JOHAN 12:49 - AMÜSÜH HÜM CL Bible (BSI)

⁴⁹ Tümüde inü I yo thiyukhüm-sühmühnü masuk; tüshe inü tümü thaba tüsho tümü asukbanü I thiyibuh I Buhnü I ki thiyukhüm jih.

JOHAN 12:49 Iomraidhean Croise

JOHAN 14:10

I Abuh kheak lah tüsho Abuh I kheak lah de nünü mükincho de? Inü nüsa ki thakhi yubo ju I yo thiyukhüm-sühmühnü masuk tüshe I kheak lakhi I Buh rhimo rhimochoh.

JOHAN 14:24

Shepünü I mümuzhonü I yubo muzochoh; tüsho nüsanü asokhi yu ju I yo yung tüshe I thiyikhi I Buh yo ah.

JOHAN 14:31

Tüshe inü I Buh muzholah de alominü amükheahpü, tüsho I Buhnü thiyuzüng jihkhi nangde inü rhimochoh. Asürang, isanü ha chingnü yüanü.

JOHAN 15:15

Kheakü inü nüsa ki yamlarübo de müji, tümüde yamlarünü api putungrünü tümü rhimochonü mümükheah; tüshe inü nüsa ki müyamrübo de ji, tümüde inü I Buh kilimnü asokhi alala nüsa ki mükheahshihdo.

JOHAN 17:8

Tümüde nünü I kilim jihkhi yubo inü arü kilim jihdo; arünü jurü leangkhido, tüsho I ju nü kilimnü arükheah de tsükjide mükheahdo; tüsho nünü I thiyikheah de arünü kindo.

JOHAN 3:11

Atsütsü inü nü ki thachoh, isanü tümü mükheahlanü ju asukchoh tüsho tümü ngüdünü thiyumütsan thsüchoh, tüshe nünü isa thiyumütsan müleangkhichoh.

JOHAN 3:32

Apinü tümü ngükhea tüsho asokheanü asukchoh, tütüshe shenü she api yusheak müleangkhi.

JOHAN 5:19

Judüki Jisunü arü ki tha, “Atsütsü inü nüsa ki thachoh, atsührünü aküdahnü tümü müthsükhuk, tüsho Abuhnü tümü rhimode apinü ngüchonü ju rhimochoh; tümütüsho apinü tümü rhimochonü, atsührünü she ju ruk rhimochoh.

JOHAN 5:30

“I küdahnü tümü müthsükhuk. Inü asokhinü mahkhapchoh; tüsho I mahkhapkhi ju thiyuro-lungki, tümütüsho inü I lümkhi müyim tüshe I thiyibuh I Buh lümkhi yimchoh.

JOHAN 6:68

Simon Peternü api ki alo, “Atungpuh, isanü shepü ki yüpü? Nü yubo akheam müla rhangdung lah.

JOHAN 7:16

Jisunü arü ki alo tüsho tha, “I kingaün-yakzan ju I yo yung, tüshe I thiyibuh yo ah.

JOHAN 8:26

Inü nüsa dünkheak ahihdo thapü tüsho mahkhappü lah, tüsho I thiyibuh thiyuro lah; tüsho küpü api kilimnü asokheanü inü alomi ki ju asukchoh.”

JOHAN 8:28

Judüki Jisunü arü ki tha, “Küyimki nüsanü Mihtsürü Tsührü shuhkihbanü, I api ah, tüsho inü I küdahnü tümü müthsü de nüsanü amükheahbah, tüshe I Buhnü thsangyukhi nangde inü harü asukchoh.

JOHAN 8:42

Jisunü arü ki tha, “Thrünpuh ju nüsa Abuh thsükhülaa, nüsanü I muzhobah, tümüde I Thrünpuh kilimnü arükheah; yungsho I küdah thsüde marü, tüshe apinü I thiyikheah,

YUZÜNGTHALO 18:18

Inü arü keoniorü bolungnü nü nangde wukihrü khülang akhiukshihbah tüsho api mün ching I yu yukjihbah, tüsho inü api ki thiyukhüm jihkhi alala arü ki thabah.

AMIKHEAKAKHIUKKHI 1:1

Nahde adünjipü lakhi Thrünpuhnü api tankihrübo ki huhpü api kilim jihkhi Jisu Khrista amikheak akhiukkhi ah; tüsho apinü anihbuh yunirü api tankihrü Johan kilim yüshihde ju mükheahshih,