JOHAN 13:14 - AMÜSÜH HÜM CL Bible (BSI)

¹⁴ Junangde I nüsa Tungpuh tüsho Thsangyurünü nüsa jingbo müsühkheasho, nüsanü she khülangnü khülang jing müsühjihbeah.

JOHAN 13:14 Iomraidhean Croise

JOHAN 11:2

Ha Mari, shepü niurü Lazar tukthsüde alakheanü, hoju Atungpuh kheak rhümthünea mujujihbe tüsho akuyünü ajing nanjihbe lakheah.

YUNIRÜBO RHIMO 20:35

Inü arhimokhi alala ching, hanangde mürangde arhimokhinü reangmüzahrü isanü arungbeah de, ‘Aleangkhikhi kheaknü ajihkhi alü müngühmühi,’ de Jisunü athakhi lümkhitde nüsa ki huhdo.”

ROMRÜ KILIM PAULNÜ ATHRÜTKHI KIHÜM HUHTANYU 12:10

keoniorü amuzhonü khülangnü khülang muzhoachihang; khülangnü khülang wüntre jihang.

ROMRÜ KILIM PAULNÜ ATHRÜTKHI KIHÜM HUHTANYU 12:16

Khülangnü khülang ki arihakokhi ching laang; dükükheang, tüshe abobe kuhi mihtsürü lung arihpü mulongang. Nü küdahnü lümlung larü ah de dülüm.

1 KORINT 12:3

Jumonü shenü she Thrünpuh Me hode atharünü a, “Jisu muthrumüneanshang,” de müthachoh tüsho Amüsüh Me hode yungsho shenü she, “Jisu ju Atungpuh,” de müthachoh de nüsanü anikhitshihnelah.

1 KORINT 8:13

Jumonü tsühyungbe ju I keoniorü angakshihbe a sho, inü küyimkishe mütsüh, jude yungsho inü I keoniorü angakshihbah.

2 KORINT 10:1

I Paulnü, Khrista amuzho tüsho azhihayih hode nüsa ki mushuchoh–nüsa ki a I azhihayihdo, tüshe nüsa kheaknü atrütsho müküplah!

2 KORINT 8:9

Tümüde nüsanü isa Atungpuh Jisu Khrista amüthsüm mükheahlah, junangde api alarü thsüa lalashe, anihbuh mülamüthsükhinü nüsa alarü kampü thsüde nüsa dünkheaknü api zhochihrü kam.

GALATIA 5:13

Tümüde keoniorübo, nüsa zuzu lim jido; shihkünkhi ching nüsa zuzu dahori, tüshe amuzho hode khülangnü khülang ki yamlarü thsang.

FILIPI 2:11

tüsho Abuh Thrünpuh müretahpü Jisu Khrista ju Atungpuh de thiyutha alalanü alokhibah.

1 TIMOTHI 5:10

tüsho anihbenü khungarü mütrümusukhi, hanrü mürühkhi, amüsührü jing müsühjihkhi, küpkhuk ching larü rungkhi tüsho atsü rhimobo alala ching shuhmülanga jihkhi tsüde amükheahkhi labeah.

IBRI 12:2

Isanü isa akin putungpuh tüsho khiukchimshihbuh Jisu kheak mük kheahkihanü. Api müngüh asühpü lakhi hode sangkim kheak shepü mungchih ah de mülüm, tüsho kheakü Thrünpuh kiulongthsübinkiu tsülim binlah.

1 PETER 4:1

Tümütüsho isa dünkheaknü Khrista shih ching thsünüdü le, nüsa ju lümkhinü reangzahang, tümüde shepü shih ching thsünükheanü neak ching mübedebahdo,

1 PETER 5:5

Junangde nüsa athunurübonü azorü bukkhüp laang. Nüsa khülangnü khülang miki azhihayihde laang, tümüde “Thrünpuhnü akükheangrü zhipdochoh, tüshe azhihayihrü kilim amüthsüm jihchoh.”