JOHAN 15:7 - AMÜSÜH HÜM CL Bible (BSI)

⁷ Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 15:7 Iomraidhean Croise

1 KIULONG THSÜRÜ 3:5

Gibeon ching Atungpuhnü azhing ching Solomon ki milim ching akhiuka huh; tüsho Thrünpuhnü tha, “Inü nü ki tümü jihbeanü kheangang.”

JOB HU H T ANYU 22:26

nünü Wutobuh kheak asühbah tüsho nü miro Thrünpuh ki dünkhitbah.

JOB HU H T ANYU 23:12

Inü api münnü tangzüngkhi chingnü müchamachih; nimung aban I tsühyungbe kheaknü alü thsüde api yubo inü thsakhama zolah.

MUNGSHIKHÜN 119:11

Inü nü yu I mulong ching ramlah, junangde inü nü azhihde neak müyihbeak.

MUNGSHIKHÜN 37:4

Atungpuh lung asühang, tüsho nü mulongnü akünkhi apinü nü kilim jihbah.

MÜCHITMUDU 10:24

Mihbukmuyuknü tümü trechonü api kheak arübah; thiyuro-lungkirünü tümü lunechonü amülüjihbah.

MÜCHITMUDU 4:4

apinü I ki thsangyu tüsho tha: “Nü mulongnü I yubo zoang; I yukhümbo zoang tüsho laang.

ISAIA 58:8

Judüki nü yo ayin yapsu nangde atahbah, tüsho nahde nü thsüngubah; nü thiyuro-lungki nü müngüh yübah, Atungpuh müretahkhinü nü dunglim aheangbah.

JEREMIA 15:16

Nü yubo ngüdo, tüsho inü tsüh, tüsho nü yubo I asühkhi kam tüsho I mulong asühkhi kam; tümüde nü mung chingnü I jia lah, O Atungpuh , Wuto Thrünpuh.

MATHI 7:7

“Kheangang, tüsho ju nüsa kilim jihbah; yimang, tüsho nüsanü angübah; damang, tüsho nüsa kilim khimshuhjihbah.

JOHAN 14:13

Tüsho nüsanü tümüpürü I mung chingnü akheangbanü inü arhimobah, junangde atsührü kheaknü Abuh müretahbah.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 8:31

Judüki Jisunü api kheak kinrü Jihudarü ki tha, “Nüsanü inü thsangyukhi anisho, atsütsü nüsa I jingyanrü ah.

JOHAN 8:37

Nüsa ju Abraham tsühsoniusobo ah de inü mükheahlah, tüshe nüsanü I laksahpü yimchoh, tümütüsho inü thsangyukhi nüsanü müleangkhi.

GALATIA 4:2

tüshe abuhnü akhukhi kim mukhiungyikia akümrü tüsho atoathüprü bukkhüp lah.

GALATIA 5:16

Tüshe inü thachoh, Me hode tsahang, tüsho shihkünkhi reangdükeamshih.

YUZÜNGTHALO 6:6

Tüsho inü khihni thiyukhüm jihkhi yu ha nüsa mulong ching labah;

KOLOSI 3:16

Khrista yusheaknü lümlung alala ching, khülangnü khülang thsangyude tüsho thsangdanachihde nüsa kheak suhdahde lashang, tüsho nüsa mulong ching Thrünpuh kilim makshe jihde mungshikhünbo, khünbo tüsho me khünbo thsang.

1 JOHAN 2:14

Buhrübo, inü nüsa kilim thrütchoh, tümütüsho shepü atankih chingnü alakheanü nüsanü mükheahlah. Athrününgtsüngbo, inü nüsa kilim thrütchoh, tümütüsho nüsa sühmüh lah, tüsho Thrünpuh yu nüsa kheak lah, tüsho nüsanü amütsübe chingnü tsokhitdo.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.

1 JOHAN 5:14

Tüsho ha isanü api kheak mulongram lakhi lah, junangde isanü api lümkhi yande tümükhüh kheangsho apinü isa ki anijihchoh.