JOHAN 12:5 - AMÜSÜH HÜM CL Bible (BSI)

⁵ “Tümü thsükhi ha rhümthüneabe shotoyinchi nak 300 dün yinbah ju sho zhochihrü kilim müjihkhea?”

JOHAN 12:5 Iomraidhean Croise

EZRA 4:14

Kheakü, tümü thsükhi isa nü kiuthsü yakzan bukkhüp lamonü, hadürü kiulongthsüpuh mungchih dünjikhi müngüne, jumonü ha kiulongthsüpuh ki mükheahshihpü mühahchoh.

ABEKHIT 5:17

Tüshe apinü tha, “Nüsa yomuhyothsünlah, tüsho mürhimone jumonü nüsanü thachoh, ‘Atungpuh kingaünpü isa yüshang.’

ABEKHIT 5:8

Tüshe müngühlim arünü lotaklung küdükhüh thsükhitkheanü ju dükhüh thsükhitshihpü nüsanü arü ki thaang; ju kheaknü anükbe dükamshih, tümüde arü yomuhlah, jumonü ‘Isa Thrünpuh ki kingaünpü yüshang’ de arünü zhichoh.

AMOS 8:5

ha tha, “ Küyimki khinu aso hobaki, junangde isanü hi yinbah; tüsho amuni hobaki, junangde isanü yukyinpü thsungkheak wheat hi jihbah? junangde isanü alü kheangbah, amülim adünara ahoribah, tüsho thülothiyirü ki akeara ching rük thsübah,

MATHI 18:28

“Tüshe yamlabuh junü wukhiuk tüsho api adholi 100 shozüng lakhi rukhüh yamlarü bolung shoru; apinü zünga lubah athrukeang kheak thünitde tha, ‘Nünü I züngkhi shakang!’

MATHI 20:2

Küyimki apinü rhimorübo ki nimung mihkhah dün adholi 1 jihpü mulongbanü arübo api yo kurungasolu ching yüshihchoh.

LUKNÜ ATHRÜTKHI THIYUSHEAK-ATSÜ HUHTANYU 12:33

Nüsa lakhitbo yinang tüsho zhochihrü kilim jihang. Mümürhütbe shoyukpung, ahührü müthüninpung yungsho tsünsuknü müthsümünimpung, amükheambe yinmi ching rahpung tsanglunga zoang.

LUKNÜ ATHRÜTKHI THIYUSHEAK-ATSÜ HUHTANYU 18:22

Küyimki Jisunü harü sokhea, apinü anihbuh ki tha, “Nü kheaküshe khülangnü maban. Nü lakhi alala yinang tüsho zhochihrü kilim chama jihang, tüsho yinmi chingnü nü rahpung labah; tüsho arang, I dunglim yanang.”

LUKNÜ ATHRÜTKHI THIYUSHEAK-ATSÜ HUHTANYU 6:41

Tümü thsükhi nü mük ching lakhi aneak mükheahde nü keoniorü mük ching aneak kheahcho le?

JOHAN 12:4

Jushu api jingyanrü bolung, khülang api yinatsühpü lakhi Simon tsührü Juda Iskariotnü tha,

JOHAN 12:6

Ha apinü zhochihrü lümrhihmonü athakhi yung, tüshe api ju ahührü tüsho sho qiuqiu lamonü ah; tüsho ju ching yukkhi apinü lude la.

JOHAN 13:29

Tümüde Juda ju sho qiuqiu lamonü thünio thsungkheak arü yihnüpü thulopü yungsho apinü tümükhüh zhochihrü kilim jihpü Jisunü api ki thakheah de khürünü lüm.

JOHAN 6:7

Philipnü api ki alo, “Shotoyinchi nak 200nü athulokhi yikhapnü arü anini abanpü suhdahbah.”