JOHAN 18:36 - AMÜSÜH HÜM CL Bible (BSI)

³⁶ Jisunü alo, “I kiulongthsü ju ha lomi yo yung. I kiulongthsü ju ha lomi yo thsükhülaa, I jingyanrübonü keochihbah, junangde I Jihudarü kilim müjih; tüshe I kiulongthsü ju ha chingnü yung.”

JOHAN 18:36 Iomraidhean Croise

DANIEL 2:44

Jurü kiulongthsürübo kim ching, küyimkishe müthsümünimbe yungsho püpürü mihtsürü kilim müjihpü kiulongthsü khülang yinmi Thrünpuhnü alashihbah. Junü kiulongthsü alala zünakbah tüsho arübo akheam thsüshihbah, tüshe ju a lünnü alabah.

DANIEL 7:14

Api kilim wu, müretah tüsho kiulongthsüpü jih-a lakheah, junangde mihtsürü alala, trükshihbo, tüsho thiyuthabonü api tankihpü lakheah. Api yakzan shuhpü ju akheam müla, hode mütsopü yakzan shuhpü, tüsho api kiulongthsüpü ju küyimkishe müthsümünimbe khülang ah.

ZEKARIA 9:9

Tode asühachihang, O Zion mihtsürübo! Achangnü zhiang, O Jirusalem mihtsürübo! Kheahang, nüsa kiulongthsüpuh nüsa kilim, thiyuro-lungki tüsho akhümkhit lade, azhihayih tüsho donki kheak, khorapung nunu kheak, donki nunu kheak binbah arüchoh.

MATHI 26:53

Kheakü I kilim yunirü boto thürükheak mahne kheaknü she alü arüshihpü inü I Buh ki mütamkhüntamnükhuk de nüsanü lümcho de?

LUKNÜ ATHRÜTKHI THIYUSHEAK-ATSÜ HUHTANYU 12:14

Jisunü alo, “Mihtsürü, shepünü I nüke kurungkheak mahkhaprü yungsho achamjihrü kamshihkhea?”

JOHAN 18:35

Pilatnü alo, “I Jihudarü a de? Nü trükshih tüsho amükeam putungrünü nü I kilim jihkheah. Nünü tümü rhimokhea?”

JOHAN 6:15

Jumonü küyimki arünü api muhde bea lubah kiulongthsürü kamshihpü Jisunü amükheahkhea, apinü alangzü awung lim yülo.

JOHAN 8:15

Nüsanü shih limnü mahkhapchoh; inü a sheshe mahmükhap.

ROMRÜ KILIM PAULNÜ ATHRÜTKHI KIHÜM HUHTANYU 14:17

Tümüde Thrünpuh kiulongthsü ju jim tüsho ayungbe yung tüshe Amüsüh Me ching thiyuro-lungki, mungtsü tüsho asühachihkhi lah;

1 TIMOTHI 6:13

Alala kilim rhangdung jihbuh Thrünpuh tüsho Pontia Pilat miki thiyumütsan tsüde alokhikhi Jisu Khrista mikinü,