JOHAN 14:27 - AMÜSÜH HÜM CL Bible (BSI)

²⁷ Inü nüsa lung mungtsü zojihchoh, I yo mungtsü inü nüsa kilim jihchoh; alominü ajihkhi yung nangde inü nüsa kilim jihchoh. Nüsa mulong düthsümünim, yungsho dütre.

JOHAN 14:27 Iomraidhean Croise

2 KIUTHSÜYUKHEAN 20:30

Tüsho Jehoshaphat kiulongthsü keamramde kam, tümüde api Thrünpuhnü anihbuh kilim mühi alala ching sühakhim jih.

JOB HU H T ANYU 34:29

Trükshih yungsho bümlangzü thsungkheak thsüthsü, küyimki apinü zhikde alabanü shepünü küpkhuk jihkhukba? Api miro ramchoki shepünü api ngükhukba?–

MUNGSHIKHÜN 11:1

Atungpuh kheak inü tsoyukchoh; nünü küde thsah I ki thapü, “Wuhnu nangde müzüngbo ching phinde yüang;

MUNGSHIKHÜN 112:7

Amütsü yusheakbo apinü mütre; api mulong düküngde, Atungpuh kheak kinchoh.

MUNGSHIKHÜN 27:1

Atungpuh ju I tsün tüsho I akhümkhit; inü she trepü la? Atungpuh ju I rhangdung sühmüh ah; inü she trepü la?

MUNGSHIKHÜN 28:3

Sherünü yamhingrü ki mungtsü asukcho, tüshe arü mulong ching amütsü larü mihbukmuyuk lung I dübahyuk.

MUNGSHIKHÜN 29:11

Atungpuhnü api mihtsürü kilim sühmüh jihchoh; Atungpuhnü api mihtsürü mungtsü müngühmühi jihchoh.

MUNGSHIKHÜN 56:11

Inü api kheak kinchoh, tüsho mütrede alabah. Mihtsürünü I ki tümü thsükhukpü?

MUNGSHIKHÜN 56:3

Küyimki I trebanü inü nü kheak kinchoh.

MUNGSHIKHÜN 72:2

Apinü nü mihtsürü thiyuro-lungkirü, tüsho zhochihrübo ki alungkinü mahkhapbah.

MUNGSHIKHÜN 72:7

Api nimungbo ching thiyuro-lungkirü lalim tsüde alabah, tüsho khinu mülayi khiungde mungtsü suhdahde alabah.

MUNGSHIKHÜN 85:10

Mihmüthsüm tüsho thiyuro rukhüh shoruachihdo; thiyuro-lungki tüsho mungtsü müthsüpachihdo.

MUNGSHIKHÜN 91:5

Azhing mihtrebenü yungsho animung phinkhi hühzobonü nü trede müla,

MÜCHITMUDU 3:25

Zukleangnü atrebe lakhi yungsho mihbukmuyuk kheaknü küpkhuk arüchoki dütre;

ISAIA 12:2

Tsükjide Thrünpuh a I yo akhümkhit; inü akinbah, tüsho mütre, tümüde Atungpuh ju I sühmüh tüsho khün; api I akhümkhit kamdo.

ISAIA 41:10

dütre, tümüde I nü lung lah, dütre, tümüde I nü Thrünpuh ah; inü nü reangzahshihbah, inü nü rungbah, inü nü I thiyuro khah tsülimnü tholobah.

ISAIA 41:14

Dütre, nü ari Jakob, nü loriloko Israel! Inü nü rungbah, Atungpuhnü thachoh; nü rhokhitbuh ju Amüsüh Israel Thrünpuh lah.

ISAIA 54:13

Nü tsührü alala Atungpuhnü thsangyubah, tüsho nü tsührü mungtsü tüsho latsühlayung labah.

ISAIA 55:12

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

ISAIA 57:19

Limshu tüsho aphüni ching, mungtsü, mungtsü, Atungpuhnü thachoh; tüsho inü arü thsüngubah.

ISAIA 9:6

Tümüde isa thsungkheak tsührü khülang zübea lah, tsührü khülang isa kilim jih-a lah; kiulongthsü sühmüh api dubuh kheak kihlah tüsho api mung Amüyinsahbe Lümthiyan-jihrü, Wuto Thrünpuh, Akheam mülakhi Abuh, Mungtsü Kiulongthsürü de ajibah.

JEREMIA 1:8

Arü dütre, tümüde nü kümpü I nü lung lah, Atungpuhnü thachoh.

TÜZHOKHI 3:17

I mungtsü müladebahdo, latsühlayung inü mihabahdo;

EZEKIEL 2:6

Tüsho mihtsürü tsührü, nünü arü ki yungsho arü yubo dütre. Nü mühide ayangsang tüsho ayangbo lalashe tüsho lungthsühribo lung nü lalashe nünü dütre. Arü ju azhih yamkhün thsüthsü she, arünü athakhi yungsho arünü müzünkhi dütre.

DANIEL 4:1

Kiulongthsüpuh Nebukednezarnü mihtsürü alala, trükshihbo, tüsho alomi ching lakhi thiyutha kilim: Nüsa mungtsü laang!

DANIEL 6:25

Judüki kiulongthsüpuh Dariusnü mihtsürü alala tüsho lomiküp lüpdükhi ching thiyutha trükshih aban kilim thrüt: “ Nüsa tsüde laang!

ZEKARIA 6:13

Atungpuh arüngyam thsüpü ju api labah; apinü kiulongthsü wüntrekhi hanbah; tüsho binbahle api kiulongthsübinkiu kheak yakzan shuhbah. Api kiulongthsü-binkiu ki ane dükeak mungtsü anikhitkhi amükeamrü khülang labah.

WÜHKHE 6:26

Atungpuhnü nüsa kheak mulongde kheahshang tüsho nüsa kilim mungtsü jihshang.

MATHI 10:26

“Jumonü mihtsürübo ki dütre, tümüde amikheak makhiukpü tümü yihdoa müla, tüsho mümükheahpü tümü müyima müla.

LUKNÜ ATHRÜTKHI THIYUSHEAK-ATSÜ HUHTANYU 1:79

amiting ching larü yinshihpü tüsho ashe alamme ching larü kheak yinshihpü, isa jingdükü mungtsü limro ching bepü lah.”

LUKNÜ ATHRÜTKHI THIYUSHEAK-ATSÜ HUHTANYU 10:5

Tüshe nüsa thüyam kürü ching yüzahbanü, akhuhde thaang, ‘Ha yam ching mungtsü lashang.’

LUKNÜ ATHRÜTKHI THIYUSHEAK-ATSÜ HUHTANYU 12:4

“Tüsho inü nüsa ki thachoh, I müyamrübo, sherünü laksahbah ju dunglim tümü müthsükhuknü arü ki dütre.

LUKNÜ ATHRÜTKHI THIYUSHEAK-ATSÜ HUHTANYU 2:14

“Achangbe ching Thrünpuh müretahshang, tüshe shepü kheak apinü mulong keamchonü alomi ching mihtsürü bolung mungtsü lashang!”

JOHAN 14:1

“Nüsa mulong düthsümünim, nüsanü Thrünpuh kheak kinang, tüsho I kheak she kinang.

JOHAN 16:33

I kheak nüsa mungtsü lapü thsüde inü harü nüsa ki asukdo. Alomi ching nüsa thsümütsü-ato labah; tüshe mulong ato thsang, inü alomi kukdo!”

JOHAN 20:19

Ju nimung arelim, amu-khip akhuhbe nimung Jihudarübo trekhinü jingyanrübonü ripit rihbah alachoki, Jisu arübah arü bolung zhipbah tha, “Nüsa lung mungtsü laang!”

JOHAN 20:21

Judüki Jisunü arü ki thalo, “Nüsa lung mungtsü laang! I Buhnü I thiyikhi nangde, inü nüsa thiyichoh.”

JOHAN 20:26

Tüsho nimung tizheah dunglim jingyanrübo kheaküshe alunglim lakheah; tüsho arü lung Thoma lakheah. Khimdopü rih-a lalashe arübah arü bolung zhip, tüsho tha, “Nüsa lung mungtsü lang!”

YUNIRÜBO RHIMO 10:36

Thrünpuhnü Jisu Khrista–api ju alala yo Atungpuh– hode mungtsü yusheak atsü zhiyukpü Israel kilim thiyusheak yüshihkhi nüsanü mükheahlah.

YUNIRÜBO RHIMO 18:9

Tüsho tsüngre khülang Atungpuhnü Paul ki michih chingnü tha, “Dütre, tüshe asukang tüsho zhikde düla;

ROMRÜ KILIM PAULNÜ ATHRÜTKHI KIHÜM HUHTANYU 1:7

Thrünpuhnü muzhokhi, amüsührü thsüpü jikhi Rom ching larü alala kilim: Isa Abuh Thrünpuh tüsho Atungpuh Jisu Khrista kilimnü nüsa amüthsüm tüsho mungtsü lashang.

ROMRÜ KILIM PAULNÜ ATHRÜTKHI KIHÜM HUHTANYU 15:13

Mulonglam Thrünpuhnü api kinkhi chingnü nüsa asühachih tüsho mungtsünü mishang, junangde Amüsüh wu hode nüsa mulonglam suhdahde alabah.

ROMRÜ KILIM PAULNÜ ATHRÜTKHI KIHÜM HUHTANYU 5:1

Jumonü akin hode alim kamshihkhinü isa Tungpuh Jisu Khrista hode Thrünpuh lung isa mungtsü lah.

ROMRÜ KILIM PAULNÜ ATHRÜTKHI KIHÜM HUHTANYU 5:10

Tümütüsho thiriri lachoki api tsührü shekhinü Thrünpuh kheak isa tsüarihshih-a lasho, alü thsüde kheakü tsüarih-a lale, api rhangdungnü isa khümkhitbah.

ROMRÜ KILIM PAULNÜ ATHRÜTKHI KIHÜM HUHTANYU 8:6

Shih kheak mulong zokhi ju ashekhi, tüshe Me kheak mulong zokhi ju rhangdung tüsho mungtsü.

1 KORINT 1:3

Isa Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü lashang.

GALATIA 1:3

Isa Abuh Thrünpuh tüsho Atungpuh Jisu Khristanü nüsa kilim amüthsüm tüsho mungtsü jihshang,

GALATIA 5:22

Tüsho Me sangaso ju amuzho, asühpü, mungtsü, arümkheam, tsüyihkhi, tsüde thiyuro lakhi,

GALATIA 6:16

Ha yuzüng hode atsahrü alala, Thrünpuh mihtsürübo kheak mungtsü tüsho mihmüthsüm laang.

FILIPI 4:7

Tüsho anikhitkhi alala kihode alakhi Thrünpuh mungtsünü Jisu Khrista ching nüsa mulong tüsho lümkhibo aheangbah.

KOLOSI 1:2

Kolosi ching amüsührü tüsho Khrista ching thiyuro larü keoniorübo kilim: Isa Abuh Thrünpuh kilimnü nüsa kilim amüthsüm tüsho mungtsü laang.

KOLOSI 1:20

tüsho alomi kheak yungsho yinmi ching thsüthsü, api sangkim thiyihnü mungtsü thsüde api hode anihbuh kheak tsüarihlo.

KOLOSI 3:15

Tüsho nüsa pang khülang ching jikhi, Khrista mungtsünü nüsa mulongbo ching yakzan shuhshang. Tüsho makshe jihde laang.

2 TESALONIKA 1:2

Abuh Thrünpuh tüsho Atungpuh Jisu Khrista kilimnü nüsa kilim amüthsüm tüsho mungtsü laang.

2 TESALONIKA 3:16

Kheakü mungtsü Atungpuhnü kim tüsho limro alala ching nüsa kilim mungtsü jihshang. Atungpuh nüsa alala lung laang.

2 TIMOTHI 1:7

tümüde Thrünpuhnü isa kilim trechihtrean me jihkhi yung tüshe wu, amuzho tüsho zangrü danyukkhi me ah.

IBRI 13:20

Lün tangzüng thiyih hode namfimihnu neakrü ato, Atungpuh Jisu Khrista ashe chingnü arhang kamloshihbuh Thrünpuh mungtsünü,

IBRI 7:2

tüsho Abrahamnü api kilim lüpdükhi yo thürü shihcham jih. Akhuhde, api mung amütsan “Thiyuro-lungki kiulongthsürü”; kheaküshe, “Salem kiulongthsürü” amütsan “Mungtsü kiulongthsürü”.

AMIKHEAKAKHIUKKHI 1:4

Johan kilimnü, Asia ching lakhi borü thüne kilim: Shepü la tüsho shepü lakhea tüsho shepü arüpü la, tüsho api kiulongthsü-binkiu miki lakhi me thüne kilimnü nüsa kilim amüthsüm tüsho mungtsü laang,

AMIKHEAKAKHIUKKHI 2:10

Nü thsünüpü lakhi dünkheak dütre. Inü nü ki thachoh, arimrinü nüsa khürü rükakipü rihyam ching yukbah, tüsho nüsa thsümüchikhi nimung thürü rünkhitbah. Ashepü she khiungde thiyuro laang, tüsho inü nü kilim rhangdung kuthran jihbah.

AMIKHEAKAKHIUKKHI 21:8

Tüshe mulong müzahrü, akin-mülarü amüneankhi, mihlaksahrü, müzammüramrü, wurük-huhrü, sangthsü kingaünrü tüsho akeangyu tharü thsungkheak a arü shihcham ju mahnekipü shekhi, mo tüsho yinchike bede atrukhi modüjim labah.”