JOHAN 18:28 - AMÜSÜH HÜM CL Bible (BSI)

²⁸ Jushu arünü Jisu ju Kaifa kinü kovünor yam ching bede yü, tüsho ju yapsu mükikde alakheah. Tüshe arü a kovünor yam ching müyüzah, tümüde arünü phungho-thünio tsühpü thsüde arü arüngde alakheah.

JOHAN 18:28 Iomraidhean Croise

MUNGSHIKHÜN 35:16

Amükinrü nangde arünü chikhide I luhmünechoh; arünü I kheak arü hü mütrütchoh.

MÜCHITMUDU 1:16

tümüde arü jing amütsü lim alihchoh, tüsho arünü thiyih bukpü niokheamchoh.

MÜCHITMUDU 4:16

Tümüde arünü amütsü mürhimoyikia arü müyapchoh; arünü khürü mükeamshihyikia arü yapshede müyü.

EZEKIEL 45:21

Akhuhbe khinu ching, thürükheak phüyi ni, nüsanü phunghothünio arüngbah, tüsho nimung thüne phaüm muyukkhi yikhap tsühbah.

MIKA 2:1

Sherünü arü yapkiu kheaknü mihbukmuyuk tüsho amütsü rhimo lümkhi thsüchonü ayokhe! Küyimki yinkhibanü, arünü ju asahchoh, tümütüsho ju arü wu ching lah.

MATHI 27:27

Judüki Pilat bonungrübonü Jisu bea lubah kovünor yam ching yüzah tüsho bonungrü boto alala api mükamde mukhung.

MARK 15:16

Judüki bonungrübonü khiunglün-yam ching bede yüzah, tüsho arünü bonungrü boto alala jimukhung.

LUKNÜ ATHRÜTKHI THIYUSHEAK-ATSÜ HUHTANYU 22:66

Ayinkhi akede, mihtsürü azothsürübo, amükeam putungrübo tüsho yakzan thsangyurübo rukhüh arübah arü kiuthsü-binkiu ching beyukbah tha,

JOHAN 11:55

Jihudarü phungho-thünio thüninde alakheah, tüsho ahihkhühnü nihbuh tsangkhitpü phungho-thünio müngühnü ju lomi chingnü Jirusalem lim wutu.

JOHAN 18:13

Tüsho arünü api ju akhuhde Anna kilim bede yü, tümüde api ju, ju kam achangbe amükeamrü Kaifa akü lakheah.

JOHAN 18:15

Simon Peter le jingyanrü püpünü Jisu dunglim yü. Kheakü jingyanrü püpü ju achangbe amükeamrünü mükheahde alakheah, tüsho Jisu lung achangbe amükeambuh yamkhuh ching yü.

JOHAN 18:33

Judüki Pilatnü thüyam ching yüzahlobah Jisu ji tüsho api ki tha, “Nü Jihudarü kiulongthsüpuh a de?”

JOHAN 18:39

“Tüshe phungho-thünio ching inü mihtsürü khürü nüsa kilim dükhepü nüsa yakzan khülang lah. Jumonü inü nüsa kilim Jihudarü kiulongthsüpuh dükheshihnela shi?”

JOHAN 19:11

Jisunü alo, “Akulimnü nü kilim müjih-a lasho nünü I azhihde tümü wu müla. Jumonü shepünü I nü kilim jihkheanü neak atobe lah.”

JOHAN 19:14

Kheakü ju phungho-thünio thsakhampü nimung tüsho animuro lakheah. Tüsho apinü Jihudarü ki tha, “Nüsa kiulongthsüpuh kheahang!”

JOHAN 19:9

tüsho thüyam ching yüzahlobah Jisu ki tha, “Nü küchingnü a? Tüshe Jisunü api ki tümü malo.”

YUNIRÜBO RHIMO 10:28

tüsho apinü arü ki tha, “Jihudarünü püpürü trükshih lung arihpü yungsho rhuakheahpü yakzan müla de nüsanü mükheahlah, tüshe inü mihtsürü sheshe amünean yungsho amümüsüh müjipü I ki huh.

YUNIRÜBO RHIMO 10:32

Jumonü Joppa ching yüzahang tüsho Peter de ajikhi Simon keoshang; api ju keto yean shihküprhimorü yam ching lah.’

YUNIRÜBO RHIMO 11:3

“Tümü thsükhi nünü tsütamübahkhi mihtsürübo kilim yübah arü lung yimtsühkhea?”

YUNIRÜBO RHIMO 3:13

Abraham Thrünpuh, Isak Thrünpuh, tüsho Jakob Thrünpuh, isa jipürü Thrünpuhnü, apinü adükhepü pungkhia lachoki nüsanü Pilat miki jihabahde abahyukbuh api yamlarü Jisu müretahshihdo.

YUNIRÜBO RHIMO 4:27

Tümütüsho ha kiuto ching nünü mujude-müsühkhitkhi, amüsüh nü yamlarü Jisu azhihde khiungkerü tüsho Israel mihtsürü lungnü Herod tüsho Pontia Pilat ane chido mukhung,

YUZÜNGTHALO 16:2

Jumonü nüsanü mihnu tüsho moshi bolungnü yihkhitbah api mung zopü Atungpuhnü mokhitkhi dangpung chingnü Atungpuh nüsa Thrünpuh kilim phungho-thünio shuhmülanga kingaünang.