JOHAN 17:6 - AMÜSÜH HÜM CL Bible (BSI)

⁶ “Nünü alomi chingnü I kilim jihkhi mihtsürübo ki nü mung akhiuka huhdo. Arübo nü yo lakheah, nünü arübo I kilim jih, tüsho arünü nü yu zo.

JOHAN 17:6 Iomraidhean Croise

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 22:22

Inü I keoniorü ki nü mung khipkhitbah; amukhungrü bolung inü nü shijihbah.

ABEKHIT 9:16

Tüshe ha thsungkheaknü inü nü asürüshihkheah, junangde I wu nü kheak huhbah tüsho alomi alala ching I mung khipkhitbah.

MÜCHITMUDU 2:10

Küyimki nü mulong ching lümlung yüzahbanü, tüsho mükheahmudu ju nü me ki atsü labanü,

MÜCHITMUDU 23:23

Thiyuro thuloang, tüsho ju düyin; lümlung thsangdankhi tüsho anikhitkhi ngüang.

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 12:28

Abuh, nü mung müretahang.” Judüki yinmi chingnü düsheak khülang arü, “Inü müretahdo tüsho kheaküshe müretahbah.”

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

JOHAN 15:3

Inü nüsa ki asukkhi yu hode nüsa müsühkhita lah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 17:14

Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

JOHAN 17:16

I alomi yo yungkhi nangde arübo alomi yo yung.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 17:7

Kheakü nünü I kilim jihkhi alala nü kilimnü ah de arünü mükheahdo.

JOHAN 18:9

junangde apinü, “Nünü sherü I kilim jihkheanü sheshe müdükheak,” de athakhi dünjipü lakheah.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JOHAN 6:39

Ha I thiyibuh Abuh lümkhi ah, junangde apinü I jihkhi alala tümü she müdükheak tüshe akheam nimung ching arhang kamlobah.

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

YUNIRÜBO RHIMO 13:48

Tüsho küyimki khiungkerünü ha sokhea, arübo asüh tüsho Thrünpuh yu müretah; tüsho lün rhangdung thsungkheak mokhitrü alalanü kin.

ROMRÜ KILIM PAULNÜ ATHRÜTKHI KIHÜM HUHTANYU 11:2

Apinü mükheahjunga lakhi api mihtsürü Thrünpuhnü mübahyuk, Elijanü Israel azhihde Thrünpuh ki mushukhi dünkheak amüsühyunü athakhi nüsanü mümükheah de?

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

2 TIMOTHI 1:13

Jisu Khrista kheak lakhi akin tüsho amuzho ching nünü I kheaknü asokhi thiyuro yubo yanang;

IBRI 2:12

apinü thachoh, “Inü I keoniorübo ki nü mung zhiyukbah, amukhungrü bolung inü nü shijihbah.”

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

1 PETER 1:1

Jisu Khrista amüsüh-thsangyurü Peter kilimnü, Pontia, Galatia, Kappadokia, Asia tüsho Bithynia ching hiumüzüta larübo kilim,

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

AMIKHEAKAKHIUKKHI 2:13

“‘Nü küching lacho, Arimri kiulongthsü-binkiu küching lanü inü mükheahlah; I thiyuro thiyumütsan thsübuh, Arimri lapung nüsa bolung laksahkhi Antipas nimungbo ching she nünü I mung düngde ramrih tüsho I yo akin müreanglo.

AMIKHEAKAKHIUKKHI 3:10

Tümütüsho nünü arümkheamde I yu zodo, alomi kheak larü rükakheahpü alomiküp athrünkhi kheak arüpü lakhi rükakipü kim chingnü inü nü küma zobah.

AMIKHEAKAKHIUKKHI 3:8

“‘Inü nü rhimobo mükheahlah. Kheahang, shenü she mürihkhukpü thsüde inü nü miki ripit khimshuhkhi zolah; nü sühmüh ninilah de inü mükheahlah, tütüshe nünü I yu zodo tüsho I mung müreanglo.