JOHAN 16:32 - AMÜSÜH HÜM CL Bible (BSI)

³² Atsütsü kim arüchoh, am nüsanü I langzü zojihbah mihbüm aban nihbuh yam lim yüpü kheakü arüchoh. Tütüshe I langzü yung, tümütüsho Abuh I lung lah.

JOHAN 16:32 Iomraidhean Croise

ZEKARIA 13:7

“ O nukshang, I yo namfimihnu neakrü azhihde asürang, I lung larü mihtsürü azhihde,” Wuto Atungpuhnü thachoh. Namfimihnu neakrü shikang, junangde namfimihnubo hiumüzütbah; inü aninibo azhihde I khah rholobah.

MATHI 26:31

Judüki Jisunü arü ki tha, “Khihre nüsa alala I dünkheaknü atsomüzütbah, tümüde ha thrüta lah: ‘Inü namfimihnu neakbuh shikbah, tüsho namfimihnu boto tsomüzütbah.’

MATHI 26:56

Tüshe ha alala wukihrübonü thrüta zokhi dünjipü lakheah.” Judüki jingyanrübo alalanü api bahbah tso.

MARK 14:27

Judüki Jisunü arü ki tha, “Nüsa alalanü I bahbah alihde atsobah, tümüde ha thrüta lah: ‘Inü namfimihnu neakrü shikbah, tüsho namfimihnubo hiumüzütbah.’

MARK 14:50

Judüki jingyanrübo alalanü api bahbah hiumüzütde tso.

JOHAN 12:23

Tüshe Jisunü arü ki alo, “Mihtsürü Tsührü müretahpü thsüde kim arüdo.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 16:25

“Harü inü rüklimnü nüsa ki asukdo; tüshe inü nüsa ki rüklimnü müthapü kim arüchoh, tüshe inü nüsa ki Abuh dünkheak khipkhitde athabah.

JOHAN 16:31

Jisunü arü ki alode tha, “Nüsanü kheakü kincho shi?

JOHAN 19:27

Jushu apinü jingyanbuh ki tha, “Nü be kheahang!” Tüsho ju kim chingnü jingyanbuhnü alibe ju anihbuh yam ching bede yü.

JOHAN 20:10

Jushu jingyanrü bünenü ane yam lim alode yü.

JOHAN 4:21

Jisunü alibe ki tha, “Alibe, I kheak kinang, nünü ha müzüng kheak yungsho Jirusalem ching Abuh mükingaünpü kim arüchoh.

JOHAN 4:23

Tüshe thiyuro kingaünrünü me tüsho thiyuro chingnü Abuh kingaünpü kim arüchoh; tüsho ha kheak lah; tümüde Abuhnü api kingaünshihpü hadürü yimchoh.

JOHAN 5:25

“Atsütsü inü nüsa ki thachoh, kim arüchoh, tüsho kheakü asherünü Thrünpuh tsührü düsheak sopü lah; tüsho sherünü asobanü rhangdung labah.

JOHAN 5:28

Ha kheak dümüyinsah; tümüde kiuyukbo ching larü alalanü api düsheak sopü kim arüchoh

JOHAN 8:16

Tüshe inü mahkhapsho, I mahkhapkhi ju thiyuro; tümüde I langzü yung, tüshe I thiyibuh I Buh lung I lah.

JOHAN 8:29

Tüshe shepünü I thiyikheanü I lung lah. Abuhnü I langzü muzojih, tümüde kamruhroro apinü amulongkhi inü rhimochoh.”

YUNIRÜBO RHIMO 21:6

Jushu isanü sangkung kheak yükih tüsho arübo thüyam lim yülo.

YUNIRÜBO RHIMO 8:1

Tüsho api shekhi ju Saulnü mülüjih-a lakheah. Tüsho ju nimung Jirusalem ching borü azhihde thsümüchi ato akhiuk; tüsho amüsüh-thsangyurübo kheak hode, arü alala Judea tüsho Samaria lomibo ching müzütabah.