JOHAN 13:5 - AMÜSÜH HÜM CL Bible (BSI)

⁵ Ju dunglim apinü müsühmüra-phuru ching ke yukbah api jingyanrübo jing müsühjihpü tüsho apinü arümkhi khimnununü ananjihpü tankih.

JOHAN 13:5 Iomraidhean Croise

THRÜNTAN 18:4

Muzhobah ke anikhüh lude arübah nü jing müsühshang, tüsho sangdung khüp nü sühakhimang.

THRÜNTAN 19:2

Tüsho apinü tha, “Kheakü aniang, O I tungrübo, muzhobah nüsa yamlarü yam ching arang tüsho azhing ching binkheambah nüsa jing müsühang; jushu nüsa mükikde asürang tüsho nüsa limro ching yüang.” Tüsho arünü tha, “Muh, isa azhing ching wungdophulung binbah.”

THRÜNTAN 43:24

Jumonü kimthsübuhnü mihtsürübo ju Josep yam ching beyuk tüsho arü kilim ke jihbah arü jing müsüh; tüsho apinü arü yo donkibo ke duh.

2 KIULONG THSÜRÜ 3:11

Tüshe Jehoshaphatnü tha, “Atungpuh ki isanü keoakheahpü thsüde ha ching Atungpuh wukihrü müla de?” Judüki Israel kiulongthsüpuh yamlarü khülangnü alo, “Elija khah kheak ke bukkihde alabuh, Shaphat tsührü Elisha ha ching lah.”

MUNGSHIKHÜN 51:2

Inü alakmihkhibo müsüh-a bahjang, tüsho I neak chingnü I müsühjang.

ABEKHIT 29:4

Tüsho Aron le atsührübo ashorupung khimyam limro ki bede arang tüsho kemüyihjang.

ISAIA 1:16

Nüsa müsühang; nüsa müsühde kamang; nüsanü amütsü rhimokhibo I mük kinü yihkhita bahang; amütsü rhimo arün thsang,

EZEKIEL 36:25

Inü nü kheak ke amüsüh rhakkihbah, tüsho mümüsühkhibo chingnü nü müsühbah, tüsho nü sangthsübo alala chingnü inü nü müsühbah.

LEVI 14:8

Apham kihbuhnü akhimmihbo müsühbahle ku hütabahbah, tüsho kemüyihbah; jushu api amüsüh kambah. Api binpung ching yüzahpü kuklah, tüshe anihbuh khimyam aleanglim nimung thüne labeah.

ZEKARIA 13:1

Ju nimung David yamkhün tüsho Jirusalem ching larü thsungkheak arü neak tüsho mümüsühkhi chingnü arü müsühkhitpü kenü khülang yahshungbah.

LUKNÜ ATHRÜTKHI THIYUSHEAK-ATSÜ HUHTANYU 7:38

tüsho alibenü api dunglim ajing ki tripde zhipbah achikenü ajing pangjihpü tankih. Jushu alibenü akuyünü nanjihbah ajing kheak müthsüp tüsho rhümthüneabe bukkihjih.

LUKNÜ ATHRÜTKHI THIYUSHEAK-ATSÜ HUHTANYU 7:44

Jushu alibe kilim anguhde apinü Simon ki tha, “Nünü ha liberü ngücho shi? I nü yam ching azahdo, nünü I jing müsühpü ke müjih, tüshe alibenü achikenü I jing pangbah akuyünü nanjih.

JOHAN 13:10

Jisunü api ki tha, “Shepü kemüyih-a lanü jingbo lang amüsühbah, api pang abümnü müsühlah; tüsho khülang kheak hode nüsa alala müsühlah.”

JOHAN 13:6

Jushu apinü Simon Peter kilim arü. Tüsho Peternü api ki tha, “Atungpuh, nünü I jing müsühjihba de?”

JOHAN 13:8

Peternü api ki tha, “Nünü küyimkishe I jing mümüsüh!” Jisunü api ki alo, “Inü nü mümüsühjihsho, nü I lung shihcham müla.”

JOHAN 19:34

Tüshe bonungrü khülangnü api rheang ching thsühnü düchipashungjih, tüsho zukleangnü thiyih tüsho ke akhiuk.

YUNIRÜBO RHIMO 22:16

Kheakü tümüde nünü aleangcho? Asürübah baptiang, tüsho api mung jide nü neakbo müsüh-a bahang.’

1 KORINT 6:11

Tüsho hadürü nüsa khürü lakheah. Tüshe Atungpuh Jisu Khrista tüsho isa Thrünpuh Me mung chingnü nüsa müsüh, tsangkhit tüsho alim kamshih.

EFISIA 5:26

junangde kenü amüsüh dunglim api yunü anihbe tsangkhitpü thsü,

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

IBRI 10:22

isanü amülim chingnü atsangkhitkhi mulong tüsho ke amüsühnü amüsühkhitkhi pangnü mulong jihde tüsho akin mütsankhinü Thrünpuh ki thüninde yüanü.

1 JOHAN 1:7

tüshe api ayin ching lakhi nangde isanü ayin ching tsahsho, isanü khülangnü khülang ki arihako lah, tüsho api tsührü Jisu thiyihnü neak alala chingnü isa müsühjihchoh.

1 JOHAN 5:6

Jisu Khrista ha ke tüsho thiyih hode arükhi lah, ke hodü lang yung; tüshe ke tüsho thiyih hode ah.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi

AMIKHEAKAKHIUKKHI 7:14

Inü api ki alo, “Atobuh, nünü mükheahlah.” Tüsho apinü I ki tha, “Arübo thsümütsü ato chingnü akhiukkheah; arünü arü shulünkhimbo Namfimihnunu thiyih chingnü müsühbah müyedo kamshih.

MAHKHAPRÜ 19:21

Jumonü apinü arübo ayam ching bede yüzah, tüsho donki tsühyungpü jih; tüsho arü jing müsühbah tsühyung.

1 SAMUEL 25:41

Alibenü asürü tüsho amiro alo lim mükhümbah khukning, tüsho tha, “Nüsa yamlaberü a I tungpuh yamlarübo jing müsühpü azhorü ah.”