JOHAN 12:42 - AMÜSÜH HÜM CL Bible (BSI)

⁴² Judüalalashe yakzanshuhrü bolung ahihkhühnü api kheak kin, tüshe Pharisirübo dünkheaknü arünü api ki malokhi, jude yungsho sinagog chingnü ayankhitbah;

JOHAN 12:42 Iomraidhean Croise

MÜCHITMUDU 29:25

Mihtsürü trekhinü müthrim handarüchoh, tüshe shepünü A TUN GPU H kheak kinchonü akhümkhitbah.

ISAIA 51:7

Nüsa sherü thiyuro-lungki mükheahlanü, nüsa mihtsürü sherü mulong ching I thsangyukhi lanü I ki aniang; püpürünü mükhemürangkhi dütre, tüsho arünü nü mükthsüchoki mulong dünini.

ISAIA 57:11

Nünü she ki trekhea, junangde nünü akeangyu thakhea tüsho I mülümkhit yungsho I kilim lümkhi müjihkhea? Inü kim ashangkhüh zhikde alamo nünü I mütrekhea de?

ISAIA 66:5

Atungpuh yu aniang, nüsa sherü api yu sobah ajancho: Nüsa thraneanrü nüsa mihtsürü tüsho I mung chingnü nüsa bahyukrünü tha, “Atungpuh müretahshang, junangde isanü nüsa asühkhi ngüanü”; tüshe arübo achih ngübah.

JEREMIA 38:19

Kiulongthsüpuh Zedekianü Jeremia ki tha, “ Inü Kaldearü kilim tsode ayükhi Jihudarü trelah, tümüde I arü kilim jihpü labah tüsho arünü I thsümüchibah.”

MATHI 10:32

“Jumonü shepünü mihtsürübo miki I alokhibanü, yinmi ching labuh I Buh miki inü api alokhibah.

LUKNÜ ATHRÜTKHI THIYUSHEAK-ATSÜ HUHTANYU 12:8

“Inü nüsa ki thachoh, shepünü mihtsürübo miki I leangkhibanü, Thrünpuh yunirübo miki Mihtsürü Tsührünü she api leangkhibah.

LUKNÜ ATHRÜTKHI THIYUSHEAK-ATSÜ HUHTANYU 23:13

Küyimki Pilatnü amükeam putungrübo, yakzanshuhrübo, tüsho mihtsürübo rukhüh jimukhungkheanü,

LUKNÜ ATHRÜTKHI THIYUSHEAK-ATSÜ HUHTANYU 6:22

“Mihtsürü Tsührü dünkheaknü küyimki mihtsürübonü nüsa thraneanba, küyimki nüsa mükhemükimde khekhita bahba tüsho amütsü thade nüsa mung bahyukbanü nüsa asühpü!

JOHAN 11:45

Judüki Mari lung arürü Jihudarü ahihkhühnü Jisunü arhimokhi ngübah api kheak kin.

JOHAN 12:11

tümütüsho api dünkheaknü Jihudarü ahihkhüh tsoabah tüsho Jisu kheak kin.

JOHAN 16:2

Arünü nüsa sinagogbo chingnü ayankhitbah; am, shepünü nüsa laksahbanü, apinü ju rhimokhinü Thrünpuh tankihchoh de alümpü kim arüchoh.

JOHAN 19:38

Ju dunglim Jisu jingyanrü Arimathearü Josepnü Jihudarü trekhinü ramde Jisu mi lude atsopü Pilat ki keokhi; tüsho Pilatnü api ki mülüjih. Jumonü apinü arübah Jisu mi ju lu.

JOHAN 3:2

Ha mihtsürünü azhing ching Jisu ki arübah tha, “Rabbi, nü a Thrünpuh kilimnü arükhi thsangyurü ah de isanü mükheahlah; tümütüsho api lung Thrünpuh müladüa nünü arhimokhi harü khinthiyinbebo shenü mürhimokhuk.”

JOHAN 7:13

Tütüshe Jihudarü trekhinü shenü she aleangkheak akhiukde api dünkheak masuk.

JOHAN 7:31

Tüsho mihtsürü ahihkhühnü api kheak kinde tha, “Küyimki Khrista arübanü ha mihtsürünü arhimokhi kheaknü apinü khinthiyinbe alü rhimoba shi?”

JOHAN 9:22

Jihudarü tremonü api bebuhrünü jude athakheah, tümüde shepünü api ju Khrista ah de athabanü sinagog chingnü api yankhitbah de Jihudarünü münrüna lakheah.

JOHAN 9:34

Arünü api ki tha, “Nü a neak chingnü zübemusukheah, tüsho nünü isa thsangyucho de?” Tüsho arünü api yankhitabah.

YUNIRÜBO RHIMO 5:41

Judüki Jisu dünkheak mükhemükimpü thülünlah de arünü asühachihde kiuthsü-binkiu kinü tso.

ROMRÜ KILIM PAULNÜ ATHRÜTKHI KIHÜM HUHTANYU 10:10

Tümüde mihtsürünü api mulongnü kinchoh, junangde alim mütsando tüsho api münküpnü alokhichoh tüsho api khümkhit.

1 JOHAN 4:15

Shepünü Jisu ju Thrünpuh tsührü ah de alokhichonü Thrünpuh api kheak lachoh, tüsho api Thrünpuh kheak lachoh.

1 JOHAN 4:2

Ha hode nüsanü Thrünpuh Me mükheahbah: Jisu Khrista ju mihtsürü kambah arüdo de mütsanmükhikhi me aban Thrünpuh kilimnü lah,