JOHAN 18:4 - AMÜSÜH HÜM CL Bible (BSI)

⁴ Jumonü Jisunü api kheak dünjipü alala mükheahbah mikhuhlim yü tüsho arü ki tha, “Nüsanü she yimcho?”

JOHAN 18:4 Iomraidhean Croise

1 KIULONG THSÜRÜ 18:10

Atungpuh nü Thrünpuh lale, nü yimpü trükshih yungsho kiulongthsü sheshe müthiyikhi müla; tüsho küyimki arünü, ‘ Api ha ching müla’ de athaba, nü müngü de kiulongthsü yungsho trükshihnü api ki thiyuchihchimshih.

NEHEMIA 6:11

Inü alo, “I alihde ajikrü mihtsürü yung. Arüngyam ching jikde I rhangdung khümkhitbah de nünü lümcho shi? Inü jude müthsü.”

MUNGSHIKHÜN 27:3

Bonungrü boto khülangnü I zündodo she, I mulongnü mütre; I azhihde thirithsü wususu she, I mulongram labah.

MUNGSHIKHÜN 3:6

I azhihde mükamdoa larü mihtsürü chithürübo inü mütre.

MÜCHITMUDU 28:1

Mihbukmuyuk a shenü mümüshamde tsochoh, tüshe thiyuro-lungkirü a kekhüzü nangde mulong tolah.

MATHI 16:21

Ju kim chingnü Jisunü api jingyanrübo ki api Jirusalem ching yübah tüsho azothsürübo, amükeam putungrübo tüsho yakzan thsangyurü khah ching hihde athsünübah tüsho api alaksahbah tüsho mahsam nipü arhang kamlobah de ahuhpü tankih.

MATHI 26:2

“Nüsanü mükheahlah, nimung mahne dunglim phungho-thünio labah, tüsho Mihtsürü Tsührü sangkim ching yümkihpü jihbah.”

MATHI 26:21

Arü yimtsühde alachoki, apinü tha, “Atsütsü inü nüsa ki thachoh, nüsa bolung khülangnü I yinatsühbah.”

MATHI 26:31

Judüki Jisunü arü ki tha, “Khihre nüsa alala I dünkheaknü atsomüzütbah, tümüde ha thrüta lah: ‘Inü namfimihnu neakbuh shikbah, tüsho namfimihnu boto tsomüzütbah.’

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 13:11

Tümüde shepünü api yinatsühbanü apinü mükheahlah; jumonü apinü tha, “Nüsa alala a amüsüh yung.”

JOHAN 18:5

Arünü api ki alo, “Nazarethrü Jisu.” Jisunü arü ki tha, “I api ah.” Tüsho api yinatsühbuh Juda she arü bolung zhip.

JOHAN 18:7

Judüki apinü arü ki keolo, “Nüsanü she yimcho?” Arünü tha, “Nazarethrü Jisu.”

JOHAN 19:28

Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!”

JOHAN 6:64

Tüshe nüsa amükinrü khürü lah.” Tümüde atankih chingnü amükinrübo ju she a tüsho shepünü api yinatsühbanü Jisunü mükheah.

YUNIRÜBO RHIMO 2:28

Nünü I kilim rhangdung limro mükheahshih; nünü nü bede asühkhinü I mide akamshihbah.’

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,