JOHAN 13:19 - AMÜSÜH HÜM CL Bible (BSI)

¹⁹ Ju müdünjiyide inü nüsa ki thachoh, junangde küyimki ju dünjibanü, I api ah de nüsanü amükheahbah.

JOHAN 13:19 Iomraidhean Croise

ISAIA 41:23

Ha dunglim tümü arübanü isa ki thaang, junangde nüsa ju thrünpuhbo ah de isanü amükheahbah; atsü thsang, yungsho thsümünimang, junangde isanü atrebah tüsho müyinsahbah.

ISAIA 43:10

Nüsa I yumütsan thsürübo, Atungpuhnü thachoh, tüsho inü mokhitkhi I yamlarü, junangde nüsanü mükheahbah tüsho I kinbah tüsho I api ah de anikhitbah. I müngüh thrünpuh sheshe mükamde alakheah, yungsho I dunglim sheshe müla.

ISAIA 48:5

adüsonü inü jurübo nü ki thado, arü müdünjiyide inü nü ki mükheahshihdo, junangde nünü müthabah, “ I sangthsünü jurü rhimokheah, I yo asümkhi sangthsü tüsho anungkhi sangthsünü arübo thiyukhüm jihkheah.”

MALAKI 3:1

Kheahang, inü I müngüh limro thsakhamshihpü I yunithsürü arüshihchoh, tüsho nüsanü yimde alakhi Atungpuh nahde api arüngyam ching arübah. Nüsanü asühde alakhi tangzüngkhi yunithsürü atsütsü arüchoh, Wuto Atungpuhnü thachoh.

MATHI 11:3

tüsho api ki tha, “Arüpü lakhi ju nü a shi, dashi isanü khürü aleangba?”

MATHI 24:25

Kheahang inü nüsa ki amüngühnü thado.

LUKNÜ ATHRÜTKHI THIYUSHEAK-ATSÜ HUHTANYU 21:13

Tüshe ju nüsa thsungkheaknü thiyumütsan thsüpü kim labah.

JOHAN 1:15

Johannü api thiyumütsan thsüde tüsho zhide tha, “Inü thade alabuh ju ha, ‘Shepü I dunglim arüchonü I kheaknü atobe, tümüde api I müngühnü alakheah.’ ”

JOHAN 14:29

Tüsho kheakü ju müdünjiyide inü nüsa ki thado, junangde küyimki ju dünjibanü nüsanü akinbah.

JOHAN 16:4

Tüshe inü harü nüsa ki thado, junangde küyimki kim arübanü, jurübo inü nüsa ki thakheah de nüsanü alümkhitbah. Tüsho inü harü nüsa ki atankih ching mütha, tümütüsho I nüsa lung lakheah.

JOHAN 4:26

Jisunü api ki tha, “I shepü nü ki asukchonü api ah.”

JOHAN 8:28

Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

JOHAN 8:58

Jisunü arü ki tha, “Atsütsü inü nüsa ki thachoh, Abraham müngüh I lakheah.”