JOHAN 14:13 - AMÜSÜH HÜM CL Bible (BSI)

¹³ Tüsho nüsanü tümüpürü I mung chingnü akheangbanü inü arhimobah, junangde atsührü kheaknü Abuh müretahbah.

JOHAN 14:13 Iomraidhean Croise

MATHI 21:22

Tüsho nüsanü tümüpürü tamkhüntamnüde akheangbanü, nüsa akin lasho nüsanü angübah.”

MATHI 7:7

“Kheangang, tüsho ju nüsa kilim jihbah; yimang, tüsho nüsanü angübah; damang, tüsho nüsa kilim khimshuhjihbah.

MARK 11:24

Jumonü inü nüsa ki thachoh, tümüpürü nüsanü tamkhüntamnüde akheangbanü nüsanü jurü leangkhipü akin laang, tüsho nüsanü jurü ngübah.

LUKNÜ ATHRÜTKHI THIYUSHEAK-ATSÜ HUHTANYU 11:9

Tüsho inü nüsa ki thachoh, kheangang tüsho ju nüsa kilim jihbah; yimang tüsho nüsanü angübah; thrungang tüsho nüsa kilim khimshuhjihbah.

JOHAN 10:30

I tüsho I Buh khülang ah.”

JOHAN 12:44

Judüki Jisunü zhide tha, “Shepünü I kheak kinchonü, I yungde I thiyibuh kheak kinchoh.

JOHAN 13:31

Jumonü küyimki api wukhiukkhea, Jisunü tha, “Kheakü Mihtsürü Tsührü müretahdo, tüsho api kheak Thrünpuh müretahdo.

JOHAN 14:14

Nüsanü tümükhüh I mung chingnü kheangsho, inü ju rhimobah.

JOHAN 14:6

Jisunü api ki tha, “I limro, thiyuro tüsho rhangdung. I hode yungsho shenü she I Buh kilim marüchoh.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:7

Nüsanü I kheak lasho tüsho I yubo nüsa kheak lasho, nüsanü tümü künlanü akheangbah, tüsho ju nüsa thsungkheak rhimobah.

JOHAN 16:23

Tüsho ju nimung nüsanü I ki tümü mükheang. Atsütsü inü nüsa ki thachoh, nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 16:26

Ju nimung nüsanü I mung chingnü akheangbah, tüsho inü nüsa thsungkheak Abuh ki tamkhüntamnübah de mütha;

JOHAN 16:7

Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

JOHAN 4:10

Jisunü alibe ki alo, “Nünü Thrünpuh thsambah tüsho nü ki, ‘I kilim ke yungpü kü,’ de akheangbuh mükheahkhülaa, nünü api ki kheangbah, tüsho apinü nü kilim rhangdung ke jih-a labah.”

JOHAN 4:14

tüshe shepünü inü api kilim jihpü lakhi ke yungbanü küyimkishe kemüthüri. Tüshe inü api kilim jihpü lakhi ke ju akheam müla rhangdung kenü bukpung khülang kambah.”

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 7:37

Thünio ato akheam nimung Jisunü zhipbah zhide tha, “Khürü kethürisho, api I kilim arübah yungshang.

1 KORINT 14:13

Jumonü shepünü thiyutha thachonü athanakpü wu thsungkheak tamkhüntamnübeah.

EFISIA 2:18

tümütüsho api hode isa chido Me khülang ching Abuh kilim arüshihpü lah.

EFISIA 3:12

api kheak isa akin hode thüninde ayüpü mulong tokhi, tüsho mulongram lakheah.

EFISIA 3:14

Hamonü inü Abuh miki khukningchoh,

FILIPI 4:13

I sühmüh jihbuh hode inü lüpdükhi thsükhuklah.

KOLOSI 3:17

Tüsho nüsanü tümüpürü rhimobeanü thiyu yungsho rhimo thsüthsü, Abuh Thrünpuh kilim api hode makshe jihde lüpdükhi Atungpuh Jisu mung chingnü rhimoang.

IBRI 13:15

Jumonü isanü Jisu hode api mung alokhikhi münnü Thrünpuh kilim mutukzhakde mungshi kingaün jihanü.

IBRI 4:15

Tümüde isa achangbe amükeamrü lakhi ju isa reangmüzahkhi ching mümuzhokhukbe yung, tüshe lüpdükhi ching isa nangde rükakikhi, tüshe neak mülakhi lah.

IBRI 7:25

Jumonü api hode Thrünpuh thüninde arürü apinü kim alala ching arü khümkhitpü kuklah, tümütüsho arü thsungkheak mushujihpü api kamruhroro lah.

JAKOB 1:5

Tüsho nüsa khürü lümlung mülasho, müsüngde alala kilim salade ajihbuh Thrünpuh ki kheangang, tüsho ju nü kilim jihbah.

JAKOB 5:16

Jumonü nüsa neakbo khülangnü khülang ki thakhitang, tüsho tamkhüntamnü ching rungachihang, junangde nüsa athsüngubah. Thiyuro-lungki mihtsürü tamkhüntamnükhi ching wu ato lah.

1 PETER 2:5

tüsho amüsüh amükeamrü thsüpü Jisu Khrista hode Thrünpuh kilim aleangkhikhukbe me shuhmülanga kingaünkhi jihpü nüsabo arhang lungbo nangde me yam ching thüyam thsang.

1 JOHAN 3:22

tüsho isanü tümüpürü kheangbanü isanü api kilimnü leangkhichoh, tümütüsho isanü api yuzüngbo zochoh tüsho api asühbe rhimochoh.

1 JOHAN 5:14

Tüsho ha isanü api kheak mulongram lakhi lah, junangde isanü api lümkhi yande tümükhüh kheangsho apinü isa ki anijihchoh.