JOHAN 15:12 - AMÜSÜH HÜM CL Bible (BSI)

¹² Inü nüsa muzhokhi nangde nüsa khülangnü khülang muzhoachihpü thsüde ha I yuzüng ah.

JOHAN 15:12 Iomraidhean Croise

MALAKI 1:2

Inü nü muzhodo, Atungpuhnü thachoh. Tüshe nünü thachoh, “ Küde thsah nünü isa muzhokhi?” Esau ju Jakob akhiung yung de? Atungpuhnü thachoh. Tütüshe inü Jakob muzhodo

JOHAN 13:34

Nüsa khülangnü khülang muzhoachihpü inü nüsa kilim thiyuzüng aso khülang jihchoh; inü nüsa muzhokhi nangde, nüsa she khülangnü khülang muzhoachihang.

JOHAN 15:17

Nüsa khülangnü khülang muzhoachihpü thsüde inü nüsa ki thiyukhüm jihchoh.

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

EFISIA 5:2

Tüsho Khristanü isa muzhode tüsho isa thsungkheaknü rhümthüneade Thrünpuh kilim api shuhmülanga jihkhi nangde amuzho ching laang.

1 TESALONIKA 3:12

tüsho isanü nüsa ki rhimokhi nangde, khülangnü khülang tüsho mihtsürü alala ki muzhoachihpü ching Atungpuhnü nüsa alü rünkihde kamshang,

1 TESALONIKA 4:9

Tüshe keoniorü muzhopü dünkheaknü khürünü nüsa ki thrütpü thsüde yihnüpü müla, tümüde khülangnü khülang muzhoachihpü Thrünpuhnü nüsa ki thsangyudo.

2 TESALONIKA 1:3

Keoniorübo, isanü nüsa thsungkheak alungki lakhinü kamruhroro Thrünpuh ki makshe jihpü lah, tümütüsho nüsa akin alü thsüde zokihpü, tüsho nüsa khülangnü khülang muzhoachihkhi ching alü kamchoh.

1 PETER 1:22

Mulong jihde keoniorübo muzhopü thsungkheak nüsanü thiyuro ching mihyuanikhi hode nüsa mebo tsangkhitde khülangnü khülang mulong ching tsüde muzhoachihang.

1 PETER 3:8

Akheam ching, nüsa alalanü, me arihako, lümrhihachihkhi, keoniorü amuzho, mulong athünak tüsho azhihayih lümkhi laang.

1 PETER 4:8

Alala kheaknü, khülangnü khülang muzhoachihang, tümütüsho amuzhonü neak hihdakkhi yihdoabahchoh.

1 JOHAN 3:23

Isanü api tsührü Jisu Khrista mung ching kinpü tüsho apinü isa ki thiyukhüm jihkhi nangde khülangnü khülang muzhoachihpü api yuzüng lah.

1 JOHAN 4:21

Tüsho shepünü Thrünpuh muzhochonü api keoniorü she amuzhobah de apinü isa kilim jihkhi thiyuzüng lah.

2 JOHAN 1:5

Amuzho alibe, inü nüsa kilim thiyuzüng aso thrütkhinü yung, tüshe atankih chingnü isa khülangnü khülang muzhoachihpü lakhinü kheakü inü nüsa ki mushuchoh.