JOHAN 18:1 - AMÜSÜH HÜM CL Bible (BSI)

¹ Küyimki Jisunü harü yubo thakhea, apinü ajingyanrübo bebah chamachih tüsho Kidron ayung hode yü. Ju dangpung ching shahwün khülang lakheah tüsho Jisu le ajingyanrübonü ju ching yüzah.

JOHAN 18:1 Iomraidhean Croise

THRÜNTAN 2:15

Atungpuh Thrünpuhnü mihtsürü ju bedarübah Eden shahwün ching wochakshihpü tüsho aneakpü zojih.

THRÜNTAN 3:23

Jumonü Atungpuh Thrünpuhnü küpü lonü api thrünkheanü ju wochakshihpü Eden shahwün chingnü yankhitabah.

2 SAMUEL 15:23

Mihtsürü alala hode ayüchoki lomi athrünkhinü achangnü trip; kiulongthsüpuhnü Kidron ayung ho, tüsho mihtsürü alala sunglo lim yü.

1 KIULONG THSÜRÜ 15:13

Apinü aji Maaka she kiulongthsüberü chingnü yihkhita bah, tümütüsho anihbenü athraneanbe Ashera thsü; Asanü anihbe mejak rüngkheam tüsho Kidron dükhün chingnü takabah.

1 KIULONG THSÜRÜ 2:37

Tümüde nü wukhiukbah Kidron ayung ho nimungnü, nü ashebah de mütsande mükheahang; nü thiyih ju nü ku kheak kihbah.”

2 KIULONG THSÜRÜ 23:12

Ahaz khiungshak kumung lakhi kingaün sadam, küpü Juda kiulongthsürübonü athsükhea, tüsho Manasenü athsükhi Atungpuh yam khiungshak mahne ching lakhi kingaün sadam, kiulongthsüpuhnü lukbah adütre kamde yihthünak, tüsho lungjinimbo Kidron ayung ching jipa bah.

2 KIULONG THSÜRÜ 23:4

Kiulongthsüpuhnü Hilkia achangbe amükeambuh, api khin amükeamrübo, tüsho ripit neakrübo ki Baal, Ashera, tüsho chiningbo thsungkheak thsükhi kukrukbo alala Atungpuh arüngyam chingnü lude akhiukshihpü thiyukhüm jih; apinü jurübo Jirusalem aleanglim Kidron mükeak chingnü tak tüsho awahbo Bethel ching hande yü.

2 KIULONG THSÜRÜ 23:6

Apinü Atungpuh yam chingnü Ashera sangthsü yihkhitbah Jirusalem aleanglim, Kidron ayung lim lude yünü takbah asungthulung kamde kingnak tüsho asungthulung ju mihtsürü dümung kiuyukbo kheak bah.

2 KIUTHSÜYUKHEAN 15:16

Kiulongthsüpuh Asanü abe Maaka she kiulongthsüberü chingnü yihkhita bah tümütüsho alibenü Ashera thsungkheaknü athraneanbe sangthsü khülang thsü. Asanü anihbe sangthsü kiukheam, züthünak, tüsho Kidron ayung chingnü takabah.

2 KIUTHSÜYUKHEAN 29:16

Amükeamrübonü Atungpuh yam alunglim müsühkhitpü yüzah, tüsho arünü Atungpuh arüngyam ching ngükhi amümüsüh kukruk alala Atungpuh yam khikzhakpung ching lude akhiuk; tüsho Levirübonü jurübo lubah Kidron ayung ching yü.

2 KIUTHSÜYUKHEAN 30:14

Arünü wusu tüsho Jirusalem ching lakhi kingaün sadam alala luk, tüsho rhümthüneabe jihpung kingaün sadam alala arünü lude yünü Kidron ayung ching bah.

NEHEMIA 2:15

jumonü azhing ching Kidron jindükhün limnü yübah chipi ju chinzhina kheah. Junangde I arükhi ru yande Jindükhün Chipiripit hode kiuto lim alodarü.

JEREMIA 31:40

Ashemi tüsho awah jindükhün alala, tüsho Kidron ayung khiungde thulubo alala, aniakhiuklim thrip Khora Chipiripit khiungde, Atungpuh kilim amüsüh labah. Ha küyimkishe murukkhit yungsho mükeamshih.

LEVI 2:6

Anininü yihthünakbah müdangke bukkihang; ha hi kingaün.

MATHI 26:30

Tüsho küyimki arünü khün thsükheanü Oliv Müzüng lim yü.

MATHI 26:36

Judüki Jisunü arü lung Gethsemane de ajikhi dangpung ching arü, tüsho jingyanrübo ki tha, “I ju ching yübah tamkhüntamnüchoki ha kheak bincholang.”

MARK 14:26

Tüsho küyimki arünü khün thsükheanü Oliv Müzüng ching yü.

MARK 14:32

Judüki arünü Gethsemane de ajikhi dangpung ching arü; tüsho apinü ajingyanrübo ki tha, “I tamkhüntamnüchoki ha kheak bincholang.”

MARK 14:42

Asürang, isanü yüanü. Kheahang, I yinatsührü ha kheak arüchoh.”

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 18:26

Achangbe amükeambuh yamlarü bolung khülang, Peternü anuku thsüpkhibuh betsührünü tha, “Inü api shahwün ching ngükhi yung de?”

YUNIRÜBO RHIMO 21:11

Apinü isa kilim arübah Paul chimrümbe lu tüsho ajing le akhahbo rhükbah tha, “Amüsüh Menü ha thachoh: Ha chimrümbe atungrü Jihudarünü Jirusalem ching hanangde arhükbah, tüsho arünü api khiungkerü kilim jihbah.”