JOHAN 14:11 - AMÜSÜH HÜM CL Bible (BSI)

¹¹ I Abuh kheak lah tüsho I kheak Abuh lah de kinang, yungsho rhimobo thsülimnü I kheak kinang.

JOHAN 14:11 Iomraidhean Croise

JOHAN 10:25

Jisunü arü ki alo, “Inü nüsa ki thado, tüshe nüsanü mükin. Inü I Buh mung chingnü arhimokhibonü I thiyumütsanbo jihchoh.

JOHAN 10:32

Jisunü arü ki tha, “I Buh kilimnü inü rhimo atsü ahihdo nüsa kilim huhdo. Jurü rhimobo küpü dünkheak nüsanü I kingcho?”

JOHAN 10:38

tüshe inü rhimosho, nüsanü I mükina lalashe, rhimobo kinang, junangde I Buh I kheak lah tüsho l api kheak lah de nüsanü amükheahbah tüsho akinbah.”

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 14:20

Ju nimung I Abuh kheak lah, nüsa I kheak lah, tüsho I nüsa kheak lah de nüsanü amükheahbah.

JOHAN 5:36

Tüshe Johan kheaknü I thiyumütsan atobe lah; tümüde abanshihpü I Buhnü ajihkhi rhimo, tüsho inü rhimode alakhinü Abuhnü I thiyikheah de thiyumütsan thsüchoh.

YUNIRÜBO RHIMO 2:22

“Israel mihtsürübo, harü yubo aniang: Nazarethrü Jisu ju khinthiyinbebo, amüyinsahbebo tüsho amütsanbo hode Thrünpuhnü nüsa kilim jih, ju nüsa küdah thsüde mükheahlah.

IBRI 2:4

Thrünpuhnü she amütsanbo, amüyinsahbebo tüsho khinthiyinbebo aphuaphu tüsho api lümkhi yande Amüsüh Me thsambahbo ahiuhkhi hode thiyumütsan thsü.