JOHAN 13:8 - AMÜSÜH HÜM CL Bible (BSI)

⁸ Peternü api ki tha, “Nünü küyimkishe I jing mümüsüh!” Jisunü api ki alo, “Inü nü mümüsühjihsho, nü I lung shihcham müla.”

JOHAN 13:8 Iomraidhean Croise

THRÜNTAN 42:38

Tüshe apinü tha, “I tsührü nü lung müyüki, tümüde akhiung sheabahdo, tüsho api lang aninga lah. Nüsa yükhi ching api kheak thsümütsü yükihsho, nünü I ku buyiukkhi mulong rozhakde shekhün ching yüzahshihbah.”

2 SAMUEL 20:1

Kheakü yakli mütsükhi Benjaminrü Bikri tsührü amung Sheba lakheah. Apinü hulipungpung khung tüsho zhi, “Isa David lung shihcham müla, Jesse tsührü lung shihcham müla! Mihbüm aban nihbuh khimyam lim yüang, O Israel!”

1 KIULONG THSÜRÜ 12:16

Küyimki kiulongthsüpuhnü arü ki mani de Israel alalanü angükhea, mihtsürübonü kiulongthsüpuh ki alo, “David lung isa tümü shihcham la? Jesse tsührü lung isa tümü yamrüplurüp müla. Nüsa khimyambo lim yüang, O Israel! Kheakü nüsa nihbuh yam lim kheahang, O David.” Jumonü Israelnü arü khimyam lim yüabah.

MUNGSHIKHÜN 51:2

Inü alakmihkhibo müsüh-a bahjang, tüsho I neak chingnü I müsühjang.

MUNGSHIKHÜN 51:7

Monamnü I müsühjang, tüsho I müsühde akambah; I müsühjang, tüsho I phürüm kheaknü amüyebe labah.

ISAIA 4:4

Küyimki Atungpuhnü Zion liberü münean tüsho Jirusalem thiyih bukkhi mahkhapkhi me tüsho motakkhi menü müsühjihbanü,

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

MATHI 16:22

Judüki Peternü api bemuwuh tüsho anihbuh thürühpü tankih, “Jude yung, Atungpuh; ha nü kheak müdünji!”

MATHI 21:29

Tüsho apinü alo, ‘I a muh’; tüshe ju dunglim lümlobah yü.

MATHI 26:33

Peternü api ki alo, “Nü dünkheaknü alala tsomüzützüt she, inü a küyimkishe mutso.”

MATHI 26:35

Peternü alo, “I nü lung ashepü thsüthsü she, inü nü malokhide müla!” Tüsho junangde jingyanrü alalanü tha.

JOHAN 13:6

Jushu apinü Simon Peter kilim arü. Tüsho Peternü api ki tha, “Atungpuh, nünü I jing müsühjihba de?”

JOHAN 13:9

Simon Peternü api ki tha, “Atungpuh, I jing lang yung, tüshe I khahbo le I ku she!”

JOHAN 3:5

Jisunü alo, “Khide tsükjide inü nü ki thachoh, shepü ke tüsho me ching müzübephulobanü apinü Thrünpuh kiulongthsü ching müyüzahkhuk.

YUNIRÜBO RHIMO 22:16

Kheakü tümüde nünü aleangcho? Asürübah baptiang, tüsho api mung jide nü neakbo müsüh-a bahang.’

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

YUZÜNGTHALO 12:12

Tüsho A TUN GPU H nüsa Thrünpuh miki nüsa tüsho nüsa tsührübo le tsührübebo, nüsa yamlarü athrürü le aliberübo, tüsho nüsa kiutobo ching lakhi Levirü bebah asühachihang, tümüde Levirü a nüsa lung nihbuh shihcham yungsho yamrüplurüp müla.

KOLOSI 2:18

Michihbo, arükchih azhihayih tüsho yunirübo kingaünkhi hode ato khea lurünü nüsa dübahyukshih. Tümü amütsan mülade, hadürü mihtsürü nihbuh lümkhinü sheak dükipchoh

KOLOSI 2:23

Harü yuzüngbo ju arünü arochihde yunirübo kingaünkhi, arükchih azhihayih, tüsho pang thsümünimkhi ching a lümlung kheak ningkihkhi nangde lah, tüshe shihnü akünkhi danyukpü ching a tümü adungto müla.

TITA 3:5

isanü thiyuro-lungki rhimokhi dünkheaknü yung tüshe api amüthsüm hode, zübelode müsühkhitde tüsho Amüsüh Me ching aso kamlode apinü isa khümkhit,

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.