JOHAN 16:7 - AMÜSÜH HÜM CL Bible (BSI)

⁷ Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

JOHAN 16:7 Iomraidhean Croise

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

LUKNÜ ATHRÜTKHI THIYUSHEAK-ATSÜ HUHTANYU 24:49

Kheahang, inü I Buhnü alokhikhi nüsa kheak yüshihchoh; tüshe akulimnü nüsa kheak wu marüyi khiungde nüsanü Jirusalem kiuto ching aleangang.”

LUKNÜ ATHRÜTKHI THIYUSHEAK-ATSÜ HUHTANYU 4:25

Tüshe thiyuronü, inü nüsa ki thachoh, kam mahsam kheak khinu thuruk thüning khimdobah alomi alala ching khümzung arükhi Elija nimungbo ching Israel ching khimoberü ahihkhüh lakheah;

LUKNÜ ATHRÜTKHI THIYUSHEAK-ATSÜ HUHTANYU 9:27

Tüshe inü nüsa ki atsütsünü thaanü, ha ching zhipde alarü khürü a arünü Thrünpuh kiulongthsü müngüyi khiungde müshede alabah.”

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 14:3

Tüsho nüsa thsungkheak lapung thsakhampü I yüsho, I alode arübah tüsho I kilim nüsa bea lubah; junangde I küching labanü, nüsa she ju ching labah.

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 16:8

Tüsho küyimki api arübanü, apinü alomi neak, thiyuro-lungki, tüsho mahkhap mütsanmükhibah:

JOHAN 7:39

Tüshe ha api kheak kinrübonü aleangkhipü me dünkheak apinü athakheah; tümüde Jisu müretah mülayikhinü Amüsüh Me müjihyide alakheah.

YUNIRÜBO RHIMO 10:34

Peternü api mün khimshuh tüsho tha: “Tsükjide Thrünpuhnü jakmükheah de inü mütsanlah,

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

ROMRÜ KILIM PAULNÜ ATHRÜTKHI KIHÜM HUHTANYU 8:28

Api lümkhi yande jia larü, apinü amuzhorü ki lüpdükhi ching Thrünpuhnü atsü thsungkheak rhimochoh de isanü mükheahlah.

2 KORINT 4:17

Tümüde ha anükhühkheak thsünükhi junü makekhukkhi akheam müla müretah isa thsungkheak thsakhamde lah.