JOHAN 12:48 - AMÜSÜH HÜM CL Bible (BSI)

⁴⁸ Shepünü I bahyukcho tüsho I yubo müleangkhichonü mahkhap khülang lah; inü athakhi yu hode akheam nimung api mahkhapbah.

JOHAN 12:48 Iomraidhean Croise

ISAIA 53:3

Api ju mihtsürübonü mükhemükim tüsho bahyuk; mulong tukthsü mihtsürü tüsho thsünümih lakheah; tüshe mihtsürübonü api kheaknü miro ramabah, api mükhemükim thsü, tüsho isanü api mükheyuk.

MATHI 10:15

Tsükjide inü nüsa ki thachoh, mahkhap nimung Thrünpuhnü ju kiuto kheaknü Sodom tüsho Gomorra mihtsürü ki alü amüthsüm huhbah!

MATHI 21:42

Jisunü arü ki tha, “Nüsanü amüsühyubo ching mükheakheah de: ‘Thüyam-thsürünü abahyukkhi lung ju amühit-lung kamdo; Atungpuhnü ha rhimodo, tüsho ha isa mük ki amüyinsahbe lah’?

MATHI 25:31

“Küyimki Mihtsürü Tsührü, api lung amüsüh yunirübo alala bebah müretahkhi ching arübanü, nihbuh müretah kiulongthsü-binkiu kheak api binbah.

MARK 12:10

Nüsanü amüsühyu ha mükhe de: ‘Thüyam thsürübonü abahyukkhi lung ju adungtobe amühit-lung kamdo.

MARK 16:16

Shepünü kinde baptibanü akhümkhitbah; tüshe shepünü mükinnü abahyukbah.

MARK 8:31

Tüsho apinü Mihtsürü Tsührü ju khide thsünübah, azothsürü le amükeam putungrü tüsho athrütrübonü abahyukbah, alaksahbah, tüsho nimung mahsam dunglim asürülobah de arü ki thsangyupü tankih.

LUKNÜ ATHRÜTKHI THIYUSHEAK-ATSÜ HUHTANYU 10:16

“Shepünü nüsa ki anibanü I ki anichoh, shepünü nüsa bahyukbanü I bahyukchoh, tüsho shepünü I bahyukbanü I thiyibuh bahyukchoh.”

LUKNÜ ATHRÜTKHI THIYUSHEAK-ATSÜ HUHTANYU 17:25

Tüshe akhuhde apinü hihde thsünübah tüsho ha lünnü abahyukbah.

LUKNÜ ATHRÜTKHI THIYUSHEAK-ATSÜ HUHTANYU 20:17

Apinü arü kheak kheahbah tha, “Dale tüsho ha thrüta lakhi ju tümü a: ‘Thüyam-thsürübonü abahyukkhi lung ju amühit-lung adungtobe kamdo’?

LUKNÜ ATHRÜTKHI THIYUSHEAK-ATSÜ HUHTANYU 7:30

Tüshe Pharisirü tüsho yakzan thsangyurübonü arü thsungkheak Thrünpuh lümkhi bahyuk, tümütüsho arübo a Johannü mübapti.

LUKNÜ ATHRÜTKHI THIYUSHEAK-ATSÜ HUHTANYU 9:22

Tüsho apinü tha, “Mihtsürü Tsührü khide thsünübah, tüsho azothsürübo le amükeam putungrübo tüsho yakzan thsangyurübonü bahyukde alaksahbah tüsho nimung mahsam nipü arhang kamlobah.”

LUKNÜ ATHRÜTKHI THIYUSHEAK-ATSÜ HUHTANYU 9:26

Tümüde shepünü I dünkheak achihchonü, Abuh, amüsüh yunirübo tüsho api müretahkhi ching arüchoki Mihtsürü Tsührünü api dünkheak achihbah.

JOHAN 11:24

Marthanü api ki alo, “Akheam nimung arhang kamlokhi ching api asürübah de inü mükheahlah.”

JOHAN 5:45

I Buh miki inü nüsa müdambah de dülüm; nüsa müdampü khülang nüsanü mulonglamkhi Mosa lah.

JOHAN 6:39

Ha I thiyibuh Abuh lümkhi ah, junangde apinü I jihkhi alala tümü she müdükheak tüshe akheam nimung ching arhang kamlobah.

JOHAN 8:47

Shepü Thrünpuh yoanü Thrünpuh yu anichoh; jumonü nüsanü mani, tümütüsho nüsa a Thrünpuh yo yung.”

YUNIRÜBO RHIMO 17:31

tümütüsho apinü amokhitkhi mihtsürünü thiyuro-lungkinü alomiküp mahkhappü nimung khülang akhukhitdo, tüsho ha apinü ashe chingnü arhang kamloshihkhi hode mihtsürü alala kilim adüngakhi jihdo.”

YUNIRÜBO RHIMO 3:23

Tüsho ju wukihrü ki manirü mihtsürü aban mihtsürü bolungnü adükheakshihbah.’

ROMRÜ KILIM PAULNÜ ATHRÜTKHI KIHÜM HUHTANYU 2:16

Ha I yo thiyusheak-atsü yande Thrünpuhnü Jisu Khrista hode mihtsürü lümkhibo mahkhap nimung dünjibah.

2 KORINT 4:3

Tüsho isa thiyusheak-atsü muhiudoa lalashe, ju adükheakrübo kilim lang muhiudoa lah.

2 TESALONIKA 1:8

Thrünpuh mümükheahrü tüsho isa Atungpuh Jisu thiyusheak-atsü mihyumanirü apinü thsümüchibah.

IBRI 10:25

khürünü susu thsüde alakhi nangde isanü rukhüh mukhungpü mutuklonü, tüshe Atungpuh nimung thüninde arükhi nüsanü ngülale khülangnü khülang tuthsukachihanü.

IBRI 12:25

Shepünü asukchonü, api ki müreanglopü atünadoang. Alomi ching akin yusheak jihrü ki sherünü reanglokheanü mutsokhide lado. Dale tüsho yinmi chingnü asukrü kheaknü isanü rholode tsosho isanü atsokhipü küdükhüh achak laba?

IBRI 2:3

isanü hadürü akhümkhit ato bahyuksho küde thsah isa tsokhiba? Ju akhuhde Atungpuhnü khipkhit, tüsho api sorünü isa ki mütsanloshih,

IBRI 4:12

Tümüde Thrünpuh yu ju arhang tüsho adukathri, khülim khülim ahüyuk nukshang kheaknü ayukbe, rhangdung le me chamnakkhi tüsho amüchinbo le khiuk khiungde achinkhitkhi, tüsho lümkhibo le mulong ching lümkhibo mütsankhitbe lah.

1 PETER 1:5

sherü akheam kim ching amikheak akhiukpü lakhi akhümkhit thsungkheak akin hode Thrünpuh wunü aheangde la.

2 PETER 3:3

Akhuhde, akheam nimungbo ching luhmünerünü luhmünede tüsho arü nihbuh amütsü künkhi chingnü arübah de nüsanü anikhitbeah.

2 PETER 3:7

Ju yunü kheakü lakhi thüningbo tüsho alomi, mahkhap nimung tüsho amükinrü mihtsürü dükheakshihpü khiungde mo thsungkheak akhua zolah.

1 SAMUEL 10:19

Tüshe khihni nüsanü nüsa Thrünpuh shepünü nüsa thsümütsü dünjikhi tüsho lümthsünübo chingnü khümkhitchonü api bahyuk; tüsho nüsanü tha, ‘Yung! tüshe kiulongthsürü khülang isa kurungkheak zojang.’ Jumonü kheakü nüsanü Atungpuh miki nüsa trükbo tüsho gukbo ayannü mukhungang.”

1 SAMUEL 8:7

tüsho Atungpuhnü Samuel ki tha, “ Mihtsürübonü nü ki thakhi arü düsheak alala ching anijang; tümüde arünü nü mübahyuk, tüshe arü kurungkheak kiulongthsürü zokhi hode I bahyukdo.