JOHAN 17:14 - AMÜSÜH HÜM CL Bible (BSI)

¹⁴ Inü arü kilim nü yu jihdo; tüsho alominü arü thraneando tümütüsho I alomi yo yungkhi nangde arübo alomi yo yung.

JOHAN 17:14 Iomraidhean Croise

THRÜNTAN 3:15

Inü alibe le nüke dükeak tüsho nü müjih le alibe müjih dükeak lungkhangachih zojihbah; apinü nü ku thrümrüpbah tüsho nünü api lahzhi kheak mukiubah.”

MÜCHITMUDU 29:27

Thiyuro-lungkirünü thiyuro mülarü thraneanchoh; mihbukmuyuknü alungkirü thraneanchoh.

ZEKARIA 11:8

Khinu khülang ching inü namfimihnu neakrü mahsam yankhita bahchoh, tümüde arü kheak inü marümkhukde kamdo, tüsho arünü she I mükheahne.

MARK 10:39

Tüsho anenü api ki alo, “Ikenü kuklah.” Tüsho Jisunü ane ki tha, “Nükenü inü ayungkhi pung yungpü tüsho I baptikhi yande baptipü kuklah;

JOHAN 17:16

I alomi yo yungkhi nangde arübo alomi yo yung.

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 7:7

Alominü nüsa müthranean, tüshe ju rhimo amütsü lah de inü thiyumütsan thsümonü I thraneanchoh.

JOHAN 8:23

Tüsho apinü arü ki tha, “Nüsa abolimnü ah; I a akulimnü ah. Nüsa ha lomi yo ah; I a ha lomi yo yung.

1 JOHAN 3:12

tüsho amütsübe lakhi tüsho aniurü laksahbuh Kain nangde düla. Tümü thsükhi apinü anihbuh laksahkhea? Tümütüsho api rhimobo amünean tüsho aniurü rhimobo thiyuro-lungki lakheah.

1 JOHAN 3:13

Keoniorübo, alominü nüsa thraneankhi dümüyinsah.