JOHAN 15:5 - AMÜSÜH HÜM CL Bible (BSI)

⁵ I kurungasoliu, nüsa akhahbo. Shepü I kheak lacho, tüsho I api kheak lanü hihde asochoh; tümütüsho I mübede nüsanü tümü müthsükhuk.

JOHAN 15:5 Iomraidhean Croise

MÜCHITMUDU 11:30

Thiyuro-lungkirü sangaso ju rhangdung sangdung, tüsho shepü lümlung lanü mebo bedarüchoh.

HOSEA 4:8

I mihtsürübo neak chingnü arü tsühyungde lah; jumonü nüsanü alü alü arünü neak yihbeakshihnelah.

MATHI 13:21

tütüshe api kheak aying mülakhinü anükhühkheak lang lachoh. Küyimki küpkhuk yungsho thsümüchi arübanü ju yu dünkheaknü api nahde lungabahchoh.

JOHAN 12:24

Atsütsü inü nüsa ki thachoh, wheat hi ju alo ching ayobah müshikhitsho, ju ruk lang lachoh; tüshe ju shikhitsho, junü hi ahihdo mukhuhshihchoh.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 9:33

Ha mihtsürü ju Thrünpuh kilimnü yungkhülaa apinü tümü müthsükhukde alabah.”

YUNIRÜBO RHIMO 4:12

Tüsho püpü tümü ching she akhümkhit müla, tümüde thüning bukkhüp mihtsürü bolung isa khümkhitpü püpü mung jih-a müla.”

ROMRÜ KILIM PAULNÜ ATHRÜTKHI KIHÜM HUHTANYU 12:5

junangde isa ahihdo thsüa lalashe Khrista ching khülang ah, tüsho khülangnü khülang kheak chingkihlah.

ROMRÜ KILIM PAULNÜ ATHRÜTKHI KIHÜM HUHTANYU 6:22

Tüshe kheakü nüsa neak chingnü zuzu kam tüsho Thrünpuh yo azhorü kam, ju müthri nüsanü atsangkhitkhi ngü tüsho akheam ju lün rhangdung lah.

ROMRÜ KILIM PAULNÜ ATHRÜTKHI KIHÜM HUHTANYU 7:4

Junangde, I keoniorübo, Khrista pang hode nüsa yakzan ching she, jude athsükhinü isanü Thrünpuh thsungkheak aso asopü thsüde ashekhi chingnü asürübuh kilim nüsa khülangnü khülang yo labah.

1 KORINT 10:16

Isanü müngühjihkhi müngühmühi pung ju Khrista thiyih ching shihcham lukhi yung de? Isanü ayihnakkhi yikhap ju Khrista pang ching shihcham lukhi yung de?

1 KORINT 12:12

Pang khülang tüsho achamnak ahihdo, pang yo achamnak ahihdo lalashe pang khülang lakhi nangde Khrista she ju ruk ah.

1 KORINT 12:27

Kheakü nüsa ju Khrista pang ah tüsho mihbüm abannü ju lung shihcham ah.

2 KORINT 13:8

Tümüde isanü thiyuro azhihde tümü müthsükhuk, tüshe thiyuro thsungkheak lang ah.

2 KORINT 9:10

Shepünü müjih-hiurü kilim müjih tüsho atsühpü yikhap jihchonü nüsa müjih bushihbah tüsho nüsa thiyuro-lungki yimlukhi alü kamshihbah.

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

EFISIA 5:9

(tümüde ayinatrüm sangaso ju atsü, alungki tüsho thiyuro alala ching ngüchoh),

FILIPI 1:11

Thrünpuh müretahpü tüsho mungshipü, Jisu Khrista hode arükhi thiyuro-lungki sangasonü mide akambah.

FILIPI 4:13

I sühmüh jihbuh hode inü lüpdükhi thsükhuklah.

FILIPI 4:17

Ju inü thsambah yimkhi yung; tüshe nüsa alü thsükhi ching bukhi sangaso inü yimchoh.

KOLOSI 1:10

Atungpuh ki athülün rhangdung lapü, api tsüde asühshihpü, rhimo atsü aban ching aso asoshihpü tüsho Thrünpuh mükheahkhi ching rünkihpü lah.

KOLOSI 1:6

alomi alala ching lakhi nangde, küpü nüsa kilim arükhea, tüsho nüsanü asokhi nimungnü nüsa bolung lakhi tüsho Thrünpuh amüthsüm thiyuro ching zokhi nangde;

JAKOB 1:17

Atsü tüsho khiukdahkhi thsambah aban akulimnü lah, mebo akhinkhi nangde mümüthrikhi yinmi ayinbo Abuh kilimnü akichoh.

1 PETER 2:4

Mihtsürünü abahyukkhi tüshe Thrünpuhnü amokhitkhi tüsho api ki shoto lakhi arhang lung kilim arang;

2 PETER 3:18

Tüshe isa Atungpuh tüsho akhümkhitbuh Jisu Khrista amüthsüm tüsho mükheahmudu ching zokihang. Kheakü tüsho lünnü api müretah lashang! Amen.