JOHAN 15:27 - AMÜSÜH HÜM CL Bible (BSI)

²⁷ Tüsho nüsanü she I thiyumütsan thsübah, tümütüsho atankih chingnü nüsa I lung lakheah.

JOHAN 15:27 Iomraidhean Croise

MARK 1:1

Ha Thrünpuh tsührü Jisu Khrista thiyusheak atsü atankih.

LUKNÜ ATHRÜTKHI THIYUSHEAK-ATSÜ HUHTANYU 24:48

Tüsho harü dünkheak nüsa thiyumütsanbo lah.

JOHAN 19:35

(Tüsho shepünü angükheanü thiyumütsan thsü, tüsho api thiyumütsan thiyuro; tüsho apinü thiyuro thachoh de apinü mükheahlah, junangde nüsanü akinbah.)

JOHAN 21:24

Hanü thiyumütsan jihbuh tüsho harü thrütkhi ju jingyanrü ha buh ah; tüsho api thiyumütsan thiyuro de isanü mükheahlah.

YUNIRÜBO RHIMO 1:8

Tüshe küyimki Amüsüh Me nüsa kheak arübanü nüsanü wu leangkhibah; tüsho nüsabo ju Jirusalem, Judea tüsho Samaria alala ching, tüsho alomi akheam khiungde I thsungkheak thiyumütsanbo labah.”

YUNIRÜBO RHIMO 13:31

tüsho api lung Galilee chingnü Jirusalem khiungde atsahrü ki nimung ahihdo apinü akhiuka huh. Arübo mihtsürübo ki kheakü api thiyumütsanbo lah.

YUNIRÜBO RHIMO 18:5

Küyimki Sila le Timothi büne Macedonia chingnü arükhea, Paul a Jisu ju Khrista lakheah de Jihudarü ki thiyumütsan thsüde thsangyuthsangrade alakheah.

YUNIRÜBO RHIMO 23:11

Ju tsüngre Atungpuh api ki zhipbah tha, “Mulong toang, tümüde nünü Jirusalem ching I dünkheak thiyumütsan jihdo, junangde nünü Rom ching she thiyumütsan thsübah.”

YUNIRÜBO RHIMO 3:15

tüsho Thrünpuhnü ashe chingnü arhang kamloshihbuh, rhangdung Putungpuh laksah. Ha thsungkheak isa thiyumütsanbo ah.

YUNIRÜBO RHIMO 4:20

Tümüde isanü angükhi tüsho asokhi thapü isanü atuklopü mukuk.”

YUNIRÜBO RHIMO 4:33

Tüsho wu atonü amüsüh-thsangyurübonü Atungpuh Jisu Khrista arhang kamlokhi thiyumütsan thsü, tüsho arü alala kheak amüthsüm ato lakheah.

1 PETER 5:1

I azothsürü, Khrista thsünükhi thiyumütsan jihrü tüsho amikheak akhiukpü lakhi müretahkhi ching shihcham lubuhnü nüsa bolung azothsürübo ki tuthsukchoh.

1 PETER 5:12

Athülünkhi keoniorübo de inü khejihde alakhi Sila arung hode, ha atsütsü Thrünpuh amüthsüm ah de tuthsukde tüsho khipkhitde inü nüsa kilim akhihkhühnü thrütchoh.

1 JOHAN 4:14

Tüsho Abuhnü alomi khümkhitrü thsüde api tsührü arüshihdo de isanü ngüdo tüsho thiyumütsan thsüchoh.

AMIKHEAKAKHIUKKHI 1:2

apinü anihbuhnü angükhi alala ki Thrünpuh yu tüsho Jisu Khrista thiyumütsan thsü.

AMIKHEAKAKHIUKKHI 1:9

I Johan, nüsa keoniorü, shepünü Khrista ching nüsa lung thsümütsü, kiulongthsü tüsho arümkheamkhi chamachihchonü, Thrünpuh yu tüsho Jisu thiyumütsan dünkheak I Patmos kekung-lo kheak lakheah.