JOHAN 16:25 - AMÜSÜH HÜM CL Bible (BSI)

²⁵ “Harü inü rüklimnü nüsa ki asukdo; tüshe inü nüsa ki rüklimnü müthapü kim arüchoh, tüshe inü nüsa ki Abuh dünkheak khipkhitde athabah.

JOHAN 16:25 Iomraidhean Croise

MUNGSHIKHÜN 49:4

Inü müchitmudu lim I nükhün anguhbah; bingshang khungde inü jurü amütsanbo thanakbah.

MUNGSHIKHÜN 78:2

Inü shihdanglimyu ching I mün khimshuhbah; inü adüso yo rama lakhi thabah,

MÜCHITMUDU 1:6

müchitmudu tüsho shihdanglimyubo, lümlung thakhibo tüsho lümlung müchitbo anikhitpü thsungkheak.

EZEKIEL 20:49

Judüki inü tha, “Ah, Wuto Atungpuh ! Arünü I dünkheak thachoh, ‘ Apinü shihdanglimyu thachoh yung de?’ ”

MARK 4:13

Tüsho apinü arü ki tha, “Nüsanü shihdanglimyu ha manikhit de? Judüasho nüsanü küde thsah shihdanglimyubo alala anikhitpü?

MARK 4:34

Tüshe shihdanglimyu mübedüa apinü arü ki mütha. Tüsho küyimki arü mükhingde lakhea, apinü ajingyanrübo ki alala thanaka huh.

MARK 8:32

Apinü ha yu amikheak akhiukde tha. Tüsho Peternü api bemuwuhbah athürühpü tankih.

JOHAN 10:24

Judüki Jihudarünü api zündo tüsho tha, “Külokhüh nünü isa lümshangmang ching lashihba? Nü Khrista a sho isa ki khipkhitde thaang.”

JOHAN 10:6

Jisunü ha shihdanglimyu arü ki tha, tüshe apinü arü ki asukkhi arünü manikhit.

JOHAN 16:12

“Kheaküshe inü nüsa ki thapü ahihdo lah, tüshe nüsanü kheakü jurü marümkhuk.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 16:32

Atsütsü kim arüchoh, am nüsanü I langzü zojihbah mihbüm aban nihbuh yam lim yüpü kheakü arüchoh. Tütüshe I langzü yung, tümütüsho Abuh I lung lah.

2 KORINT 4:2

Ju müthri isanü müyima lakhi tüsho achihbe limrobo bahkhido; isanü mümülapmüji yungsho Thrünpuh yu arükchih mükamshih. Tüshe thiyuro thakhi ching Thrünpuh miki, mihtsürü aban ki isa tsülah dükhinü lah.