JOHAN 12:6 - AMÜSÜH HÜM CL Bible (BSI)

⁶ Ha apinü zhochihrü lümrhihmonü athakhi yung, tüshe api ju ahührü tüsho sho qiuqiu lamonü ah; tüsho ju ching yukkhi apinü lude la.

JOHAN 12:6 Iomraidhean Croise

MUNGSHIKHÜN 14:1

Makharünü api mulong ching thachoh, “Thrünpuh müla.” Arü athsümünim lah, arünü athraneanbe rhimochoh, atsü rhimorü she müla.

MÜCHITMUDU 29:7

Thiyuro-lungkirünü zhochihrü dünkheak lümakheahchoh, tüshe mihbukmuyuknü hadürü manikhit.

EZEKIEL 33:31

Mihtsürübo arüchoki arünü nü kilim arüchoh, tüsho arünü I mihtsürü nangde nü miki binchoh, tüsho arünü nü yubo anichoh, tüshe arünü jurübo mürhimo. Tümüde thiyu-ake arü münküpbo kheak lah, tüshe arü mulong a arü alü thsüpü kheak lah.

MATHI 21:13

Tüsho apinü arü ki tha, “Ha thrüta lah, ‘I yam ki tamkhüntamnü yam de ajibah,’ tüshe nüsanü jangkhijangrarü jikpung kamshihchoh.”

LUKNÜ ATHRÜTKHI THIYUSHEAK-ATSÜ HUHTANYU 8:3

tüsho Herod yam ching atorü Khuza niube Joanna, Susanna, tüsho arünü athsükhukkhi chingnü arü ki jihchungrü püpürü ahihdo lakheah.

JOHAN 10:13

Amulokhinü alihde tsochoh tümütüsho api ju amulokheah tüsho namfimihnubo thsungkheak sükde mülüm.

JOHAN 12:5

“Tümü thsükhi ha rhümthüneabe shotoyinchi nak 300 dün yinbah ju sho zhochihrü kilim müjihkhea?”

JOHAN 13:29

Tümüde Juda ju sho qiuqiu lamonü thünio thsungkheak arü yihnüpü thulopü yungsho apinü tümükhüh zhochihrü kilim jihpü Jisunü api ki thakheah de khürünü lüm.

1 KORINT 6:10

ahühkhi, yihnelune, müshangmuru, thsangkhithsangyuk, yungsho jangkhijangranü Thrünpuh kiulongthsü yamrüplurüp mulu.

GALATIA 2:10

Arünü akeokhikhi ju inü arhimopü mulongde alakhi isanü mutukzhakde zhochihrü lümkhitpü lakheah.

1 TESALONIKA 5:22

amütsü mungjibo chingnü bahkhiang.

JAKOB 2:2

Tümütüsho mihtsürü khülang suna nüpü tüsho khimmih atsü yihbah nüsa mukhungmüdan ching arü, tüsho zhochih mihtsürü she khimmih amürhüt yihbah azahsho,

JAKOB 2:6

Tüshe nüsanü zhochihrü mükhemükimdo. Nüsa junokhi ju alarünü yung de, nüsa mahkhappung ching nima yüshihkhi arü yung de?