JOHAN 15:1 - AMÜSÜH HÜM CL Bible (BSI)

¹ “I kurungasoliu tsütsü, tüsho I Buh ju kurungasolu thsürü.

JOHAN 15:1 Iomraidhean Croise

KHÜNBOLUNGKHÜN 7:12

Ike yapsu mükikde kurungasolubo ching yüanü, tüsho kurungasobo duduhkhi, kurungasobo pungkhi tüsho tsarümkiu pungkhi kheahanü. Ju ching inü I muzho nü kilim jihbah.

ISAIA 4:2

Ju nimung Atungpuh sangkhah akheahakhambah tüsho müretahbah, tüsho lomi sangaso ju Israel aninga larü thsungkheaknü kükheangkhi tüsho müretahkhi labah.

ISAIA 60:21

Nü mihtsürü alala thiyuro-lungki labah; arünü lünnü alomi lubah. Arübo inü akhimkhi dübit, I khah rhimo, junangde I müretahbah.

ISAIA 61:3

Zion ching tüzhorü kilim jihchungpü, arü kilim awah müthri sangbünlak jihpü, tüzhopü müthri asühako müdangke, müdüküngkhi me müthri mungshi khim. Arübo ki thiyuro-lungki thülamdungbo de ajibah, Atungpuhnü akhimkhi, api müretah huhpü labah.

JEREMIA 12:10

Namfimihnu neakrü ahihdonü I yo kurungasolu thsümünimdo, arünü I shihcham junakdo, arünü inü asühkhi shihcham azhikkhi sunglo kamshihdo.

JEREMIA 2:21

Tütüshe amokhitkhi kurungaso nangde inü mokhita zokhi chingnü nü khimkheah. Dale küde thsah nünü thsümünimkhea tüsho mütüm kurungaso kamkhea?

EZEKIEL 19:10

Nü be ju nü yo kurungasolu ching kurungaso khülang ke ching khimkhi nangde lah; Ke suhdahkhi hode aso aso tüsho akhahbo mide la.

HOSEA 10:1

Israel a aso hihkhi kurungaso nangde lah. Api aso hih yande, apinü kingaün sadam alü thsü; api lomi lakhit yande, api dungjingbo alü thsü.

ZEKARIA 3:8

Kheakü aniang, Jihusua, Achangbe Amükeambuh, nü tüsho nü miki binrü nü zhimzhurübo! Tümüde arübo ju arübe kuhi-atsü amütsan lah: Inü I yamlarü Akhah hande arübah.

MATHI 15:13

Tüshe apinü alo, “Yinmi ching I Buhnü mükhimkhi sangrung aban rukkhitbah.

MATHI 20:1

“Tümütüsho yinmi kiulongthsü ju yapsu mükikde wukhiukbah api yo kurungasolu thsungkheak rhimopü rhimorü mulokhi thüyam putungrü kiphahlah.

MATHI 21:33

“Shihdanglimyu püpü: Kurungasolu putungrü khülang lakheah. Apinü ju mükamde shahwün ayün, ju ching anitpung kiu tüsho aheangsadam khülang thsü. Judüki apinü kurungasolu ju thulu-thsürü khürü kilim amüche jihbah hantsah yü.

MARK 12:1

Judüki apinü arü ki shihdanglimyu chingnü athapü tankih: “Mihtsürü khülangnü kurungasolu thsübah ju mükamde awündo, anitpung alokhün kiu tüsho aheangsadam thsü. Tüsho apinü thulu-thsürübo ki amüche jihbah lomi ashang ching hantsah yü.

LUKNÜ ATHRÜTKHI THIYUSHEAK-ATSÜ HUHTANYU 13:6

Apinü ha shihdanglimyu tha: “Mihtsürü khülangnü kurungasolu ching khubasodung khülang khima lakheah, tüsho apinü ju kheak sangaso yimde arübah müngü.

JOHAN 1:17

Tümüde yakzan ju Mosa hode jih, tüshe Jisu Khrista hode amüthsüm tüsho thiyuro arü.

JOHAN 1:9

Thiyuro ayin ju mihtsürü aban kilim ayin jihkhi alomi ching arükheah.

JOHAN 15:2

I kheak aso masokhi khah aban apinü rhea bahchoh; tüsho aso asokhi khah aban hihde asoshihpü apinü mülakkhitchoh.

JOHAN 6:32

Judüki Jisunü arü ki tha, “Atsütsü inü nüsa ki thachoh, Mosanü yinmi chingnü nüsa kilim yikhap jihkhi yung, tüshe I Buhnü yinmi chingnü thiyuro yikhap nüsa kilim jihchoh.

JOHAN 6:55

Tümüde I shih ju jim tsütsü tüsho I thiyih ju ayungbe tsütsü ah.

ROMRÜ KILIM PAULNÜ ATHRÜTKHI KIHÜM HUHTANYU 11:17

Akhimkhi oliv-dung khürü akhah yihshak, tüsho ju ching mütüm oliv-dung khah müchin. Nüsa khiungkerü ju mütüm oliv-dung kiphahlah, tüsho kheakü nüsanü Jihudarü rhangdung me düküngkhi ching shihcham luchoh.

1 KORINT 3:9

Tümüde isa ju Thrünpuh thsungkheak rukhüh rhimorü ah; nüsa ju Thrünpuh lu, Thrünpuh yam ah.

1 JOHAN 2:8

Tütüshe api tüsho nüsa kheak thiyuro lakhi thiyuzüng aso inü nüsa kilim thrütchoh, tümütüsho amiting hode tsochoh tüsho thiyuro ayin kamruhroro tahde lah.