JOHAN 14:28 - AMÜSÜH HÜM CL Bible (BSI)

²⁸ Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 14:28 Iomraidhean Croise

MUNGSHIKHÜN 68:18

Aramrübo api lung bebah achangbo kheak yükihchoh; azhihrü mihtsürübo kheaknü she apinü thsambahbo leangkhichoh, Atungpuh Thrünpuh ju ching labah.

MUNGSHIKHÜN 68:9

O Thrünpuh, nünü muzhomopungkhi tsüng arüshih, ju hode keaksah-a lachoki nü yamrüplurüp rhüngrhüngshih.

ISAIA 42:1

Ha kheak inü ramloa lakhi I yamlarü lah, shepü inü mokhitkhi, shepü kheak I menü asühcho; inü I me api kheak yukjihdo; apinü trükshihbo kilim thiyuro handarübah.

ISAIA 53:11

Api thsünükhi chingnü apinü ayin ngübah; api mükheahmudu hode api reangkeam ngübah. Thiyuro-lungki labuh, I yamlarünü ahihdo thiyuro-lungki kamshihbah tüsho apinü arü mülimkhibo hanbah.

MATHI 12:18

“Ha ching inü amokhitkhi I yamlarü, inü amuzhokhi tüsho inü asühkhi lah; inü api kheak I me lashihbah, tüsho apinü trükshihbo ki thiyuro zhiyukbah.

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 13:16

Atsütsü inü nüsa ki thachoh, yamlarü khülang ju api putungrü kheaknü atobe yung; yungsho shepü thiyia lanü api thiyibuh kheaknü atobe yung.

JOHAN 14:12

Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

JOHAN 14:18

“Inü nüsa mürerübo nangde mübahjih; I nüsa kilim arübah.

JOHAN 16:7

Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

JOHAN 20:17

Jisunü alibe ki tha, “I kheak dütholo, tümüde I Buh kilim I müyükihyi; tüsho I keoniorü ki yübah thaang, ‘I Abuh, nüsa Abuh, tüsho I Thrünpuh tüsho nüsa Thrünpuh kilim yüchoh.’”

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

JOHAN 5:18

Jumonü Jihudarünü api laksahpü alü thsüde yim, tümütüsho apinü Amuni lang athsümünimkhi yung, tüshe Thrünpuh ju api Abuh ah de tha, tüsho api ju Thrünpuh lung rukhüh khea lu.

JOHAN 7:33

Judüki Jisunü arü ki tha, “I nüsa lung anükhüh ruhde alabah, tüsho I thiyibuh kilim yübah.

1 KORINT 11:3

Tüshe mihtsürü aban kurungkheak aku ju Khrista, aliberü kurungkheak aku ju aniubuh, tüsho Khrista kurungkheak Thrünpuh ah de nüsanü anikhitshihnelah.

1 PETER 1:8

Api müngüngü she nüsanü api muzhochoh; api müngüngü she nüsanü api kheak kinchoh tüsho müthakhukbe asühachihchoh.

AMIKHEAKAKHIUKKHI 1:11

hade tha, “Nünü tümü ngülanü hüm kheak thrütang tüsho borü thüne, Efisia, Symrna, Pergamum, Thyatira, Sardis, Philadelphia, tüsho Ladokia lim mühahang.”