JOHAN 14:24 - AMÜSÜH HÜM CL Bible (BSI)

²⁴ Shepünü I mümuzhonü I yubo muzochoh; tüsho nüsanü asokhi yu ju I yo yung tüshe I thiyikhi I Buh yo ah.

JOHAN 14:24 Iomraidhean Croise

MATHI 19:21

Jisunü api ki alo, “Nünü banthsangde kamnesho, yüang, nü yamalobo yinbah zhochihrü kilim jihang, tüsho yinmi ching nü rahpung labah; tüsho arang, I dunglim yanang.”

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 14:15

“Nüsanü I muzhosho, I yuzüngbo zoang.

JOHAN 14:25

“Harü I nüsa lung lachoki inü nüsa ki asukdo.

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:34

Tümüde shepü Thrünpuhnü athiyikheanü Thrünpuh yubo asukchoh, tümütüsho Thrünpuhnü me ju adünbah müjihchoh.

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 5:38

Tüshe nüsa kheak api yu müla, tümütüsho apinü athiyibuh kheak nüsanü mükin.

JOHAN 7:16

Jisunü arü ki alo tüsho tha, “I kingaün-yakzan ju I yo yung, tüshe I thiyibuh yo ah.

JOHAN 7:28

Judüki Jisunü arüngyam ching thsangyude alachoki zhi, “Nüsa chidonü I mükheahlah, tüsho I küchingnüanü nüsanü mükheahlah; I küdahnü I arükhi yung, tüshe nüsanü mümükheahkhi I thiyibuh thiyuro lah.

JOHAN 8:26

Inü nüsa dünkheak ahihdo thapü tüsho mahkhappü lah, tüsho I thiyibuh thiyuro lah; tüsho küpü api kilimnü asokheanü inü alomi ki ju asukchoh.”

JOHAN 8:28

Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

JOHAN 8:38

Inü I Buh kheak tümü ngüdünü ju thachoh, tüsho nüsanü nüsa abuh kheak tümü ngüdünü ju rhimochoh.”

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,