JOHAN 17:26 - AMÜSÜH HÜM CL Bible (BSI)

²⁶ Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 17:26 Iomraidhean Croise

MUNGSHIKHÜN 22:22

Inü I keoniorü ki nü mung khipkhitbah; amukhungrü bolung inü nü shijihbah.

JOHAN 14:20

Ju nimung I Abuh kheak lah, nüsa I kheak lah, tüsho I nüsa kheak lah de nüsanü amükheahbah.

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JOHAN 15:4

I kheak lang, tüsho I nüsa kheak labah. Aliu ching mülade akhahnü aküdah thsüde aso masokhi nangde, nüsa I kheak mülasho nüsa she masokhuk.

JOHAN 15:9

Abuhnü I muzhokhi nangde, inü she nüsa muzhodo; I muzho ching laang.

JOHAN 17:23

I arü lung lah, tüsho nü I lung lah; junangde arübo khülang tsütsü kambah, junangde nünü I thiyikheah, tüsho nünü I muzhokhi nangde arü muzhodo de alominü amükheahbah.

JOHAN 17:6

“Nünü alomi chingnü I kilim jihkhi mihtsürübo ki nü mung akhiuka huhdo. Arübo nü yo lakheah, nünü arübo I kilim jih, tüsho arünü nü yu zo.

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 6:56

Shepünü I shih tsühcho tüsho I thiyih yungchonü I lung lachoh, tüsho l api lung lachoh.

JOHAN 8:50

Tüsho inü I müretahpü müyim; ju yimpü tüsho mahkhappü khülang lah.

ROMRÜ KILIM PAULNÜ ATHRÜTKHI KIHÜM HUHTANYU 8:10

Tüshe nüsa kheak Khrista lasho, neak hode nüsa pangbo shea lalashe, thiyurolungki hode nüsa mebo arhang lah.

1 KORINT 1:30

Api ju Thrünpuhnü isa lümlung, isa thiyuro-lungki, atsangkhitrü tüsho rhokhitrü kamshihbuh Jisu Khrista ching nüsa rhangdung limro ah;

1 KORINT 12:12

Pang khülang tüsho achamnak ahihdo, pang yo achamnak ahihdo lalashe pang khülang lakhi nangde Khrista she ju ruk ah.

GALATIA 2:20

I Khrista lung yümkih tüsho kheaküa I müla, tüshe Khrista I kheak lah. Pang ching I rhangdung lakhi ju, I muzhobuh tüsho I thsungkheaknü api jihabahbuh Thrünpuh tsührü lung akin hode lah.

EFISIA 1:6

ju apinü muzhodakbuh lung isa kheak akeangnü ajihkhi api müretahkhi amüthsüm shijihpü lakheah.

EFISIA 3:17

tüsho junangde akin hode nüsa mulongbo ching Khrista labah; junangde nüsa amuzho ching aying chinyukde tüsho düküngde,

EFISIA 5:30

tümütüsho isa ju api pang ching kheyukrü ah.

EFISIA 5:32

Ha aramyu asük khülang ah, tüsho ha Khrista tüsho borü dünkheak ah de inü thachoh;

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

KOLOSI 2:10

tüsho thiyuzüng le thiyukhüm-sühmüh alala kurung aku labuh kheak nüsa rhangdung abanathsangkhi kamdo.

KOLOSI 3:11

Ha ching Greek tüsho Jehudarü, tsütabahkhi tüsho tsütamübahkhi, yakzan mülakhi mihtsürü, yakli mümükheahrü, azhorü tüsho zuzu de müla, tüshe Khrista ju alala, tüsho alala ching lah.

2 TESALONIKA 2:16

Kheakü isa Atungpuh Jisu Khrista tüsho isa muzhobuh tüsho amüthsüm hode isa kilim lünnü sühakhim tüsho atsü jihbuhnü,

IBRI 2:12

apinü thachoh, “Inü I keoniorübo ki nü mung zhiyukbah, amukhungrü bolung inü nü shijihbah.”

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.