JOHAN 16:21 - AMÜSÜH HÜM CL Bible (BSI)

²¹ Aliberü küyimki thsünü ching labanü mulong rozhak lachoh tümütüsho anihbe kim arüdo; tüshe alibenü khungarü zübe müleangnü thsünü mülümkhitde kamchoh, tümüde mihtsürü asühkhi alomi ching zübedo.

JOHAN 16:21 Iomraidhean Croise

THRÜNTAN 3:16

Apinü alibe ki tha, “Inü nü khungarü hankhi thsünü alü kamshihbah; nü thsünüsahde khungarü zübebah; jude thsüthsü she nü niubuh mürühpü nü kheak labah, tüshe apinü nü kurungkheak yakzan shuhbah.”

JOB HU H T ANYU 11:16

Nünü nü küpkhuk mihabahbah; nünü ju ke bukde atsokhi nangdü lang alümkhitbah.

MUNGSHIKHÜN 113:9

Apinü tsührü lakhi asühkhi berü nangde bünkeang berü kilim thüyam lashihchoh. Atungpuh shiang!

ISAIA 13:8

tüsho arübo trede akambah, thsünü tüsho thsümütsünü arü tholobah; arübo aliberü khülang zübepü thsünü ching lakhi nangde thsünükhi ching labah. Arünü khülangnü khülang kheak trede akheahbah; arü mirobo motru nangde alabah.

ISAIA 21:3

Jumonü I chimbo atukkhinü mido; athsükhinü I tholodo, aliberü zübechoki thsünükhi nangde; inü asochoki I lümthsünüdo, inü ju ngüchoki I mulong keahkhiabahdo.

ISAIA 66:7

Anihbe mükhiyide alibenü zübejih; anihbe kheak thsünü marüyide tsührü khülang zübejih.

MIKA 4:10

O Zion mihtsürü, aliberü thsünüchoki nangde kolahang tüsho asheang; tümüde kheakü nü kiuto chingnü ayübah tüsho mükeak ching binkheambah; nü Babilon lim yübah. Ju ching nü bekhitbah, ju ching Atungpuhnü nü riribo khah chingnü nü rhokhitbah.

MIKA 4:9

Kheakü tümüde nünü achangnü zhicho! Nü lung kiulongthsürü müla de? Nü lümthiyan-jihrü dükheakbah aliberü thsünükhi nangde nü thsünüla de?

GALATIA 4:27

Tümüde ha thrüta lah, “Asühang, O tsührü mülabe bünkeangberü; nü shepü tsührü zübe-thsünü ching mülanü asühde zhiang; tümüde arhangberü tsührü kheaknü a abahyukkhi liberü tsührü ahihbe lah.”

1 TESALONIKA 5:3

Küyimki mihtsürünü, “Mungtsü tüsho akhümkhit” de athabanü mübünkeangkhi liberü kheak zübethsünükhi nangde zukleangnü arü kheak athsümünim arübah, tüsho arü mutsokhide alabah.