JOHAN 13:33 - AMÜSÜH HÜM CL Bible (BSI)

³³ Azürü nunubo, I nüsa lung anükhüh ruhde alabah. Nüsanü I yimbah; tüsho inü Jihudarü ki, ‘I küching yüchonü nüsanü marükhuk,’ de athakhi nangde, kheakü inü nüsa ki thachoh.

JOHAN 13:33 Iomraidhean Croise

JOHAN 13:36

Simon Peternü api ki tha, “Atungpuh, nü küching yücho?” Jisunü api ki alo, “I küching yüchonü nünü kheakü I müyankhuk, tüshe anükhüh dunglim nünü I yankhukbah.”

JOHAN 14:19

Anükhüh labah alominü I müngüde akambah, tüshe nüsanü I ngübah, Tümütüsho I lale, nüsa she alabah.

JOHAN 14:2

I Buh yam ching khiungshak ahihdo lah; jude yungkhülaa, inü nüsa ki thaa labah, I nüsa thsungkheak lapung thsakhampü yüchoh.

JOHAN 7:36

Apinü ha tümü thacho, ‘Nüsanü I yimbah, tüshe I müngü, tüsho I küching lanü nüsanü marükhuk’?”

GALATIA 4:19

Amuzho I tsührübo, Khrista yakli nüsa kheak mülayi khiungde kheaküshe nüsa lung I zübe-thsünü ching lah!

1 JOHAN 2:1

I tsührübo, nüsanü neak müyihbeakpü thsüde inü nüsa kilim thrütchoh; tüshe khürünü neak yihbeaksho, isa thsung thsüde mushujihrü thiyuro-lungkirü Jisu Khrista Abuh lung lah;

1 JOHAN 4:4

I tsührübo, nüsa Thrünpuh yo ah, tüsho arü kukdo; tümüde shepü nüsa kheak lanü alomi ching labuh kheaknü atobe ah.

1 JOHAN 5:21

I tsührübo, sangthsübo kheaknü nüsa tsokhide laang.