JOHAN 16:14 - AMÜSÜH HÜM CL Bible (BSI)

¹⁴ Apinü I müretahbah, tümüde küpü inü athakhi lanü apinü alubah tüsho ju nüsa ki khipkhitbah.

JOHAN 16:14 Iomraidhean Croise

ZEKARIA 12:10

Tüsho inü I mihmuzho tüsho amushukhi me khülang David yamkhün tüsho Jirusalem ching larü kheak dungkihbah; junangde arü achinkhitshihkhi khürü kheak kheahchoki, arünü api thsungkheak khürünü tsührü khülang lang alakhi thsungkheak tüzhokhi nangde atüzhobah tüsho adüjirü kurungkheak mitripkhi nangde düsüknimde atripbah.

JOHAN 14:21

Shepü I yuzüngbo la tüsho jurübo zochonü apinü I muzhochoh. Shepünü I muzhochonü I Buhnü amuzhobah, tüsho inü api muzhobah tüsho api ki I akhiuka huhbah.”

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 7:39

Tüshe ha api kheak kinrübonü aleangkhipü me dünkheak apinü athakheah; tümüde Jisu müretah mülayikhinü Amüsüh Me müjihyide alakheah.

1 KORINT 12:3

Jumonü shenü she Thrünpuh Me hode atharünü a, “Jisu muthrumüneanshang,” de müthachoh tüsho Amüsüh Me hode yungsho shenü she, “Jisu ju Atungpuh,” de müthachoh de nüsanü anikhitshihnelah.

2 KORINT 4:6

Tümüde Thrünpuh, shepünü “Amiting chingnü ayin tahshang,” de athakheanü, Khrista miro ki Thrünpuh müretah mükheahmudu ayin isa kilim jihpü isa mulongbo ching api ayin tah.

GALATIA 5:5

Tüshe akinnü, Me hode thiyuro-lungki mulonglam isanü aleangchoh.

1 PETER 2:7

Jumonü nüsa akinrübo ki api ju shoto ah, tüshe amükinrü thsungkheak, “Thüyam-thsürünü abahyukkhi lung thsü amühit-lung adungtobe kamdo,”

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 5:20

Thrünpuh tsührü arüdo tüsho thiyuro lakhi api mükheahpü isa kilim anikhitkhi jihdo de isanü mükheahlah; tüsho thiyuro lakhi, api tsührü Jisu Khrista kheak isa lah. Ha thiyuro Thrünpuh tüsho lün rhangdung.

1 JOHAN 5:6

Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah.

AMIKHEAKAKHIUKKHI 19:10

Judüki inü api kingaünpü ajing ki mükhüm, tüshe apinü I ki tha, “Nünü jude düthsü! I nü lung rukhüh tankihrü tüsho Jisu thiyumütsan thsürü nü keoniorü ah. Thrünpuh kingaünang.” Tümüde Jisu thiyumütsan ju müchitkhi me lah.