JOHAN 15:25 - AMÜSÜH HÜM CL Bible (BSI)

²⁵ Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

JOHAN 15:25 Iomraidhean Croise

MUNGSHIKHÜN 109:3

Arü athranean yubonü I mükamdoa lah, tüsho amudopü mülade I bede thirithsüdo.

MUNGSHIKHÜN 35:19

Akeangyu tharü I riribonü I kurungkheak dasühachihshih; yungsho amütsan mülade I thraneanrünü mük dathrapshih.

MUNGSHIKHÜN 69:4

Amütsan mülade I thraneanrü I kuyü kheaknü ahihbe ah; amudopü mülade I thsümünimpü yimrü I riribo ahihdo lah. Inü mahühkhi shakpü I kheak thsungkihchoh.

MUNGSHIKHÜN 7:4

inü I müyambuh kheak amütsü rhimoa lasho yungsho amütsan mülade I riri yankhia lua lasho,

MATHI 10:8

Tukthsü thsünguang, apham kihrü müsühkhitang, asherü arhang kamloshang, amünean me yankhitang. Nüsanü akeangnü leangkhido, akeangnü jihang.

LUKNÜ ATHRÜTKHI THIYUSHEAK-ATSÜ HUHTANYU 24:44

Judüki apinü arü ki tha, “Harü ha I nüsa lung lachoki inü nüsa ki, Mosa yakzan tüsho Wukihrübo le Mungshikhünbo ching I dünkheak thaa lakhi alala dünjibah de athakhibo lah.”

JOHAN 10:34

Jisunü arü ki thalo, “Nüsa thrünpuhbo ah de Thrünpuhnü athakhi nüsa yakzan ching thrüta müla de?

JOHAN 13:18

Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 19:36

Tümüde amüsühyu dünjipü thsüde harü rhimokheah, “Api robo khülang she müyihshak.”

ROMRÜ KILIM PAULNÜ ATHRÜTKHI KIHÜM HUHTANYU 3:19

Kheakü tümüpürü yakzannü thachonü yakzan bukkhüp larü ki thachoh de isanü mükheahlah, junangde mihbüm aban mün tuklobah, tüsho alomiküp athrünkhi Thrünpuh mahkhapkhi khüp lah.

ROMRÜ KILIM PAULNÜ ATHRÜTKHI KIHÜM HUHTANYU 3:24

tüshe Jisu Khrista hode arükhi api amüthsüm hode akeangnü alim kamshih.

2 KORINT 11:7

Nüsa shuhkihpü thsüde inü akeangnü Thrünpuh thiyusheakatsü nüsa ki thsangyuthsangrakhi ju I neak a de?

GALATIA 2:21

Inü Thrünpuh amüthsüm akeangkeang mükamshih; tümüde alim mütsankhi ju yakzan hode lakhülaa, Khrista shekhi amütsan mülabah.

2 TESALONIKA 3:8

adün müjihde isanü she yikhap she mütsüh, tüshe nüsa ki hahmülang müjihpü thsüde keaksah khisahde isanü azhing ayin rhimo.

AMIKHEAKAKHIUKKHI 21:6

Tüsho apinü I ki tha, “Ha rhimodo! I Alpha tüsho Omega, Atankih tüsho Akheam. Kethürirü kilim amo mulude rhangdung kekhip chingnü inü ayungpü jihbah.

AMIKHEAKAKHIUKKHI 22:17

Me tüsho Yamkhünbenü thachoh, “Arang.” Tüsho shepünü sochonü, “Arang” de thaang. Tüsho shepü kethürilanü arang, shepünü künlanü rhangdung ke akeang thsambah luang.