JOHAN 16:28 - AMÜSÜH HÜM CL Bible (BSI)

²⁸ Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 16:28 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 24:51

Küyimki apinü arü müngühjihkhea, arü kinü api chamachih tüsho yinmi lim bede yükih.

LUKNÜ ATHRÜTKHI THIYUSHEAK-ATSÜ HUHTANYU 9:51

Küyimki api yinmi lim bede yükihpü kim khiungkhea, apinü mulong pungkhibah Jirusalem lim yü,

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 16:10

thiyuro-lungki dünkheak, tümütüsho I Buh kilim I ayübah tüsho nüsanü I müngülo;

JOHAN 16:16

“Sühkhüh labah nüsanü I müngüde alabah; tüsho kheaküshe sühkhüh labah nüsanü I ngübah, tümütüsho I Abuh kilim yüchoh.”

JOHAN 16:30

Kheakü nünü alala mükheahlah de isanü mükheahlah, tüsho shenü she nü ki keokhipü yihnüpü müla. Ha hode nü ju Thrünpuh kilimnü arükheah de isanü kinlah.”

JOHAN 16:5

“Tüshe kheakü I thiyibuh kilim I yüchoh, tüsho nüsa shenü she, ‘Nü külim yücho?’ de mükeo.

JOHAN 17:11

Kheaküa I alomi ching müla, tüshe harübo alomi ching lah, tüsho I nü kilim arüchoh. Amüsüh Abuh, nünü I kilim jihrü nü mung hode zojang, junangde isa nangde arü khülang labah.

JOHAN 17:13

Tüshe kheakü I nü kilim arüchoh, tüsho arü kheak I asühkhi dünjishihpü thsüde inü harü alomi ching thachoh.

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 8:14

Jisunü arü ki alo, “Inü I küdah thsüde thiyumütsan thsüthsü she, I thiyumütsan thiyuro ah tümüde I küchingnü arükhea tüsho I küching yüchonü inü mükheahlah; tüshe I küchingnü arücho tüsho I küching yüchonü nüsanü mümükheah.

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,