JOHAN 17:5 - AMÜSÜH HÜM CL Bible (BSI)

⁵ Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 17:5 Iomraidhean Croise

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

JOHAN 1:18

Shenü she tümü kim ching she Thrünpuh müngü. Abuh khüh kheak lakhi lapkhiung tsührünü lang api khipkhit.

JOHAN 10:30

I tüsho I Buh khülang ah.”

JOHAN 14:9

Jisunü api ki tha, “Philip, I nüsa lung khide ruhde lado, tüsho kheaküshe nünü I mümükheah de? Shepünü I ngüdünü I Buh ngüdo; jumonü küde thsah nünü, ‘Isa ki Abuh huhang,’ de thacho?

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 3:13

Mihtsürü Tsührü yinmi chingnü akikhi kheak hode shenü she yinmi ching müyükihyi.

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

FILIPI 2:6

api Thrünpuh nangde lalashe, apinü Thrünpuh akede rukhüh kampü mülüm,

IBRI 1:10

Apinü tha, “Nü Atungpuhnü atankih ching alomi thrün, tüsho thüningbo ju nü khah rhimobo lah;

IBRI 1:3

Atsührü ju Thrünpuh müretah tahkihlokhi tüsho wulakhi api yu hode lüpdükhi lashihde, dükde api mihtsürüpang huhkhi lah. Apinü neak tsangkhitpü jih dunglim yinmi ching wüntremüretah khah tsülim bin.

1 PETER 1:20

Alomiküp müthrünyide api mokhita lakheah, tüshe nüsa thsülimnü harü akheam kimbo ching amikheak akhiukshih.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 JOHAN 1:2

rhangdung ju amikheak akhiukshih tüsho isanü ju ngü, ju thiyumütsan thsü, tüsho Abuh lung lakhi lün rhangdung tüsho isa ki amikheak akhiukkhi nüsa ki zhiyuk–

AMIKHEAKAKHIUKKHI 13:8

Alomi ching larü, thrüna lakhi alomi chingnü alaksahkhi Namfimihnunu rhangdung hüm ching mung thrüta mülarü alalanü shiwüh ju kingaünbah.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.