JOHAN 14:12 - AMÜSÜH HÜM CL Bible (BSI)

¹² Atsütsü inü nüsa ki thachoh, shepünü I kheak kinchonü, inü arhimokhi rhimobo apinü she arhimobah; tüsho harü kheaknü atobe rhimobo apinü arhimobah, tümütüsho I Buh kilim I yüchoh.

JOHAN 14:12 Iomraidhean Croise

MATHI 21:21

Tüsho Jisunü arü ki alo, “Atsütsü inü nüsa ki thachoh, nüsa akin lasho tüsho mudukiuhlosho, khubasodung kheak rhimokhi lang nüsanü mürhimo tüshe ‘Ha shuh-a keto ching jipa bahang’ de ha müzüng ki thasho, ju arhimobah.

MARK 11:13

Tüsho limshunü khubasodung ayü kihde ngübah aso kihnahnü de akheahpü yü. Küyimki api ju ki arükhea, ayübo kheak hode apinü tümü müngü, tümüde ju khubaso asopü kim yungde alakheah.

MARK 16:17

Tüsho sherünü akinbanü amütsan harü labah: I mung chingnü arünü amünean mebo yankhitbah; arünü püpürü yuthabo thabah;

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 16:7

Tütüshe inü nüsa ki thiyuro thachoh. I yükhi ju nüsa yihnüpü lah; tümüde I müyüsho, arungrü nüsa kilim marü; tüsho I chamachihsho, inü nüsa kilim api arüshihbah.

JOHAN 4:37

Tümüde ha thakhi thiyuro lah: ‘Khülangnü mükheanchoh tüsho püpürünü yimluchoh.’

JOHAN 5:20

Tümüde Abuhnü atsührü muzhochoh, tüsho apinü arhimokhi alala api ki huhchoh; tüsho nüsanü amüyinsahpü thsüde harü kheaknü atobe rhimobo apinü anihbuh ki huhbah.

JOHAN 7:33

Judüki Jisunü arü ki tha, “I nüsa lung anükhüh ruhde alabah, tüsho I thiyibuh kilim yübah.

JOHAN 7:39

Tüshe ha api kheak kinrübonü aleangkhipü me dünkheak apinü athakheah; tümüde Jisu müretah mülayikhinü Amüsüh Me müjihyide alakheah.

YUNIRÜBO RHIMO 10:46

Tümüde arünü arübo ju püpürü yutha chingnü thade tüsho Thrünpuh shide so. Judüki Peternü khipkhit,

YUNIRÜBO RHIMO 16:18

Tüsho alibenü hade nimung ashang thsü. Tüshe Paulnü mulong zhipzhipde kambah me ki tha, “Alibe kheaknü akhiukpü Jisu Khrista mung chingnü inü nü ki thiyukhüm jihchoh.” Tüsho ju kim chingnü akhiukabah.

YUNIRÜBO RHIMO 19:12

junangde apinü ashuhkhi shokenanbe yungsho khimnunupübo lude tukthsürü kilim yü, tüsho arü kheaknü tukthsübo ngu tüsho amünean mebo wukhiuk.

YUNIRÜBO RHIMO 2:33

Jumonü Thrünpuh khah tsülim shuhkihjihde, tüsho Amüsüh Menü alokhikhi Abuh kilimnü leangkhide, nüsanü angükhi tüsho asokhi ha apinü nüsa kheak dungkihjih.

YUNIRÜBO RHIMO 2:41

Junangde sherünü api yu leangkhikheanü bapti, tüsho ju nimung mihtsürü 3000 bande kheyuk.

YUNIRÜBO RHIMO 4:16

“Isanü harü mihtsürübo ki tümü rhimoba? Atsütsü anenü münchi hode khinthiyinbe rhimokhi Jirusalem ching larü alalanü mütsanlah, tüsho isanü ju mükhenokhuk.

YUNIRÜBO RHIMO 4:33

Tüsho wu atonü amüsüh-thsangyurübonü Atungpuh Jisu Khrista arhang kamlokhi thiyumütsan thsü, tüsho arü alala kheak amüthsüm ato lakheah.

YUNIRÜBO RHIMO 4:4

Tüshe thiyu sorü ahihdonü kin, tüsho mihtsürübo khekhi 5000 bande kam.

YUNIRÜBO RHIMO 5:15

junangde arünü tukthsürübo kiudunglimrobo ching bekhitbah Peter tsahhode alachoki api me arü kheak alamshihpü yapkiubo le pheakbo ching yapshih.

YUNIRÜBO RHIMO 6:7

Junangde Thrünpuh yu bude yü; Jirusalem ching akinrübo khide hihde kam, tüsho amükeamrü ahihkhühnü akin leangkhi.

YUNIRÜBO RHIMO 8:7

Tümüde amünean me yüzah-a lakhibo düsheak achangnü zhide ahihkhüh chingnü akhiuk; tüsho thripshe thsürü yungsho kikzükikdorü ahihkhüh thsüngu.

YUNIRÜBO RHIMO 9:34

Tüsho Peternü api ki tha, “Aenea, Jisu Khristanü nü thsüngujihchoh; asürang tüsho nü yapkiu lukang.” Tüsho apinü nahdü lang asürü.

YUNIRÜBO RHIMO 9:40

Tüshe Peternü arü alala wungdo wukhiukshihbah khukning tüsho tamkhüntamnü; jushu pang lim ju rholode apinü tha, “Tabitha, asürang.” Alibenü amükbo rheak tüsho küyimki anihbenü Peter ngükheanü dukomusua bin.

ROMRÜ KILIM PAULNÜ ATHRÜTKHI KIHÜM HUHTANYU 15:19

Me wu hode amüyinsahbe tüsho khinthiyinbe wunü, junangde Jirusalem chingnü mükamde yünü Illyrikum khiungde Khrista thiyusheak-atsü khiukde zhiyukdo.