JOHAN 13:1 - AMÜSÜH HÜM CL Bible (BSI)

¹ Kheakü phungho-thünio müngüh küyimki api kim arüdo de Jisunü amükheahkhea, alomi ching larü nihbuh yo muzhokhinü, apinü khide amuzho huh.

JOHAN 13:1 Iomraidhean Croise

MÜCHITMUDU 8:31

api lakhi lomiküp ching asühachihde, tüsho I asühkhi ju mihtsürü tsührübo lung lakheah.

JEREMIA 31:3

Atungpuhnü adüsonü api ki akhiuka huh. Inü akheam müla amuzhonü nü muzhokheah; jumonü mutuklode inü nü ki amuzho huh.

MATHI 26:45

Judüki apinü ajingyanrübo kilim arübah tha, ‘Nüsa kheakü khiungde sühakhimde yapla de? Kheahang, kim thünina lah, tüsho Mihtsürü Tsührü aneakrübo khah ching jihdo.

MATHI 28:20

inü nüsa ki thiyukhüm jihkhi alala anipü arü ki thsangyuang; tüsho kheahang, I nüsa lung kamruhroro, lün akheam khiungde alabah.”

LUKNÜ ATHRÜTKHI THIYUSHEAK-ATSÜ HUHTANYU 22:53

Küyimki I arüngyam ching nimung aban nüsa lung lakhea, nüsanü I rampü mümürang. Tüshe ha nüsa kim, tüsho amiting wu lah.”

LUKNÜ ATHRÜTKHI THIYUSHEAK-ATSÜ HUHTANYU 9:51

Küyimki api yinmi lim bede yükihpü kim khiungkhea, apinü mulong pungkhibah Jirusalem lim yü,

JOHAN 11:55

Jihudarü phungho-thünio thüninde alakheah, tüsho ahihkhühnü nihbuh tsangkhitpü phungho-thünio müngühnü ju lomi chingnü Jirusalem lim wutu.

JOHAN 12:23

Tüshe Jisunü arü ki alo, “Mihtsürü Tsührü müretahpü thsüde kim arüdo.

JOHAN 13:29

Tümüde Juda ju sho qiuqiu lamonü thünio thsungkheak arü yihnüpü thulopü yungsho apinü tümükhüh zhochihrü kilim jihpü Jisunü api ki thakheah de khürünü lüm.

JOHAN 13:3

Jisunü api khah ching Abuhnü lüpdükhi jihdo tüsho api Thrünpuh kilimnü arükheah tüsho Thrünpuh kilim yüchoh de mükheahbah,

JOHAN 13:34

Nüsa khülangnü khülang muzhoachihpü inü nüsa kilim thiyuzüng aso khülang jihchoh; inü nüsa muzhokhi nangde, nüsa she khülangnü khülang muzhoachihang.

JOHAN 14:28

Inü nüsa ki, ‘I yüchoh tüsho nüsa kilim alode arübah,’ de athakhi nüsanü sodo. Nüsanü I muzhosho, nüsa asühachihbah, tümütüsho inü tha, ‘I Buh kilim I yüchoh,’ tümüde I Buh ju I kheaknü atobe ah.

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 16:28

Abuh kilimnü I alomi ching arükheah. Kheaküshe, inü alomi zojihbah Abuh kilim yülobah.”

JOHAN 17:1

Jisunü harü thabah, yinmi lim kheahde tha, “Abuh, kim arüdo. Nü tsührü müretahshang, junangde nü tsührünü she nü müretahbah,

JOHAN 17:16

I alomi yo yungkhi nangde arübo alomi yo yung.

JOHAN 17:26

Inü arü ki nü mung khipkhitdo, tüsho ju khipkhitbah, junangde nünü I muzhokhi amuzho arü kheak labah tüsho I arü kheak labah.”

JOHAN 17:5

Tüsho kheakü, O Abuh, alomi mülayichoki nü lang I müretah lakhi nangde I müretahshang.

JOHAN 18:4

Jumonü Jisunü api kheak dünjipü alala mükheahbah mikhuhlim yü tüsho arü ki tha, “Nüsanü she yimcho?”

JOHAN 19:28

Ju dunglim, kheaküa alala bando de mükheahbah, amüsühyu dünjipü thsüde Jisunü tha, “I Kethürilah!”

JOHAN 2:13

Kheakü Jihudarü phunghothünio thüninde alakheah, tüsho Jisunü Jirusalem lim wutu.

JOHAN 6:4

Kheakü Jihudarü phungho-thünio, thüninde alakheah.

JOHAN 7:30

Judüki arünü api rampü yim; tüshe shenü api kheak khah muchung, tümütüsho api kim marüyide alakheah.

JOHAN 7:6

Judüki Jisunü arü ki tha, “I kim marüyi, tüshe nüsa kim a kamruhroro thsakhama lah.

JOHAN 8:20

Harü yubo Jisunü apinü arüngyam ching thsangyude alachoki shozopung chingnü tha; tüsho shenü she api kheak khah muchung, tümüde api kim marüyide alakheah.

ROMRÜ KILIM PAULNÜ ATHRÜTKHI KIHÜM HUHTANYU 8:37

Yung, harü alala ching isa muzhobuh hode isa ju akuk ngürü kheaknü alü ah.

1 KORINT 1:8

apinü akheam khiungde nüsa kümbah, junangde isa Atungpuh Jisu Khrista nimung ching nüsa amülim mülade alabah.

IBRI 3:14

Tümüde isanü akhuhbe mulongram lakhi ju akheam khiungde düküngde ramrihsho, isanü Khrista lung shihcham luchoh.

IBRI 3:6

tüshe Khrista a tsührü thsüde Thrünpuh yam kurungkheak thiyuro larü lakheah. Tüsho isanü mulong tokhi tüsho isanü kükheangkhi mulonglam ching düküngde ramrihsho, isa ju api yam ah.

IBRI 6:11

Nüsa mulonglam mütsanpü thsüde, nüsa mihbüm abannü ha ruk düshihde akheam khiungde huhshihnelah,

1 PETER 1:13

Jumonü rhimopü thsungkheak nüsa lümkhi thsakhamang, nihbuh danyukang, Jisu Khrista amikheak akhiukchoki nüsa kilim amüthsüm arüpü lakhi kheak nüsa mulonglam alala zoang.

1 JOHAN 4:19

Isanü muzhochoh, tümütüsho apinü akhuhde isa muzho.

AMIKHEAKAKHIUKKHI 1:5

tüsho thiyuro thiyumütsan thsübuh Jisu Khrista ashe chingnü arhang kamlokhi akhuhbuh, tüsho alomi ching kiulongthsürübo kurung yakzanshuhbuh kilimnü. Isa muzhobuh tüsho api thiyih hode isa neakbo chingnü isa zuzu kamshihkhi