JOHAN 12:40 - AMÜSÜH HÜM CL Bible (BSI)

⁴⁰ “Apinü arü mük tukshih tüsho arü mulong müküpshih, jude yungsho arü mükbonü angübah tüsho mulongnü anikhitbah, tüsho rholode arübah inü arü thsüngubah.”

JOHAN 12:40 Iomraidhean Croise

1 KIULONG THSÜRÜ 22:20

Tüsho Atungpuhnü tha, ‘ Shepünü Ahab mülomülapba, junangde api wutubah tüsho Ramoth-gilead ching lungbah?’ Judüki khülangnü khülang ha tha, tüsho püpürünü ju tha,

MUNGSHIKHÜN 147:3

Apinü mulong tukthsürü thsünguchoh tüsho arü mübo rümjihchoh.

MUNGSHIKHÜN 41:4

Inü tha, “O Atungpuh , I müthsümang; I thsüngujang, tümüde nü azhihde inü neak yihbeakdo.”

MUNGSHIKHÜN 6:2

I ki amüthsüm laang, O Atungpuh , tümüde I sühmüh müla; O Atungpuh , I thsüngujang, tümüde I robo thsünü ching lah.

ABEKHIT 10:1

Kheakü Atungpuhnü Mosa ki tha, “Pharao kilim yüang; tümüde inü api tüsho ayamlarübo mulong müküpshihdo, junangde inü api miki harü amütsanbo huhbah,

ABEKHIT 11:10

Jumonü Mosa le Aron bünenü harü khinthiyinbebo alala Pharao miki rhimo; tüshe Atungpuhnü Pharao mulong müküpde kamshih, tüsho Israelrü api lomi chingnü mütsoshih.

ABEKHIT 14:17

Tüsho inü Ijiprü mulong müküpshihbah, junangde arünü arü dunglim yüzahbah, tüsho Pharao le api bonungrü, api khora-lolungbebo, tüsho api khoraberü hode I müretahbah.

ABEKHIT 14:4

Judüki inü Pharao mulong müküpshihbah apinü nüsa müshambah; Pharao tüsho api bonungrü hode I müretahbah, junangde Ijiprünü I Atungpuh de amükheahbah.” Tüsho Israelrünü jude rhimo.

ABEKHIT 14:8

Atungpuhnü Ijip kiulongthsüpuh Pharao mulong müküpshih tüsho mulong tode ayürü Israelrü müsham.

ABEKHIT 4:21

Atungpuhnü Mosa ki tha, “Küyimki nü Ijip lomi lim alode ayübanü inü nü kilim sühmüh jihkhi nangde Ijip kiulongthsüpuh miki khinthiyinbe rhimo alala rhimoang. Tüshe inü api mulong müküpde kamshihbah tüsho mihtsürübo ju müyüshih.

ABEKHIT 7:13

Tütüshe Atungpuhnü athakhi nangde Pharao mulong müküpde kam tüsho apinü ane ki mani.

ABEKHIT 7:3

Tüshe inü Pharao mulong müküpde akamshihbah, tüsho inü Ijip lo ching amütsanbo tüsho khinthiyinbebo alü kamshihshih she,

ABEKHIT 9:12

Tüshe Atungpuhnü Pharao mulong müküpde kamshih; tüsho Atungpuhnü Mosa ki asukkhi nangde apinü ane ki mani.

ISAIA 26:11

O Atungpuh , nü khah shuhkihlah tüshe arünü ju müngü. Nünü nü mihtsürü thsungkheak mulong jihkhi arünü ngüshang tüsho achihshang. Nü azhihrü monü arü aniuabahshang.

ISAIA 29:10

Tümüde Atungpuhnü nüsa kheak yapnekudobe me dungkihdo; nüsa wukihrübo, apinü nüsa mük yihdojihdo, tüsho nüsa angürübo, nüsa kubo muhiujihdo.

ISAIA 53:5

Tüshe isanü alakmihkhi thsungkheak api yuri, isa amülimbo thsungkheak zünak; api kheak thsümüchi hode isa khiukde kamshih, tüsho api mübo hode isa ngushih.

ISAIA 6:10

Ha mihtsürü lümkhi zhazhade kamshang, tüsho arü nükhünbo peangshang, tüsho arü mükbo yihdojang, junangde arünü arü mükbonü mükheah, tüsho arü nükhünbonü mani tüsho arü lümkhibonü manikhit, tüsho rholode müthsüngu.”

ISAIA 6:9

Tüsho apinü tha, “ Yüang tüsho mihtsürübo ki ha thaang: Anibah, tüshe manikhit; akheahbah, tüshe mümükheah.

JEREMIA 3:22

Rholoang, O akin mülakhi tsührübo, inü nüsa akin mülakhi chingnü thsüngujihbah. “He, isa nü kilim arüchoh; tümüde nü a Atungpuh isa Thrünpuh.

JEREMIA 5:21

Ha aniang, O makhakhi tüsho sulüm mülakhi mihtsürübo, sherü mükjibo la, tüshe müngücho, sherü nükhünbo la, tüshe musocho.

EZEKIEL 12:2

Mihtsürü tsührü, nü azhih mihtsürü bolung lachoh. Arübo angüpü mükbo lah tüshe müngü tüsho asopü nükhünbo lah tüshe muso, tümüde arübo azhih mihtsürü ah.

EZEKIEL 14:9

Tüsho wukihrü ju müchityu thapü mülapyuka lasho, I Atungpuh nü ju wukihrü mülapyukkheah, tüsho inü api azhihde I khah chungkihbah tüsho I mihtsürü Israel bolungnü api dükheakshihbah.

HOSEA 14:4

“ Inü arü akin-mülakhi thsüngubah; inü akeangnü arü muzhobah, tümüde I bukakhiukkhi arü kheaknü tsodo.

HOSEA 6:1

Arang, isanü Atungpuh kilim rholoanü; tümüde apinü isa thonak, tüshe apinü isa thsüngubah; apinü isa yurijih, tüshe apinü isa mü rümjihbah.

MATHI 15:14

Arü küdah thsüshang. Arübo a müktukrü limberübo müktukrübo ah. Tüsho müktukrünü müktukrü limbesho, ane chido shingkung ching keamyukbah.”

MARK 4:12

junangde ‘arünü kheahkheah she mükheahkhit, arünü anini she muso tüsho manikhit; jude yungkhülaa arünü arholobah tüsho neak bahjihbah!’ ”

MARK 6:52

Tümüde arünü yikhapbo dünkheak manikhit, tümütüsho arü mulong müküpde alakheah.

LUKNÜ ATHRÜTKHI THIYUSHEAK-ATSÜ HUHTANYU 4:18

“Atungpuh Me I kheak lah tümütüsho zhochihrü ki thiyusheak atsü thsangyuthsangrapü apinü I mujude-müsühkhit. Apinü I aramrübo dükhepü zhiyukpü tüsho müktukrü ngüshihpü, junoa larü zuzu kamshihpü,

LUKNÜ ATHRÜTKHI THIYUSHEAK-ATSÜ HUHTANYU 8:10

apinü tha, “Nüsa kilim a Thrünpuh kiulongthsü aramyubo mükheahpü jih-a lah; junangde arünü kheahkheah she mükheahkhit, tüsho anini she manikhit.

JOHAN 12:39

Jumonü arünü mükinkhuk, tümütüsho Isaianü kheaküshe tha:

JOHAN 9:39

Tüsho Jisunü tha, “Mahkhappü thsungkheak ha lomi ching I arükheah, junangde shepünü müngünü angübah, tüsho shepünü ngülanü mük tukbah.”

YUNIRÜBO RHIMO 15:3

Jumonü borünü ane limro ching yüshihkhi nangde khiungkerü mulong müthrikhi thiyusheak jihde Phoenikia tüsho Samaria hode yü, tüsho ha yusheaknü keoniorü alala khide asühshih.

YUNIRÜBO RHIMO 28:26

‘Ha mihtsürübo kilim yüang tüsho thaang, Nüsanü anibah tüshe küyimkishe manikhit, tüsho nüsanü akheahbah tüshe mükheahkhit.

YUNIRÜBO RHIMO 3:19

Jumonü mulong müthriang, tüsho rholoang, junangde nüsa neakbo nankhita bahbah Atungpuh kilimnü me düküngpü kimbo arübah,

ROMRÜ KILIM PAULNÜ ATHRÜTKHI KIHÜM HUHTANYU 9:18

Junangde apinü amulongrü kheak mihmüthsüm lah, tüsho apinü amulongrü mulong müküpshihchoh.

YUZÜNGTHALO 29:4

Tütüshe ha nimung khiungde, Atungpuhnü nüsa ki anikhitpü lüm, angüpü mük tüsho asopü nükhün müjih.

JIHUSUA 11:20

Israelrü bede keochihshihpü Atungpuhnü arü ki lümkihshih, junangde arübo shahde thsümünimde tüsho mihmuzho mülade laksahkhamshihpü thsü. Ha Atungpuhnü Mosa ki thiyukhüm jihkhi ah.