JOHAN 17:24 - AMÜSÜH HÜM CL Bible (BSI)

²⁴ Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

JOHAN 17:24 Iomraidhean Croise

THRÜNTAN 45:13

Junangde nüsanü Ijip ching I müretahde alakhi alala I buh ki thaang; tüsho nüsanü niokheamde I buh ha ching bede akiang.”

MATHI 25:21

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 25:23

Api putungrünü anihbuh ki tha, ‘Tsüde rhimodo, thiyuro yamlarü atsü; nünü kukruk anükhüh kurungkheak thiyuro lado, inü kukruk ahihkhüh kurungkheak nü yakzanshuhrü kamshihbah. Nü putungrü asühpung ching yüzahang.’

MATHI 25:34

Judüki kiulongthsüpuhnü tsülim larü ki thabah, ‘Arang, nüsa I Buhnü müngühjihrübo, alomiküp thrüntanchokinü nüsa thsungkheak thsakhamkhi kiulongthsü yamrüplurüp luang:

MATHI 26:29

Tüshe inü nüsa ki thachoh, inü nüsa lung I Buh kiulongthsü ching kurungaso ke aso muyungyi khiungde kurungaso ke muyung.”

LUKNÜ ATHRÜTKHI THIYUSHEAK-ATSÜ HUHTANYU 12:37

Aputungrü arüde alachoki atünadode alakhi ngürü yamlarübo asühpü. Atsütsü inü nüsa ki thachoh, apinü nihbuh chim rümbah arübo yimtsühpü binshihbah, tüsho arübah arü ahiuhakhipbah.

LUKNÜ ATHRÜTKHI THIYUSHEAK-ATSÜ HUHTANYU 23:43

Tüsho Jisunü api ki tha, “Atsütsü inü nü ki thachoh, khihni nü I lung asühpung ching labah.”

JOHAN 1:14

Thiyu ju shih kam tüsho isa bolung la, tüsho mihmüthsüm le thiyuronü mide alakhi lapkhiung tsührü müretah isanü ngü.

JOHAN 12:26

Khürünü I tankihsho, apinü I dunglim yanshang; tüsho I küching labanü I tankihrü she ju ching labah. Khürünü I tankihsho, I Buhnü api wüntre jihbah.

JOHAN 14:3

Tüsho nüsa thsungkheak lapung thsakhampü I yüsho, I alode arübah tüsho I kilim nüsa bea lubah; junangde I küching labanü, nüsa she ju ching labah.

JOHAN 15:9

Abuhnü I muzhokhi nangde, inü she nüsa muzhodo; I muzho ching laang.

JOHAN 17:2

nünü api kilim jihkhi alala kilim lünnü rhangdung jihpü thsüde mihtsürü alala kurungkheak nünü api ki thiyukhüm-sühmüh jih.

JOHAN 17:22

Tüsho isa khülang lakhi nangde arübo khülang lapü thsüde nünü I kilim jihkhi müretah arü kilim jihdo:

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 6:37

I Buhnü I jihkhi alala I kilim arübah, tüsho shepü I kilim arüchonü inü küyimkishe müyankhit.

JOHAN 6:39

Ha I thiyibuh Abuh lümkhi ah, junangde apinü I jihkhi alala tümü she müdükheak tüshe akheam nimung ching arhang kamlobah.

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”

1 KORINT 13:12

Tümüde kheakü isanü meayinpung ching thrimthrimde ngüchoh, tüshe judüki isanü mironü miro ngübah. Kheakü inü chama lang mükheahlah; judüki I mükheahrama lakhi nangde inü mükheahramde amükheahbah.

2 KORINT 3:18

Tüsho isa miro müyihdode Atungpuh müretah tahkihlode, Me lakhi Atungpuh kilimnü arükhi lünnü rünkihde ayükhi müretah lade api kiphahkhi ching müthriloa lah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

2 KORINT 5:8

Isa mulong tode lah, tüsho isanü pang kheaknü chamkhibah Atungpuh lung thüyam ching lapü mulonglah.

FILIPI 1:23

I mahne dükeak thoachihchoh. I a chamachihbah Khrista lung lapü künlah, tümüde ju atsübe ah.

1 TESALONIKA 4:17

judüki isa aninga larü, thüning ching Atungpuh shorupü arü lung amo ching rukhüh bemukhungbah tüsho isa lünnü Atungpuh lung labah.

1 PETER 1:21

Apinü ashekhi chingnü arhang kamloshihbah müretah jihkhi api hode Thrünpuh kheak nüsa mulongram lah, junangde nüsa akin tüsho mulonglam Thrünpuh kheak lah.

1 JOHAN 3:2

Amuzho müyamrübo, isa Thrünpuh tsührübo ah; isa künangde alabeanü amikheak makhiukyi, tüshe küyimki api amikheak akhiukbanü, isa ju api nangde alabah de isanü mükheahlah, tümüde api küjuanü isanü api ngübah.

AMIKHEAKAKHIUKKHI 21:22

Inü kiuto ching arüngyam tümü müngü, tümüde arüngyam ju Wuto Atungpuh Thrünpuh tüsho Namfimihnunu ah.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.