JOHAN 13:18 - AMÜSÜH HÜM CL Bible (BSI)

¹⁸ Inü nüsa alala dünkheak mütha. Inü shepü mokhitdünü inü mükheahlah; tüshe amüsühyu dünjibah, ‘Shepü I lung yikhap tsühchonü I azhihde api lahzhi shuhkihdo.’

JOHAN 13:18 Iomraidhean Croise

MUNGSHIKHÜN 41:9

Inü mulonglamkhi I müyamrükhung, I yikhap tsührünü she I azhihde api lahzhi shuhkihdo.

JEREMIA 41:2

Nethania tsührü Ishmael tüsho api lung mihtsürü 10 wusu tüsho Shaphan tsührü Ahikam tsührü Gedalia nukshangnü laksah, tümütüsho Babilon kiulongthsüpuhnü api lomi ching kovünor mokhita lakheah.

MATHI 10:36

Tüsho mihtsürü riribo ju nihbuh betsührü thsübah.

MATHI 26:21

Arü yimtsühde alachoki, apinü tha, “Atsütsü inü nüsa ki thachoh, nüsa bolung khülangnü I yinatsühbah.”

MATHI 26:23

Judüki apinü alo, “Shepü I lung phuru ching akhah amayukchonü junü I yinatsühbah.

MARK 14:17

Arelim thürükheak mahne lung api arü.

MARK 14:18

Arü binbah yimtsühde alachoki, Jisunü tha, “Atsütsü inü nüsa ki thachoh, I lung yimtsühkhi nüsa khülangnü I yinatsühbah.”

MARK 14:20

Judüki apinü arü ki alo, “Ha I lung phuru ching khah amayukkhi thürükheak mahne bolung khülang ah.

LUKNÜ ATHRÜTKHI THIYUSHEAK-ATSÜ HUHTANYU 22:21

Tüshe kheahang, I yinatsührü khah dükhüm kheak I lung lah.

JOHAN 13:21

Küyimki Jisunü harü thakhea, api me ching küpkhuk, tüsho khipkhitde tha, “Atsütsü inü nüsa ki thachoh, nüsa khülangnü I yinatsühbah.”

JOHAN 13:22

Judüki jingyanrübonü khülangnü khülang kheahachihbah apinü athakhi dünkheak lümshangmangde kam.

JOHAN 13:26

Jisunü alo, “Inü shepü ki yikhap kheam thsambah ajihbanü api ah.” Tüsho apinü yikhap ju thsambah Simon tsührü Juda Iskariot kilim jih.

JOHAN 15:16

Nüsanü I mokhitkhi yung, tüshe inü nüsa mokhit tüsho yübah tsüpde alabe nüsa sangaso asopü thsüde nüsa moyuk, junangde nüsanü tümüpürü I mung chingnü I Buh ki kheangbanü apinü nüsa kilim jihbah.

JOHAN 15:19

Nüsa ju alomi yo thsükhülaa, alominü nihbuh yo muzhobah, tütüshe nüsa ju alomi yo yung tüshe alomi chingnü inü nüsa mokhit, jumonü alominü nüsa thraneanchoh.

JOHAN 15:25

Tüshe ha yakzan ching, ‘Amütsan mülade arünü I thraneando,’ de thrüta lakhi yu dünjipü lakheah.

JOHAN 17:12

I alomi ching arü lung lachoki nü mung ching inü arü küma zo. Nünü I kilim jihkhibo inü neakdo; amüsühyu dünjipü thsüde adükheakpü akhua lakhi tsührü kheak hode arü sheshe müdükheak.

JOHAN 18:32

junangde Jisunü api künangde ashebeanü amütsan thsüde athakhi dünjipü lakheah.

JOHAN 19:24

Jumonü arünü arü bolung thaachih, “Isanü ha müruknaknü, tüshe ju shepü yo thsübanü azan thsanü,” junangde thaa lakhi amüsühyu dünji: “Arünü I khimmihbo arü bolung chama lu, tüsho I khimmih thsungkheak arünü azan thsü.” Jumonü bonungrübonü harü rhimo.

JOHAN 19:36

Tümüde amüsühyu dünjipü thsüde harü rhimokheah, “Api robo khülang she müyihshak.”

JOHAN 21:17

Apinü anihbuh ki mahsam kipü tha, “Jona tsührü Simon, nünü I muzhola shi?” Apinü anihbuh ki, “Nünü I muzhola shi?” de mahsam ki keomonü Peternü mulong mütsüde alakheah. Tüsho apinü tha, “Atungpuh, nünü alala mükheahlah; inü nü muzholah de nünü mükheahlah.” Jisunü api ki tha, “I yo namfimihnubo mütrüang.

JOHAN 6:70

Jisunü arü ki alo, “Inü nüsa thürükheak mahne mokhitkhi yung de? Tütüshe nüsa bolung khülang a arimri ah!”

YUNIRÜBO RHIMO 1:16

tüsho tha, “I keoniorübo, David hode Amüsüh Menü, Jisu rampü limbebuh kamkhi Juda dünkheak thakhi amüsühyu dünjipü lakheah;

YUNIRÜBO RHIMO 1:2

Amüsüh Me hode apinü amokhitkhi amüsühthsangyurübo kilim thiyukhümbo jihkhi dunglim, api bede yükihkhi nimung khiungde alakheah.

2 KORINT 4:5

Tümüde isa küdah yung, tüshe Jisu Khrista ju Atungpuh tüsho Jisu dünkheaknü isabo ju nüsa tankihrübo de thsangyuthsangrachoh.

IBRI 4:13

Tüsho api miki thrüna lakhi tümü she rama müla, tüshe isanü api ki rhimopü thsüde alala api mükbo ki khimshuh-a tüsho aleangkheak lah.

AMIKHEAKAKHIUKKHI 2:23

tüsho inü anihbe tsührübo shika sheshihbah. Tüsho borübo alalanü lümkhi tüsho mulong yimbuh ju I ah de amükheahbah, tüsho inü nüsa aban kilim rhimobonü athülünkhi jihbah.