JOHAN 14:17 - AMÜSÜH HÜM CL Bible (BSI)

¹⁷ ju thiyuro Me. Alominü api müleangkhikhuk, müngü yungsho api mümükheah; tüshe nüsanü api mükheahlah, tümüde api nüsa lung lah tüsho nüsa kheak labah.

JOHAN 14:17 Iomraidhean Croise

MÜCHITMUDU 14:10

Mulong abannü nihbuh akhüh mükheahlah, tüsho shenü she asühkhi müchamachihkhuk.

ISAIA 57:15

Tümüde Khide Achangbuhnü ha thachoh, shepü akheam mülade la, shepü mung Amüsüh la: mulong müthrirü tüsho me ching azhihayihrü lung, me ching azhihayihrü müthriloshihpü, tüsho mulong müthrirü müthriloshihpü I achang tüsho amüsüh dangpung ching lah.

ISAIA 59:21

Tüsho I thsungkheak a, ha arü ki inü tangzüngkhi lah, Atungpuhnü thachoh: nü kheak lakhi I me, tüsho inü nü mün ching yukjihkhi I yubo nü mün chingnü, yungsho nüsa tsührübo mün chingnü, yungsho nüsa tsührü tsührübo mün chingnü kheakünü ründe tüsho lünnü müchamachih, Atungpuhnü thachoh.

EZEKIEL 36:27

Inü I me nü kheak yukjihbah, tüsho I yakzan thsükhibo ching tsahbah tüsho I yuzüngbo rhimopü kümkangshihbah.

MATHI 10:20

tümüde ha nüsanü asukchoh yung, tüshe nüsa Abuh menü nüsa hode asukchoh.

JOHAN 14:16

Inü I Buh ki tamkhüntamnübah, tüsho apinü nüsa kilim arungrü püpü jihbah, junangde apinü nüsa lung lünnü alabah–

JOHAN 14:23

Jisunü api ki alo, “Khürünü I muzhosho, apinü I yu zobah; I Buhnü api muzhobah, tüsho ike api kilim arübah tüsho api lung ike yam thsübah.

JOHAN 15:26

“Tüshe küyimki I Buh kilimnü inü nüsa kilim thiyipü lakhi arungrü arüba, Abuh kilimnü arükhi thiyuro Menü I dünkheak khipkhitbah.

JOHAN 16:13

Judüalalashe, küyimki thiyuro Me arübanü apinü nüsa thiyuro alala ching bebah; tümüde apinü nihbuh thiyukhümsühmühnü mütha, tüshe tümüpürü apinü asobanü athabah; tüsho adünjipü lakhi apinü nüsa ki thabah.

JOHAN 6:40

Tüsho ha I thiyibuh lümkhi ah, junangde atsührü ngübah api kheak kinrü aban akheam müla rhangdung labah; tüsho inü akheam nimung ching api arhang kamloshihbah.”

1 KORINT 14:15

Judüasho inü tümü thsüba? Inü menü tamkhüntamnübah tüsho lümnü she tamkhüntamnübah; inü menü khün thsübah tüsho lümnü she khün thsübah.

1 KORINT 2:14

Me mülakhi mihtsürünü Thrünpuh Me thsambah müleangkhichoh, tümüde arübo api ki makharü ah, tüsho apinü jurübo anikhitpü mukuk, tümütüsho jurübo me hodü lang mütsankhitchoh.

1 KORINT 3:16

Nüsa ju Thrünpuh arüngyam tüsho Thrünpuh Me nüsa kheak lachoh de nüsanü mümükheah de?

1 KORINT 6:19

Nüsa pang ju Thrünpuh kilimnü arükhi nüsa kheak lakhi Amüsüh Me arüngyam ah de nüsanü mümükheah de? Nüsa ju nüsa nihbuh yo yung;

2 KORINT 13:5

Nüsa akin hode ramlola shi yungnü nüsa küdah thsüde rükakheahang. Nüsabo rükakheahang. Khrista nüsa kheak lah de nüsanü mülümkhitcho de? – nüsanü rükakheahpü lakphah-a lah yungsho!

2 KORINT 6:16

Thrünpuh arüngyamnü sangthsübo kheak arihkhi tümü la? Tümüde isa ju arhang Thrünpuh arüngyam; Thrünpuhnü tha, “I arü kheak labah tüsho arü bolung tsahbah, I arü Thrünpuh thsübah tüsho arü I mihtsürü thsübah.

GALATIA 4:6

Tüsho nüsa ju api tsührübo thsükhinü, Thrünpuhnü api tsührü Me nüsa mulongbo ching thiyibah, “Abuh, Abuh!” de zhichoh.

EFISIA 2:22

api kheak Me ching Thrünpuh lapung thsüde nüsa thrünkih-a lah.

EFISIA 3:17

tüsho junangde akin hode nüsa mulongbo ching Khrista labah; junangde nüsa amuzho ching aying chinyukde tüsho düküngde,

KOLOSI 1:27

Nüsa kheak lakhi Khrista, müretah mulonglam, ha aramyu müretah lakhit khiungkerü bolung mükheahshihpü Thrünpuhnü arü ki mulongkhit.

2 TIMOTHI 1:14

isa kheak lakhi Amüsüh Me hode nü ki thiyikhi thiyuro aheangang.

1 JOHAN 2:27

tüshe nüsanü api kilimnü leangkhikhi mujude-müsühkhitkhi nüsa kheak lah, tüsho khürünü nüsa thsangyupü yihnüpü müla; apinü mujude-müsühkhitkhinü lüpdükhi dünkheak nüsa ki thsangyuchoh, tüsho ju thiyuro ah, tüsho akeangyu yung, nüsa ki thsangyukhi nangde api kheak laang.

1 JOHAN 3:24

Api yuzüng zorü alala api kheak lah, tüsho arü api kheak lah. Tüsho apinü isa kilim jihkhi Me hode api isa kheak lachoh de hanü isanü mükheahchoh.

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.

1 JOHAN 4:6

Isa a Thrünpuh yo ah. Shepünü Thrünpuh mükheahlanü isa ki anichoh, tüsho shepü Thrünpuh yo yungnü isa ki manichoh. Ha hode isanü thiyuro tüsho arükchih me mükheahchoh.

1 JOHAN 5:7

Tüsho Me ju thiyumütsan lah, tümütüsho Me thiyuro ah.

AMIKHEAKAKHIUKKHI 2:17

Shepü nükhün kihlanü, Menü borübo ki tümü thachonü apinü aniang. Shepünü akuk ngüchonü inü rama lakhi manna khürü jihbah, tüsho ju leangkhibuh kheak hode shenü mümükheahkhi amüye lung kheak mung aso thrütkihkhi khülang jihbah.’