JOHAN 18:37 - AMÜSÜH HÜM CL Bible (BSI)

³⁷ Jumonü Pilatnü api ki tha, “Judüasho nü ju kiulongthsürü a shi?” Jisunü alo, “I kiulongthsürü ah de nünü dükde thado. Ha dünkheaknü I zübekheah tüsho ha lomi ching arükheah, junangde inü thiyuro thiyumütsan thsübah, thiyuro yo thsürü abannü I düsheak anichoh.”

JOHAN 18:37 Iomraidhean Croise

ISAIA 55:4

Kheahang, inü api ki mihtsürübo thiyumütsan thsüjihdo, limberü khülang tüsho mihtsürübo thsungkheak limthorü lah.

MATHI 26:64

Jisunü api ki alo, “Nünü thado. Tüshe inü nüsa ki thachoh, ha dunglim Mihtsürü Tsührü ju Wuto khah tsülim binbah yinmi amo ching arükhi nüsanü angübah.”

MATHI 27:11

Kheakü Jisu ju kovünor miki zhip. Tüsho kovünornü api ki keokhi, “Nü Jihudarü kiulongthsüpuh a de?” Jisunü alo, “Am, nünü thachoh.”

MARK 14:62

Tüsho Jisunü alo, “I ah. Tüsho nünü Mihtsürü Tsührü Wuto khah tsülim binde tüsho thüning kheak amo ching arükhi ngübah.”

MARK 15:2

Judüki Pilatnü api ki keokhi, “Nü Jihudarü kiulongthsüpuh a de?” Tüsho apinü alo, “Nünü athakhi nangde ah.”

LUKNÜ ATHRÜTKHI THIYUSHEAK-ATSÜ HUHTANYU 22:70

Judüki arü alalanü tha, “Nü ju Thrünpuh tsührü a de?” Tüsho apinü arü ki alo, “Nüsanü I sheanü dükde thachoh.”

LUKNÜ ATHRÜTKHI THIYUSHEAK-ATSÜ HUHTANYU 23:3

Jumonü Pilatnü api ki keokhi, “Nü Jihudarü kiulongthsüpuh a de?” Tüsho apinü anihbuh ki alo, “Nünü athakhi nangde ah.”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 3:32

Apinü tümü ngükhea tüsho asokheanü asukchoh, tütüshe shenü she api yusheak müleangkhi.

JOHAN 7:17

Khürünü api lümkhi rhimopü mulongsho kingaün-yakzan ju Thrünpuh kilimnü a shi I thiyukhüm-sühmühnü asukchonü amükheahbah.

JOHAN 8:14

Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

JOHAN 8:45

Tüshe inü thiyuro thakhinü, nüsanü I kheak mükin.

JOHAN 8:46

Nüsa shepünü neak dünkheak I ki mütsanmükhi jihkhukba? Tüsho inü thiyuro thasho, tümüde nüsanü I mükin le?

JOHAN 8:47

Shepü Thrünpuh yoanü Thrünpuh yu anichoh; jumonü nüsanü mani, tümütüsho nüsa a Thrünpuh yo yung.”

1 TIMOTHI 6:13

Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 JOHAN 2:21

Nüsanü thiyuro mümükheahkhinü yung, tüshe nüsanü ju mükheahkhinü tüsho akeangyu ju thiyuro yo yung de amükheahmonü inü nüsa kilim thrütchoh.

1 JOHAN 3:14

Isanü keoniorü muzhokhinü ashe chingnü rhangdung lapü ching wukhiukdo de isanü mükheahlah. Shepünü mümuzhonü ashekhi ching lah.

1 JOHAN 3:19

Ha hode isa ju thiyuro yo ah de isanü amükheahbah, tüsho api miki isa mulongbo adüngakhi thsülobah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

AMIKHEAKAKHIUKKHI 3:14

“Tüsho Laodikea ching borü yunirü ki thrütang: ‘Amen de athakhi, athülünkhi, thiyuro thiyumütsan, Thrünpuhnü athrünkhi atankih yubo.