho alomi kheak lakhi alala nü yo ah; kiulongthsü nü yo, O Atungpuh , tüsho nü alala kumung aku nangde shuhkih-a lah.

MUNGSHIKHÜN 39:9

Inü thiyu mütha, inü I mün mükhimshuh, tümütüsho nünü ha rhimokheah.

MUNGSHIKHÜN 62:11

Thrünpuhnü khülang ki asukdo, ha inü mahne ki sodo: Wu ju Thrünpuh yo ah.

TÜZHOKHI 3:37

Atungpuhnü mümulongsho shepünü thiyukhüm jihpü tüsho ju rhimokhukpü?

DANIEL 4:17

Ha aheangrü, yunirü khülang yuzüng lah, junangde Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü ki jihchoh, tüsho akheamkhibe mihtsürü kurungkheak she zojihchoh de mihtsürü lüpdükhinü amükheahbah.’

DANIEL 4:25

Nü mihtsürü bolungnü yanabahbah, tüsho nü lapung ju mütüm shiwüh bolung labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh, tüsho apinü amulongrü kilim ju jihchoh de nünü manikhityi khiungde kam thüne rünkhitbah.

DANIEL 4:32

Mihtsürü bolungnü nü yana bahbah, tüsho mütüm shiwüh bolung nü labah. Moshipung nangde nü rim rhipa tsühshihbah, nü ayinke ajipbah, tüsho Khide Achangbuhnü mihtsürü kiulongthsü kurungkheak yakzan shuhchoh tüsho apinü amulongrü kilim ju jihchoh de nünü manikhityi khiungde kam thüne rünkhitbah.”

DANIEL 4:35

Apinü alomi ching larü alala tümü kheyuka müla, tüsho yinmi putungrü tüsho alomi ching larü ki apinü tümü lümlanü rhimochoh. Api khah leanglorü yungsho api ki, “ Nü tümü rhimocho?” de atharü she müla.

DANIEL 5:21

Api ju mihtsürü boto chingnü yanabah, tüsho api lümkhi ju shiwüh nangde kamshih. Api lapung mütüm donki lung lashih, moshipung nangde rim tsühshih, tüsho Khide Achang Thrünpuhnü mihtsürü kiulongthsü kurungkheak yakzan shuhchoh, tüsho apinü alümkhi kheak zojihchoh de apinü manikhityi khiungde api pang ayinkenü pangshih.

MATHI 26:65

Judüki achangbe amükeambuhnü akhim thorüpde tha, “Apinü mükhemürang thado! Isanü thiyumütsan alü yihnüpü müla! Nüsanü kheakü apinü mükhemürangkhi sodo!

MATHI 27:2

Arünü api rhük tüsho Rom kovünor Pilat kilim bede yünü jih.

MATHI 6:13

tüsho rükaki ching isa dübeshih, tüshe amütsübe chingnü isa bekhitang. Tümütüsho nü kiulongthsü, wu tüsho müretah lünnü lah. Amen.

MARK 14:44

Kheakü api yinatsühbuhnü arü kilim amütsan khülang jihde tha, “Shepü inü müthsüpbanü api ah; api ramang tüsho aheangde bebah tsoang.”

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

JOHAN 18:13

Tüsho arünü api ju akhuhde Anna kilim bede yü, tümüde api ju, ju kam achangbe amükeamrü Kaifa akü lakheah.

JOHAN 18:3

Jumonü Judanü bonungrü khürü tüsho amükeam putungrübo le Pharisirübonü athiyikhi arüngyam aheangrübo bebah thsühnuk shuh tüsho tsünpung le tsünduphungbo hanbah ju ching yü.

JOHAN 19:10

Judüki Pilatnü api ki tha, “Nünü I ki thiyu müthaba de? Inü nü yümkihpü tüsho adükhepü wu lah de nünü mümükheah de?”

JOHAN 3:27

Johannü alo, “Yinmi chingnü api ki müjih-a lasho mihtsürünü tümü leangkhikhukpü.”

JOHAN 7:30

Judüki arünü api rampü yim; tüshe shenü api kheak khah muchung, tümütüsho api kim marüyide alakheah.

JOHAN 9:41

Jisunü arü ki tha, “Nüsa mük tukkhülaa neak müyihbeaka labah; tüshe kheakü nüsanü, ‘Isanü ngülah’ de thachoh, jumonü nüsa neakbo lah.”

YUNIRÜBO RHIMO 2:23

Thrünpuhnü ha mihtsürü ju lümkhi lade tüsho mükheahjungde nüsa kilim jih; tüsho nüsanü mihbukmuyuk arung hode api sangkim kheak yümkihde sheshih.

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

YUNIRÜBO RHIMO 4:28

ju nü wu tüsho nü lümkhinü pungkhia lakhi dünjipü rhimopü lakheah.

ROMRÜ KILIM PAULNÜ ATHRÜTKHI KIHÜM HUHTANYU 11:36

Tümüde lüpdükhi api kilimnü, api hode tüsho api kilim lah. Lünnü api müretahshang. Amen.

ROMRÜ KILIM PAULNÜ ATHRÜTKHI KIHÜM HUHTANYU 13:1

Mihtsürü abannü thiyukhümsühmüh khüp laang. Tümütüsho Thrünpuhnü amülüjihkhi kheak hode thiyukhüm-sühmüh püpü müla, tüsho sherü lanü Thrünpuhnü amokhitkhi lah.

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

JAKOB 4:17

Shepünü alim rhimopü mükheahbah ju rhimopü lakphahchonü, api thsungkheak ju neak ah.