JOHAN 15:26 - AMÜSÜH HÜM CL Bible (BSI)

²⁶ “Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 15:26 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 24:49

Kheahang, inü I Buhnü alokhikhi nüsa kheak yüshihchoh; tüshe akulimnü nüsa kheak wu marüyi khiungde nüsanü Jirusalem kiuto ching aleangang.”

JOHAN 14:26

Tüshe I mung chingnü I Buhnü athiyipü lakhi arungrü, Amüsüh Menü nüsa ki alala thsangyubah, tüsho inü nüsa ki thakhi alala lümkhitshihbah.

JOHAN 16:7

Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

YUNIRÜBO RHIMO 1:4

Tüsho küyimki arü mukhungkhea, apinü arü ki thiyukhüm jih: “Jirusalem bahbah dütso, tüshe inü nüsa ki thakhi I Buhnü alokhikhi thsambah thsungkheak aleangang.

YUNIRÜBO RHIMO 15:8

Mulong mükheahbuh Thrünpuhnü isa ki rhimokhi nangde Amüsüh Me jihde arü leangkhikhi huh;

YUNIRÜBO RHIMO 5:32

Tüsho harü thsungkheak api thiyumütsanbo isa lah, tüsho api ki mihyuanirü kilim Thrünpuhnü ajihkhi Amüsüh Me she lah.”

1 KORINT 1:6

Khrista dünkheak thiyusheak nüsa kheak düküngde kamshih,

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.

AMIKHEAKAKHIUKKHI 22:1

Judüki apinü I ki huhkhi ju rhangdung ke ayung, lungmüsang nangde, Thrünpuh kiulongthsü-binkiu tüsho Namfimihnunu kilimnü bukde