JOHAN 15:6 - AMÜSÜH HÜM CL Bible (BSI)

⁶ Khürünü I kheak mülasho, sangkhah nangde jipa bahchoh tüsho kungabahchoh; arünü jurü hanmukhungbah mo ching jipyukchoh, tüsho jurü aniuabahchoh.

JOHAN 15:6 Iomraidhean Croise

2 SAMUEL 23:7

arü qiupü khürünü yinchi tso yungsho thsühbeak shuhchoh. Tüsho arübo shahde ju kheak monü muliuabahchoh.

JOB HU H T ANYU 15:30

Api amiting chingnü mutsokhi; motrunü api dübitbo yüngkungbah, tüsho api mün sheaknü api yünde atsobah.

MUNGSHIKHÜN 80:15

nü khah tsülimnü akhimkhi tüsho nü thsungkheak akhah düküngshihkhi kurungasolu.

ISAIA 14:19

tüshe nü a nü kiuyuk chingnü jipkhita bahlah, abahyukkhi sangkhah nangde, ashenü muhiudobahle, küpü nukshangnü düchipashungkhea, shepü Lungkhün ching yüzahkhea, ashemi khülang müphü khüp jungkhi nangde.

ISAIA 27:10

Tümüde chipi ayünkhi kiuto zhikrangkhündo lah, sunglo nangde lapung bahkhitdo tüsho bahyukdo; moshi nunubonü ju ching apheanchoh, arünü ju ching yapchoh tüsho akhahbo ajangsahchoh.

EZEKIEL 17:9

Arü ki thaang, Wuto Atungpuhnü ha thachoh: Ha atoba de? Ha aying murukkhitba de tüsho aso murhokhamba de, junangde yiuhamübahpü? Aso chinkhi alala ayiuhbah. Ha aying chingnü arukkhitpü wu ato yungsho mihtsürü ahihkhüh yihnüpü müla.

MATHI 13:41

Mihtsürü Tsührünü api yunirübo thiyibah, tüsho arünü api kiulongthsü chingnü neak yihbeakshihrü tüsho amütsü rhimorü alala bemukhungbah,

MATHI 27:5

Judüki apinü shotoyinchibo ju arüngyam ching jipa bahbah tso, tüsho yübah aküdah thsüde süksah.

MATHI 3:10

Awü ju sangdungbo ying kheak dünkihbah lah, tüsho aso masokhi sangdung aban kiushakbah tüsho mo ching jipyukbah.

MATHI 7:19

Sangaso amütsü asokhi sangdung aban kiushakbah mo ching jipyukchoh.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

IBRI 10:27

tüshe atrebe mahkhap tüsho thiriribo aniuabahpü motru mükkin thsüpü lang lah.

2 PETER 2:20

Arünü isa Atungpuh tüsho akhümkhitrü Jisu Khrista mükheahkhinü alomi athsümünim bahkhibah kheaküshe ju ching phuhlode kukshihsho, arü atan lakhi kheaknü akheam amütsübe lah.

1 JOHAN 2:19

Arü isa kheaknü awukhiukkheah, tüshe arü a isa lung mübe; tümüde arü isa lung bekhülaa, arünü isa lung mutuklode alabah; tüshe arü alala isa lung mübe de amütsanpü arü wukhiukdo.

AMIKHEAKAKHIUKKHI 20:15

khürü mung rhangdung hüm ching thrüta müngüsho, api ju modüjim ching jipyuk.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”