JOHAN 14:31 - AMÜSÜH HÜM CL Bible (BSI)

³¹ Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 14:31 Iomraidhean Croise

MUNGSHIKHÜN 40:8

Inü nü lümkhi ching asühchoh, O I Thrünpuh, tüsho nü yakzan I mulong ching lah.”

ISAIA 50:5

Atungpuh Thrünpuhnü I nükhün khimshuhjih, tüsho inü mazhih, inü mutsolo.

MATHI 26:39

Apinü anükhüh limshude yübah amiro mükhüm tüsho tamkhüntamnüde tha, ‘O Abuh, kuksho ha pung I kheaknü luakhinjang; judüalalashe I lümkhi yung, tüshe nü lümkhi ah.’

MATHI 26:46

Asürang, isa yüanü. Kheahang, I yinatsührü ha kheak lah.’ ”

LUKNÜ ATHRÜTKHI THIYUSHEAK-ATSÜ HUHTANYU 12:50

Tüshe I baptipü lah, tüsho ju muhoyikia I küdükhüh lümthsünükhi la!

JOHAN 10:18

Shenü she I kheaknü muluchoh, tüshe I küdahnü jihchoh. Jihabahpü I wu lah, tüsho ju lulopü I wu lah. Ha yukhüm I Buh kilimnü aleangkhikheah.”

JOHAN 12:27

“Kheakü I me küpkhuklah, tüsho inü tümü thaba? ‘Abuh, ha kim chingnü I khümkhitang’ de athaba shi? Tüshe ha thsungkheaknü I ha kim ching arükheah.

JOHAN 12:49

Tümüde inü I yo thiyukhüm-sühmühnü masuk; tüshe inü tümü thaba tüsho tümü asukbanü I thiyibuh I Buhnü I ki thiyukhüm jih.

JOHAN 13:1

Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 15:9

Abuhnü I muzhokhi nangde, inü she nüsa muzhodo; I muzho ching laang.

JOHAN 18:11

Jisunü Peter ki tha, “Nü nukshang nuktrüp ching yukang. I Buhnü I kilim jihkhi pung inü muyungbea de?”

JOHAN 4:34

Jisunü arü ki tha, “I tsühyungbe ju I thiyibuh lümkhi rhimopü, tüsho api rhimo banpü lah.

FILIPI 2:8

Tüsho mihtsürü shihphü nangde azhihayihde kambah ashepü ching, sangkim kheak shepü she mihyuani.