JOHAN 15:20 - AMÜSÜH HÜM CL Bible (BSI)

²⁰ Inü nüsa ki, ‘Yamlarü khülang ju nihbuh putungrü kheaknü atobe yung,’ de athakhi lümkhitang. Arünü I thsümüchisho, nüsa she athsümüchibah. Arünü I yubo zosho, nüsa ki she anibah.

JOHAN 15:20 Iomraidhean Croise

EZEKIEL 3:7

Tüshe Israel yamkhünnü nü ki anipü mümulong tümütüsho arünü I ki anipü mümulong, tümüde Israel yamkhün athrünkhi müküplah tüsho rhükrhüklah.

MATHI 10:24

“Jingyanrü khülang ju api thsangyurü kumung yung, yungsho yamlarü khülang ju api putungrü kumung yung.

MARK 10:39

Tüsho anenü api ki alo, “Ikenü kuklah.” Tüsho Jisunü ane ki tha, “Nükenü inü ayungkhi pung yungpü tüsho I baptikhi yande baptipü kuklah;

LUKNÜ ATHRÜTKHI THIYUSHEAK-ATSÜ HUHTANYU 2:34

Simeonnü arü müngühjih tüsho abe Mari ki tha, “Khungarü ha Israel ching ahihkhüh thsümünimpü tüsho khümkhitpü Thrünpuhnü amokhitkhi lah, tüsho azhihde athapü amütsan khülang labah,

LUKNÜ ATHRÜTKHI THIYUSHEAK-ATSÜ HUHTANYU 6:40

Jingyanrü khülang ju api thsangyurü kumung yung, tüshe mihbüm abannü küyimki apinü tsüde mükheahkhit-a lubanü anihbuh thsangyurü nangde alabah.

JOHAN 10:31

Judüki Jihudarübonü api kingpü lungbo lulo.

JOHAN 11:57

Kheakü amükeam putungrü tüsho Pharisirü chidonü, khürünü api ngüsho thiyusheak jihang junangde arünü api rambah de thiyukhüm jih.

JOHAN 13:16

Atsütsü inü nüsa ki thachoh, yamlarü khülang ju api putungrü kheaknü atobe yung; yungsho shepü thiyia lanü api thiyibuh kheaknü atobe yung.

JOHAN 5:16

Ha dünkheaknü Jihudarünü Jisu thsümüchipü tankih, tümütüsho apinü ju Amuni rhimo.

JOHAN 7:32

Botonü api dünkheak phiphirarakhi sobah Pharisirü le amükeam putungrübonü api rampü atorübo yüshih.

JOHAN 8:51

Atsütsü inü nüsa ki thachoh, khürünü I yu anisho apinü küyimkishe ashepü müngü.”

JOHAN 8:52

Judüki Jihudarünü api ki tha, “Kheakü nü amünean me lah de isanü mükheahlah! Abraham tüsho wukihrübo shedo; tüsho nünü thachoh, ‘Khürünü I yu anisho apinü küyimkishe ashepü müngü.’

JOHAN 8:59

Judüki arünü lung thrüa lubah api kheak king; tüshe Jisunü jikabah tüsho arü bolungnü hode yübah arüngyam chingnü wukhiuk, tüsho tsoabah.

YUNIRÜBO RHIMO 14:22

Arünü akinrübo me düküngshih, akin ching thiyuro lapü tuthsuk, tüsho thsümütsü ahihdo hode isanü Thrünpuh kiulongthsü ching yüzahbeah de tha.

1 KORINT 4:12

isa khahnü rhimochoh. Küyimki athruajibanü, isanü müngühjihchoh; küyimki thsümüchibanü, isanü arümchoh;

2 KORINT 4:9

thsümüchido, tüshe mübahyuk; kingmülündo, tüshe müyuri;

1 TESALONIKA 2:15

arünü Atungpuh Jisu tüsho wukihrübo chido laksah, isa yankhita bah, tüsho Thrünpuh masühshihde kam tüsho mihtsürü alala azhih,

2 TIMOTHI 3:12

Atsütsü, Jisu Khrista ching kinde alapü künkhi rhangdung alala athsümüchibah;

1 SAMUEL 8:7

tüsho Atungpuhnü Samuel ki tha, “ Mihtsürübonü nü ki thakhi arü düsheak alala ching anijang; tümüde arünü nü mübahyuk, tüshe arü kurungkheak kiulongthsürü zokhi hode I bahyukdo.