JOHAN 14:2 - AMÜSÜH HÜM CL Bible (BSI)

² I Buh yam ching khiungshak ahihdo lah; jude yungkhülaa, inü nüsa ki thaa labah, I nüsa thsungkheak lapung thsakhampü yüchoh.

JOHAN 14:2 Iomraidhean Croise

LUKNÜ ATHRÜTKHI THIYUSHEAK-ATSÜ HUHTANYU 14:22

Tüsho yamlarünü tha, ‘Atungrü, nünü thiyukhüm jihkhi nangde rhimodo, tüsho kheaküshe binpung lah.’

JOHAN 13:33

Azürü nunubo, I nüsa lung anükhüh ruhde alabah. Nüsanü I yimbah; tüsho inü Jihudarü ki, ‘I küching yüchonü nüsanü marükhuk,’ de athakhi nangde, kheakü inü nüsa ki thachoh.

JOHAN 13:36

Simon Peternü api ki tha, “Atungpuh, nü küching yücho?” Jisunü api ki alo, “I küching yüchonü nünü kheakü I müyankhuk, tüshe anükhüh dunglim nünü I yankhukbah.”

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.

JOHAN 17:24

Abuh, nünü I kilim jihrü she I lapung I lung lashihnelah, junangde nünü I kilim jihkhi I müretah ngübah; tümüde alomi khimtan müngühnü nünü I muzho.

YUNIRÜBO RHIMO 9:16

tümütüsho I mung dünkheaknü küdükhüh thsünübeanü inü api ki huhbah.”

2 KORINT 5:1

Kheakü isa lakhi alomi khimyam thsümünimsho, mihtsürü khahnü müthsükhi yinmi ching lün yam Thrünpuh kilimnü lah de isanü mükheahlah.

1 TESALONIKA 5:9

Tümüde Thrünpuhnü isa bukakhiukpü thsungkheak yung, tüshe isa Atungpuh Jisu khrista hode akhümkhit ngüpü mokhit.

TITA 1:2

küyimkishe akeangyu müthabuh Thrünpuhnü adüso alokhikhi lün rhangdung mulonglam ching

IBRI 11:10

Tümüde apinü Thrünpuhnü akhude thrüna lakhi khimtanbo lakhi kiuto mikhuh kheahde alakheah.

IBRI 13:14

Tümüde ha ching isa kiuto rünkhiungbe müla, tüshe isanü arüpü lakhi kiuto yimchoh.

IBRI 6:20

Isa thsung thsüde Jisunü isa müngühnü ju ching yüzah. Melkizedek kiphahde lün thsungkheaknü api achangbe amükeamrü kam.

IBRI 9:8

Ha hode aleangbe arüngkhimyam zhip khiungdüa arüngakopung ching yüzahpü limro mükhimshuh de Amüsüh Menü huhchoh.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 21:2

Tüsho amüsüh kiuto, Jirusalem aso, ayamkhünbuh thsungkheak züt thsükhi yamkhünbe nangde Thrünpuh kilimnü yinmi chingnü akide inü ngü;

AMIKHEAKAKHIUKKHI 3:12

Shepünü akuk ngüchonü, inü I Thrünpuh arüngyam ching dungto kamshihbah; küyimkishe api yu chingnü muwukhiuk, tüsho inü api kheak I Thrünpuh mung, tüsho yinmi chingnü akikhi Jirusalem aso I Thrünpuh kiuto mung tüsho I mung aso thrütkihbah.

AMIKHEAKAKHIUKKHI 3:21

Shepünü akuk ngüchonü, inü akuk ngübah I api kiulongthsü-binkiu kheak I Buh ki binkhi nangde, inü I kiulongthsü-binkiu kheak I lung binpü api ki mülüjihbah.